ٹیلی مواصلات کے سکریٹری  اور ڈی سی سی، محکمہ برائے ٹیلی مواصلات کے چیئرمین ڈاکٹر نیرج متل نے آج کہا کہ ٹیکنالوجی کو اپنانے اور تجارتی عملداری کو چلانے میں معیارات کا کردار اہم ہے۔ انہوں نے کوانٹم کلیدی تقسیم کاری (کیو کے ڈی) کے معیارات طے کرنے میں ٹیلی کمیونیکیشن انجینئرنگ سنٹر (ٹی ای سی) کی کوششوں کا اعتراف کیا۔ ڈاکٹر متل وگیان بھون میں "دوسرے بین الاقوامی کوانٹم کمیونیکیشن کنکلیو" کے افتتاحی اجلاس سے خطاب کر رہے تھے۔ ڈاکٹر متل نے کنکلیو کا افتتاح  حکومت ہند کے پرنسپل سائنسی مشیر پروفیسر اجے کمار سود، ڈاکٹر سبرتا رکشیت، ممتاز سائنسدان اور ڈائریکٹر جنرل - ٹیکنالوجی مینجمنٹ، ڈی آر ڈی او اور محترمہ ترپتی سکسینہ، سربراہ، ٹی ای سی کی موجودگی میں کیا۔

دو روزہ کنکلیو کا انعقاد ٹیلی کمیونیکیشن انجینئرنگ سنٹر (ٹی ای سی) نے ٹیلی مواصلات کے شعبہ کے تحت سنٹر فار ڈیولپمنٹ آف ٹیلی میٹکس (سی-ڈی او ٹی) اور ٹیلی کمیونیکیشن اسٹینڈرڈ ڈیولپمنٹ سوسائٹی انڈیا (ٹی ایس ڈی ایس آئی ) کے اشتراک سے کیا ہے۔ کوانٹم ٹیکنالوجیز میں ہندوستان کو عالمی رہنما بنانے کے وزیر اعظم کے وژن کے ساتھ کنکلیو ہم آہنگ ہے۔

کوانٹم ٹکنالوجی کے میدان میں ہندوستان کی قیادت کرنے کی صلاحیت پر زور دیتے ہوئے، دنیا بھر میں ملک کی جدید تحقیقی کوششوں سے حاصل ہونے والے اعتماد کا حوالہ دیتے ہوئے، ڈاکٹر نیرج متل نے کوانٹم میموری ٹیکنالوجی میں اسٹارٹ اپس کی اہم شراکت پر روشنی ڈالی، جس کے تحت ہندوستان میں کاروباری جذبے کو آگے بڑھایا جا رہا ہے۔

سکریٹری نے پین-آئی آئی ٹی یو ایس اے نیٹ ورک کے ساتھ ایک مفاہمت نامے کا بھی تذکرہ کیا تاکہ اعلی ٹیکنالوجی کے منصوبوں میں عالمی تعاون اور رہنمائی کی سہولت فراہم کی جا سکے۔ انہوں نے کہا کہ ٹیلی کمیونیکیشن کا محکمہ، کوانٹم ٹیکنالوجی کی جگہ میں اسٹارٹ اپس کی حمایت کرنے کے اپنے عزم کا اعادہ کرتا ہے، ان کی زمینی اختراعات کو آگے بڑھانے اور عالمی کوانٹم منظر نامے میں ہندوستان کی قیادت کو آگے بڑھانے کی صلاحیت کو تسلیم کرتا ہے۔ سکریٹری نے عام لوگوں کے لیے کوانٹم ٹیکنالوجی کو بے نقاب کرنے کی اہمیت پر زور دیا۔  اس کے علاوہ تمام متعلقہ فریقوں کے درمیان بیداری اور افہام و تفہیم کو بڑھانے کے لیے اقدامات پر زور دیا۔ انہوں نے کہا کہ محکمہ برائے ٹیکنالوجی ابھرتی ہوئی ٹیکنالوجیز میں جدت طرازی اور تعاون کو فروغ دینے کے لیے پرعزم ہے اور کوانٹم ٹیکنالوجی کے میدان میں مزید ترقی کا منتظر ہے۔

دو روزہ کنکلیو نے ماہرین کے ایک متنوع اسپیکٹرم کو اکٹھا کیا، جس میں عالمی ماہرین اور اعلیٰ تعلیمی اور تحقیق و ترقی کے اداروں، صنعتوں/اسٹارٹ اپس، کوانٹم کمیونیکیشن کے مستقبل کی تشکیل کرنے والی سرکاری تنظیموں کے ممتاز ماہرین شامل ہیں۔ اس کا مقصد کوانٹم ٹیکنالوجیز کے شعبے میں باہمی تعاون کو فروغ دینا اور معیارکاری کی سرگرمیوں کو فروغ دینا ہے۔ کنکلیو میں درج ذیل اداروں/صنعتوں/اسٹارٹ اپس کی کارکردگی کو بھی پیش کیا جائے گا جو کوانٹم ٹیکنالوجیز پر مختلف حل پیش کریں گے جن میں کوانٹم کی ڈسٹری بیوشن سسٹم، کوانٹم سیف آئی پی فون، ہارڈ ویئر سکیورٹی ماڈیولز، کوانٹم چپ سیٹ، کوانٹم رینڈم نمبر جنریٹرز وغیرہ شامل ہیں۔ :

1۔سنٹر فار ڈویلپمنٹ آف ٹیلی میٹکس

2۔کیو این یو لیبز پرائیویٹ لمیٹڈ

3۔کیو پی آئی اے آئی  انڈیا پرائیویٹ لمیٹڈ

4۔سپر کیو ٹیکنالوجیز انڈیا پرائیویٹ لمیٹڈ

5۔تھیلس گروپ

6۔سلیکوفیلر کوانٹم

7۔کیزائٹ ٹیکنالوجیز

8۔سکیٹیل انڈیا پرائیویٹ لمیٹڈ

پس منظر

"پہلا بین الاقوامی کوانٹم کمیونیکیشن کنکلیو" گزشتہ سال مارچ میں منعقد ہوا تھا، جس کا اہتمام ٹی ای سی  نے سی –ڈاٹ اور ٹی ایس ڈی ایس آئی  کے تعاون سے کیا تھا۔ یہ ایک شاندار کامیابی تھی اور قومی اور بین الاقوامی ماہرین نے روڈ میپ اور کوانٹم ٹیکنالوجیز میں ہونے والی پیش رفت، ان کے ممکنہ اثرات اور مختلف شعبوں مثلاً صحت کی دیکھ بھال، توانائی، مالیات، ٹیلی کام، دفاع وغیرہ میں ایپلی کیشنز کے بارے میں قیمتی معلومات کا اشتراک کیا۔

تفصیلی رپورٹ https://tec.gov.in/pdf/6GT/IQCC_Report_Released_by_Hon'ble_MoS.pdfپر دستیاب ہے۔

*******

U.No:5017

ش ح۔ م ع۔س ا

(Release ID: 2006413) Visitor Counter : 98