డిపార్ట్‌మెంట్ ఆఫ్ టెలికమ్యూనికేషన్స్ (డీ ఓ టీ) పరిశ్రమ మార్గదర్శకులు, స్టార్టప్‌లు, ఎం ఎస్ ఎం ఈ లు, విద్యాసంస్థలు, ఆవిష్కర్తలు మరియు భవిష్య యోచనాపరుల నుండి ఆసక్తి వ్యక్తీకరణలను (ఈ ఓ ఐ) ఆహ్వానించే అసమానమైన వెంచర్ 'సంగం: డిజిటల్ ట్విన్' చొరవను ఆవిష్కరించింది. డిజిటల్ ట్విన్ టెక్నాలజీ భౌతిక ఆస్తుల వర్చువల్ ప్రతిరూపాలను సృష్టించడం ద్వారా ఒక పరిష్కారాన్ని అందిస్తుంది, ప్రయోగాత్మక పునరావృతాల కోసం నిజ-సమయ పర్యవేక్షణ, అనుకరణ మరియు విశ్లేషణ మరియు ఉత్తమ ఫలితాలను సాధించడానికి మార్పులకు అనుగుణంగా సమాచార స్వీకరణ వలయాన్ని అనుమతిస్తుంది.

సంగం: డిజిటల్ ట్విన్ అనేది భారతదేశంలోని ప్రధాన నగరాల్లో ఒకదానిలో నిర్వహించబడే రెండు దశల్లో  చేయబడిన పీ ఓ సీ . మొదటి దశ రంగం యొక్క స్పష్టత మరియు సంభావ్యతను వెలికితీసేందుకు సృజనాత్మక అన్వేషణ కోసం అన్వేషణాత్మకమైనది. రెండవ దశ భవిష్యత్ బ్లూప్రింట్‌ ను రూపొందించే నిర్దిష్ట వినియోగ కేసుల ఆచరణాత్మక ప్రదర్శన, ఇది సహకారం ద్వారా భవిష్యత్ అవస్థాపన ప్రాజెక్టులలో విజయవంతమైన వ్యూహాలను అభివృద్ధి చేయడానికి మరియు పునరావృతం చేయడానికి మార్గదర్శి గా ఉపయోగపడుతుంది.

విజన్ 2047 కోసం ప్రయత్నిస్తున్న టెకేడే యుగంలో సమాచార ప్రసారం, గణన మరియు సెన్సింగ్‌లో గత దశాబ్దపు పురోగతుల నేపథ్యంలో ఈ చొరవ వచ్చింది. భారతదేశం గణన సాంకేతికతలు, ప్లాట్‌ఫారమ్‌లు, సేవలు మరియు హై-స్పీడ్ కనెక్టివిటీలో పురోగతిని సాధించింది.

'సంగం: డిజిటల్ ట్విన్' అనేది 5జీ, ఐ ఓ టీ, ఏ ఐ, ఏ ఆర్/ వీ ఆర్, ఏ ఐ స్థానిక 6జీ, డిజిటల్ ట్విన్ మరియు నెక్స్ట్-జెన్ కంప్యూటేషనల్ టెక్నాలజీల యొక్క నైపుణ్యాన్ని ప్రజల సమూహ మేధస్సుతో కలపడం ద్వారా మౌలిక సదుపాయాల ప్రణాళిక రూపకల్పనలో అంతరాలను ఛేదించడానికి మరియు ఇన్‌ఫ్రాస్ట్రక్చర్ ప్లానర్‌లు, టెక్ దిగ్గజాలు, స్టార్టప్‌లు మరియు విద్యాసంస్థలు  మొత్తం-జాతి విధానంలో పాల్గొనడానికి  ఒక సహకార పురోగతిని సూచిస్తుంది.  

వినూత్న ఆలోచనలను ప్రత్యక్ష పరిష్కారాలుగా మార్చడం, భావన మరియు నిజరూపాల మధ్య అంతరాన్ని తగ్గించడం, అంతిమంగా అత్యున్నతమైన మౌలిక సదుపాయాల పురోగతికి మార్గం సుగమం చేయడం కోసం సంగం  వాటాదారులందరినీ ఒకే వేదికపైకి తీసుకువస్తుంది. సంగం ఆవిష్కరణ సంపూర్ణమైన విధానాన్ని సమర్థిస్తుంది, సాంప్రదాయ సరిహద్దులను అధిగమించాలని మరియు ఏకీకృత సమాచారం మరియు సామూహిక మేధస్సును ఉపయోగించుకోవాలని వాటాదారులను కోరింది.

స్మార్ట్ ఇన్‌ఫ్రాస్ట్రక్చర్ వైపు ప్రపంచ గమనానికి అనుగుణంగా మరియు భారతదేశం యొక్క జియోస్పేషియల్ ముందడుగు మద్దతుతో, సంగమ్ డిజిటల్ అవస్థాపన మరియు ఆవిష్కరణలలో భారతదేశానికి నాయకత్వ స్థానాన్ని ఏర్పరుస్తుంది, అదే సమయంలో ప్రపంచ నాయకులు సాధించిన ఇలాంటి పురోగతిని అంగీకరిస్తుంది. సమర్థవంతమైన, ప్రభావవంతమైన మరియు సుస్థిరమైన అభివృద్ధి కోసం సామాజిక అవసరాలను నెరవేర్చడానికి సాంకేతిక పురోగతి యొక్క విలువను పెంచే పర్యావరణ వ్యవస్థను రూపొందించే చర్యకు ఇది పిలుపు.

ఇది వినూత్న మౌలిక సదుపాయాల ప్రణాళిక పరిష్కారాల ఆచరణాత్మక అమలును ప్రదర్శించడం, వేగవంతమైన మరియు మరింత ప్రభావవంతమైన సహకారాన్ని సులభతరం చేయడానికి నమూనా చట్రాన్ని  అభివృద్ధి చేయడం మరియు భవిష్యత్ మౌలిక సదుపాయాల ప్రాజెక్టులలో విజయవంతమైన వ్యూహాలను అభివృద్ధి చేయడానికి మరియు పునరావృతం చేయడానికి మార్గదర్శి గా ఉపయోగపడే భవిష్యత్ బ్లూప్రింట్‌ను అందించడం దీని లక్ష్యం.

పరిశ్రమ మార్గదర్శకులు, స్టార్టప్‌లు, ఎం ఎస్ ఎం ఈ లు, విద్యావేత్తలు, ఆవిష్కర్తలు మరియు భవిష్య యోచనాపరులను ముందుగా నమోదు చేసుకోవడానికి మరియు సంగం యొక్క ఔట్‌రీచ్ ప్రోగ్రామ్‌లలో చురుకుగా పాల్గొనడానికి మరియు ఇన్‌ఫ్రాస్ట్రక్చర్ ప్లానింగ్ మరియు డిజైన్ యొక్క భవిష్యత్తును అన్వేషించడానికి, రూపొందించడానికి మరియు మార్చడానికి కట్టుబడి ఉండటానికి డీ ఓ టీ ఆహ్వానిస్తుంది. 

సంగం గురించి మరింత తెలుసుకోవడానికి https://sangam.sancharsaathi.gov.in లింక్ ద్వారా సంగం వెబ్‌సైట్‌ను సందర్శించండి, ముందుగా నమోదు చేసుకోండి మరియు రేపటి మౌలిక సదుపాయాలను నిర్మించడంలో మొదటి అడుగు వేయండి. ప్లాట్‌ఫారమ్ ముందుగా నమోదు చేసుకున్న పాల్గొనేవారికి కనెక్ట్ అవ్వడానికి, అంతర్దృష్టులను పంచుకోవడానికి మరియు అర్థవంతమైన చర్చలలో పాల్గొనడానికి బ్లాగ్‌ని అందిస్తుంది. ఈ ఓ ఐ ప్రతిస్పందనను సమర్పించడానికి గడువు 15 మార్చి 2024.

ప్రపంచ మౌలిక సదుపాయాల నిర్మాణ కల్పన కోసం సుస్థిరమైన, సమర్థవంతమైన మరియు వినూత్న భవిష్యత్తుకు మార్గదర్శకత్వం వహించడానికి ఆవిష్కరణ, డేటా మరియు డిజైన్‌ల సంగమంలో చేరడానికి ఇది ఒక ఉత్తేజకరమైన అవకాశం.

****