اندرون ملک آبی نقل و حمل (آئی ڈبلیو ٹی) کے شعبے کو زندہ بحال کرنے اور شمال مشرقی خطے میں کنکٹیوٹی کو بڑھانے کی طرف ایک اہم اقدام میں، بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال کل پانڈو پورٹ، گوہاٹی میں 254 کروڑ روپے سے زیادہ کے اہم پروجیکٹوں کا افتتاح کریں گے۔

جناب سونووال بوگیبیل میں 46.60 کروڑ، سونامورا میں ان لینڈ واٹر ٹرانسپورٹ ٹرمینل 6.91 کروڑ، کریم گنج اور بدر پور میں ٹرمینل کو اپ گریڈ کرنے کے لئے 6.40 کروڑ روپے کے پیسنجر-کم-کارگو ٹرمینل کا افتتاح کریں گے۔ اس تقریب کے دوران وہ دریائے برہم پترا کے مختلف مقامات پر چھ جیٹیوں کا بھی اعلان کریں گے جن کی مالیت  8.45 کروڑ، نیشنل واٹر وے-2 اور نیشنل واٹر وے-16 کے لیے 19 مسافر بردار جہاز جن کی مالیت 25 کروڑ، اور جیٹی کی توسیع، انٹیگریٹڈ آفس اور بینک پروٹیکشن 30 کروڑ روپے مالیت ہے۔ یہ بنیادی ڈھانچہ ترقیات شمال مشرق کے اندر رابطے کو نمایاں طور پر بڑھانے کے لیے تیار کئے گئے ہیں، مسافروں اور کارگو دونوں کی آسانی سے نقل و حرکت میں سہولت فراہم کرتے ہیں۔

ان کے علاوہ، آئی ڈبلیو اے آئی دھوبری آفس کمپلیکس کا سنگ بنیاد جس کی مالیت  7.50 کروڑ روپے ہے، امیگریشن اور کسٹمز کے لیے رکھا جائے گا، جو کہ خطے میں انتظامی عمل کو ہموار کرنے اور بنیادی ڈھانچے کی ترقی کے لیے حکومت کے عزم کو اجاگر کرتا ہے۔

تقریب میں محترمہ کوین اوجا، ممبر پارلیمنٹ، گوہاٹی، جناب پریمل سکلبیدیا، وزیر ٹرانسپورٹ، فشریز اینڈ ایکسائز، آسام، جناب سدھارتھ بھٹاچاریہ، ایم ایل اے، گوہاٹی ایسٹ، جناب رامیندر نارائن کلیتا، ایم ایل اے، گوہاٹی ویسٹ، شری اتل بورا، ایم ایل اے، ڈسپور۔ دیگر معززین شرکت کریں گے اور ورچوئل طور پر افتتاح کا مشاہدہ کریں گے۔ جناب رامیشور تیلی، پیٹرولیم اور قدرتی گیس، محنت اور روزگار کے وزیر مملکت، جناب پرسنتا فوکن، ایم ایل اے، ڈبرو گڑھ، جناب چکردھر گوگوئی، ایم ایل اے، موران، جناب پوناکن باروہ، ایم ایل اے، چبوا ورچوئل طور پر ڈبرو گڑھ سے شامل ہوں گے۔

 

******

ش  ح۔ ش ت ۔ م ر

U-NO. 5134

(Release ID: 2007201) Visitor Counter : 60