ਨਵੀਂਨ ਅਤੇ ਨਵਿਆਉਣਯੋਗ ਊਰਜਾ ਮੰਤਰਾਲਾ
ਆਈਆਰਈਡੀਏ ਅਤੇ ਪੰਜਾਬ ਨੈਸ਼ਨਲ ਬੈਂਕ ਨੇ ਸਹਿ-ਵਿੱਤ ਅਖੁੱਟ ਊਰਜਾ ਪ੍ਰੋਜੈਕਟਾਂ ਲਈ ਹੱਥ ਮਿਲਾਇਆ
Posted On:
19 FEB 2024 2:33PM by PIB Chandigarh
ਇੰਡੀਅਨ ਰੀਨਿਊਏਬਲ ਐਨਰਜੀ ਡਿਵੈਲਪਮੈਂਟ ਏਜੰਸੀ ਲਿਮਿਟਡ (ਆਈਆਰਈਡੀਏ) ਅਤੇ ਪੰਜਾਬ ਨੈਸ਼ਨਲ ਬੈਂਕ (ਪੀਐੱਨਬੀ) ਨੇ ਦੇਸ਼ ਭਰ ਵਿੱਚ ਅਖੁੱਟ ਊਰਜਾ ਪਹਿਲਕਦਮੀਆਂ ਨੂੰ ਅੱਗੇ ਵਧਾਉਣ ਦੇ ਉਦੇਸ਼ ਨਾਲ ਇੱਕ ਸਮਝੌਤਾ ਪੱਤਰ (ਐੱਮਓਯੂ) 'ਤੇ ਹਸਤਾਖਰ ਕੀਤੇ ਹਨ। ਅੱਜ 19 ਫਰਵਰੀ, 2024 ਨੂੰ ਨਵੀਂ ਦਿੱਲੀ ਵਿੱਚ ਆਈਆਰਈਡੀਏ ਦੇ ਰਜਿਸਟਰਡ ਦਫ਼ਤਰ ਵਿੱਚ ਹਸਤਾਖਰ ਕੀਤੇ ਗਏ ਸਮਝੌਤੇ, ਅਖੁੱਟ ਊਰਜਾ ਪ੍ਰੋਜੈਕਟਾਂ ਦੇ ਵਿਭਿੰਨ ਸਪੈਕਟ੍ਰਮ ਲਈ ਸਹਿ-ਉਧਾਰ ਅਤੇ ਲੋਨ ਸਿੰਡੀਕੇਸ਼ਨ ਵਿੱਚ ਸਾਂਝੇ ਯਤਨਾਂ ਦਾ ਰਾਹ ਪੱਧਰਾ ਕਰਦੇ ਹਨ।
ਐੱਮਓਯੂ ਵਿੱਚ ਅਖੁੱਟ ਊਰਜਾ ਪ੍ਰੋਜੈਕਟਾਂ ਲਈ ਸਮਰਥਨ ਵਧਾਉਣ ਦੇ ਉਦੇਸ਼ ਨਾਲ ਵੱਖ-ਵੱਖ ਵਿਵਸਥਾਵਾਂ ਸ਼ਾਮਲ ਹਨ। ਇਹਨਾਂ ਵਿੱਚ ਸੰਯੁਕਤ ਉਧਾਰ, ਲੋਨ ਸਿੰਡੀਕੇਸ਼ਨ ਅਤੇ ਅੰਡਰਰਾਈਟਿੰਗ, ਆਈਆਰਈਡੀਏ ਉਧਾਰ ਲੈਣ ਵਾਲਿਆਂ ਲਈ ਟਰੱਸਟ ਅਤੇ ਰਿਟੇਨਸ਼ਨ ਅਕਾਉਂਟ (ਟੀਆਰਏ) ਦਾ ਪ੍ਰਬੰਧਨ, ਅਤੇ ਆਈਆਰਈਡੀਏ ਉਧਾਰਾਂ 'ਤੇ ਕੀਮਤ ਸਮੇਤ, ਮਨਜ਼ੂਰੀ ਦੀਆਂ ਪ੍ਰਤੀਯੋਗੀ ਸ਼ਰਤਾਂ ਵੱਲ ਕੰਮ ਕਰਨਾ ਸ਼ਾਮਲ ਹੈ। ਆਈਆਰਈਡੀਏ ਅਤੇ ਪੀਐੱਨਬੀ ਕਿਸੇ ਵੀ ਸੰਸਥਾ ਵਲੋਂ ਜਾਰੀ ਬਾਂਡਾਂ ਵਿੱਚ ਸਹਿਯੋਗ ਨਾਲ ਨਿਵੇਸ਼ ਕਰ ਸਕਦੇ ਹਨ।
ਇਸ ਸਹਿਮਤੀ ਪੱਤਰ 'ਤੇ ਆਈਆਰਈਡੀਏ ਦੇ ਜਨਰਲ ਮੈਨੇਜਰ ਡਾ. ਆਰ ਸੀ ਸ਼ਰਮਾ ਅਤੇ ਪੀਐੱਨਬੀ ਦੇ ਮੁੱਖ ਜਨਰਲ ਮੈਨੇਜਰ ਸ਼੍ਰੀ ਰਾਜੀਵਾ ਨੇ ਆਈਆਰਈਡੀਏ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਦੇਸ਼ਕ ਸ਼੍ਰੀ ਪ੍ਰਦੀਪ ਕੁਮਾਰ ਦਾਸ, ਪੀਐੱਨਬੀ ਦੇ ਐੱਮਡੀ ਅਤੇ ਸੀਈਓ ਸ਼੍ਰੀ ਅਤੁਲ ਕੁਮਾਰ ਗੋਇਲ, ਡਾਇਰੈਕਟਰ (ਆਈਆਰਈਡੀਏ ਦੇ ਵਿੱਤ) ਡਾ. ਬਿਜੇ ਕੁਮਾਰ ਮੋਹੰਤੀ ਅਤੇ ਦੋਵਾਂ ਸੰਸਥਾਵਾਂ ਦੇ ਹੋਰ ਸੀਨੀਅਰ ਅਧਿਕਾਰੀਆਂ ਦੀ ਮੌਜੂਦਗੀ ਵਿੱਚ ਹਸਤਾਖਰ ਕੀਤੇ ਗਏ।
ਸਹਿਯੋਗ 'ਤੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ, ਆਈਆਰਈਡੀਏ ਦੇ ਸੀਐੱਮਡੀ ਸ਼੍ਰੀ ਪ੍ਰਦੀਪ ਕੁਮਾਰ ਦਾਸ ਨੇ ਟਿੱਪਣੀ ਕੀਤੀ: "ਆਈਆਰਈਡੀਏ ਅਤੇ ਪੀਐੱਨਬੀ ਵਿਚਕਾਰ ਇਹ ਰਣਨੀਤਕ ਸਾਂਝੇਦਾਰੀ ਦੇਸ਼ ਵਿੱਚ ਅਖੁੱਟ ਊਰਜਾ ਦੇ ਵਿਕਾਸ ਨੂੰ ਤੇਜ਼ ਕਰਨ ਲਈ ਸਾਡੀ ਵਚਨਬੱਧਤਾ ਵਿੱਚ ਇੱਕ ਮਹੱਤਵਪੂਰਨ ਕਦਮ ਦੀ ਨਿਸ਼ਾਨਦੇਹੀ ਕਰਦੀ ਹੈ। ਸਾਡੀਆਂ ਸ਼ਕਤੀਆਂ ਅਤੇ ਸਰੋਤਾਂ ਨੂੰ ਜੋੜ ਕੇ, ਸਾਡਾ ਟੀਚਾ ਅਖੁੱਟ ਊਰਜਾ ਪ੍ਰੋਜੈਕਟਾਂ ਦੀ ਵਿਭਿੰਨ ਸ਼੍ਰੇਣੀ ਨੂੰ ਮਜ਼ਬੂਤ ਵਿੱਤੀ ਸਹਾਇਤਾ ਪ੍ਰਦਾਨ ਕਰਨਾ, ਸਥਿਰਤਾ ਅਤੇ ਵਾਤਾਵਰਣ ਪ੍ਰਤੀ ਜਾਗਰੂਕਤਾ ਨੂੰ ਉਤਸ਼ਾਹਿਤ ਕਰਨਾ ਹੈ। ਹੋਰ ਪ੍ਰਮੁੱਖ ਵਿੱਤੀ ਸੰਸਥਾਵਾਂ ਦੇ ਨਾਲ ਸਮਝੌਤਿਆਂ ਅਤੇ ਪੁਰਾਣੇ ਸਮਝੌਤਿਆਂ ਰਾਹੀਂ, 2030 ਤੱਕ 500 ਗੀਗਾਵਾਟ ਗੈਰ-ਜੈਵਿਕ-ਆਧਾਰਿਤ ਬਿਜਲੀ ਉਤਪਾਦਨ ਸਮਰੱਥਾ ਨੂੰ ਪ੍ਰਾਪਤ ਕਰਨ ਲਈ ਮਾਣਯੋਗ ਪ੍ਰਧਾਨ ਮੰਤਰੀ ਦੇ ਕੋਪ 26 ਐਲਾਨ ਅਨੁਸਾਰ ਆਈਆਰਈਡੀਏ ਵੱਡੇ ਪੱਧਰ 'ਤੇ ਅਖੁੱਟ ਊਰਜਾ ਪ੍ਰੋਜੈਕਟਾਂ ਨੂੰ ਫੰਡ ਦੇਣ ਲਈ ਚੰਗੀ ਸਥਿਤੀ ਵਿੱਚ ਹੈ।"
ਇਹ ਸਹਿਯੋਗ ਬੈਂਕ ਆਫ਼ ਬੜੌਦਾ, ਯੂਨੀਅਨ ਬੈਂਕ ਆਫ਼ ਇੰਡੀਆ, ਬੈਂਕ ਆਫ਼ ਇੰਡੀਆ, ਇੰਡੀਆ ਇਨਫ੍ਰਾਸਟ੍ਰਕਚਰ ਫਾਈਨਾਂਸ ਕੰਪਨੀ ਲਿਮਟਿਡ, ਬੈਂਕ ਆਫ਼ ਮਹਾਰਾਸ਼ਟਰ ਅਤੇ ਇੰਡੀਅਨ ਓਵਰਸੀਜ਼ ਬੈਂਕ ਸਮੇਤ ਹੋਰ ਪ੍ਰਮੁੱਖ ਵਿੱਤੀ ਸੰਸਥਾਵਾਂ ਨਾਲ ਆਈਆਰਈਡੀਏ ਦੀ ਸਫਲ ਭਾਈਵਾਲੀ ਨੂੰ ਮਜ਼ਬੂਤ ਕਰਦਾ ਹੈ। ਇਹ ਐੱਮਓਯੂ ਇਸੇ ਤਰ੍ਹਾਂ ਦੇਸ਼ ਭਰ ਵਿੱਚ ਅਖੁੱਟ ਊਰਜਾ ਪ੍ਰੋਜੈਕਟਾਂ ਦੀ ਇੱਕ ਵਿਸ਼ਾਲ ਸ਼੍ਰੇਣੀ ਲਈ ਸਹਿ-ਉਧਾਰ ਦੇਣ ਅਤੇ ਲੋਨ ਸਿੰਡੀਕੇਸ਼ਨ 'ਤੇ ਕੇਂਦਰਿਤ ਹਨ।
************
ਪੀਆਈਬੀ ਦਿੱਲੀ | ਦੀਪ ਜੋਇ ਮੈਂਪਿਲੀ
(Release ID: 2007632)
Visitor Counter : 54