تعلیم اور ہنرمندی ترقیات اور صنعت کاری کے مرکزی وزیر جناب دھرمیندر پردھان نے اپار : ون نیشن ون اسٹوڈینٹ آئی ڈی کارڈ کے موضوع پر آج نئی دہلی میں منعقدہ ایک قومی کانفرنس میں شرکت کی۔ وزات کے تعلیم  کے تحت اعلیٰ تعلیم کے سکریٹری جناب سنجے کے مورتی؛ اسکولی تعلیم اور خواندگی کے محکمے کے سکریٹری  جناب سنجے کمار؛ ہنرمندی ترقیات اور صنعت کاری کے سکریٹری جناب اتل کمار تیواری؛ ایم ای آئی ٹی وائی کے سکریٹری جناب ایس کرشنن؛ قومی کونسل برائے پیشہ وارانہ تعلیم و تربیت کے چیئرمین ڈاکٹر نرمل جیت سنگھ کلسی؛ قومی تعلیمی تکنالوجی فورم  این بی اے این اے اے سی کے چیئرمین پروفیسر انل سہسربدھے ؛ ملک بھر کے مختلف اداروں کے وائس چانسلرس، ڈائرکٹرس، رجسٹرارس، کنٹرولر آف ایگزامنیشنز ، تعلیم الیکٹرانکس اور اطلاعاتی تکنالوجی کی وزارت کے سینئر افسران ، اور صنعتی شراکت داران بھی اس تقریب کےد وران موجود تھے۔ وزارت تعلیم کے جوائنٹ سکریٹری جناب گووِند جیسوال نے افتتاحی خطاب پیش کیا۔

تقریب سے خطاب کرتے ہوئے شری پردھان نے اس بات پر زور دیا کہ کس طرح اے پی اے اے آر آئی ڈی ملک کے طلباء کے لیے پرامید اور عالمی دستاویز بننے جا رہا ہے۔ حالیہ برسوں میں ملک میں تیار کیے گئے کئی اہم ڈی پی آئی کی اہمیت کو اجاگر کرتے ہوئے، انہوں نے بتایا کہ کس طرح 16 ممالک میں 53 ایسے ڈی پی آئی تیار کیے گئے ہیں، جن میں سے 19 بھارت میں ہیں۔ انہوں نے ‘ڈیجیٹل انڈیا’ کا تصور پیش کرنے کے لیے وزیر اعظم جناب نریندر مودی کا شکریہ ادا کیا، جس نے اب پوری رفتار حاصل کر لی ہے، کیونکہ 25 کروڑ اپار آئی ڈیز پہلے ہی تیار ہو چکی ہیں۔ انہوں نے اپار آئی ڈیز ، اکیڈمک بینک آف کریڈٹ، اور ڈیجی لاکر کے باہمی ربط کی اہمیت پر بھی زور دیا، جس سے کام میں آسانی پیدا ہوتی ہے۔ انہوں نے دیگر اہم ڈیجیٹل اثاثوں ، جیسے سویم، دیکشا، وغیرہ کا بھی ذکر کیا۔

جناب پردھان نے تعلیم کے معیار پر سمجھوتہ کیے بغیر نقل مکانی اور انضمام کی دفعات کو شامل کرنے میں این ای پی 2020 کے کردار پر بھی روشنی ڈالی۔ انہوں نے یہ بھی کہا کہ قابلیت کو آرزو مند بنانا ضروری ہے، جو علم کے ساتھ ہنر مندی کے ذریعے حاصل ہوتا ہے۔

کانفرنس سے خطاب کرتے ہوئے جناب سنجے کمار نے اپار آئی ڈی کی وسیع رسائی پر روشنی ڈالی، جو اسی ہندی لفظ  کے معنی سے مطابقت  رکھتی ہے۔ انہوں نے این ای پی 2020 کی تصوریت کے بارے میں بھی بات کی جس میں اس کی کچھ اہم سفارشات کا ذکر کیا گیا  ہے جیسے کہ 12ویں جماعت تک 100فیصد جی ای آر کو یقینی بنانا اور صنعت کی ضروریات کے مطابق کم از کم ایک ہنر میں مہارت حاصل کرنا۔ انہوں نے یہ بھی کہا کہ اپار ملک میں 260 ملین طلباء کے وسیع پول کو ٹریک کرنے میں مدد فراہم کرتا ہے۔ انہوں نے بتایا کہ 25 کروڑ بچوں کے لیے ایک مستقل تعلیمی نمبر اور اس کی بنیاد پر انہیں اپار آئی ڈی جاری کی گئی ہے۔ وزیر اعظم جناب نریندر مودی کے اسکولی تعلیم کو زندگی میں آسانی کا حصہ بنانے کے وژن کو دہراتے ہوئے، انہوں نے بچوں کے لیے اسکول کی تعلیم میں آسانی پر زور دیا۔ انہوں نے اپار کے ساتھ اس کے تعلق کو اجاگر کرتے ہوئے جامع ترقی کارڈ، ودیا سمیکشا کیندر وغیرہ کا بھی ذکر کیا۔

جناب کے سنجے مورتی نے اپنی تقریر میں اپار آئی ڈیز اور ایک اور اہم ڈی پی آئی، سامرتھ، اپار کے ساتھ اس کی تعیناتی، رسائی، اور ہموار رابطے کے فوائد کا ذکر کیا۔ انہوں نے ہر ادارے سے اپیل کہ وہ سامرتھ پلیٹ فارم کو بھی اپنائیں۔ انہوں نے سویم پلیٹ فارم اور اس کے نئے ورژن کے بارے میں بھی بتایا جسے جلد ہی لانچ کیا جائے گا، اور جس میں متعلقہ کورس فراہم کرنے کے لیے صنعتوں کی جانب سے فراہم کرایا جانے والا مواد بھی شامل ہوگا۔ انہوں نے زور دیتے ہوئے کہا کہ شناخت اور توثیق کے لیے ڈیجیٹل ریکارڈ کی ضرورت ہوگی۔

پروگرام کے دوران اپار آئی ڈی اور کریڈٹ سسٹمز کے جاب پروفائلز کے ساتھ انضمام اور تعلیم میں ڈیجی لاکر کے ابھرتے ہوئے کردار کو تلاش کرنے کے بارے میں دو پینل مباحثے کیے گئے۔

خودکار  مستقل تعلیمی اکاؤنٹ رجسٹری (اپار) ایک تغیراتی پہل قدمی ہے جسے 2020 کی قومی تعلیمی پالیسی (این ای پی) اور نیشنل کریڈٹ اینڈ کوالی فکیشن فریم ورک (این سی آر ایف) کے ساتھ ترتیب میں متعارف کرایا گیا ہے۔ اس کا مقصد ہر طالب علم کو ایک منفرد اور مستقل 12 ہندسوں کی آئی ڈی تفویض کرکے، اور ان کی تعلیمی کامیابیوں کو ایک جگہ پر مستحکم کرکے بھارت بھر کے طلباء کے لیے ایک متحد اور قابل رسائی تعلیمی تجربہ فراہم کرنا ہے۔ مزید معلومات کے لیے https://abc.gov.in/ پر جائیں۔

 

**********

 

(ش ح –ا ب ن۔ م ف)

U.No:4927

(Release ID: 2005731) Visitor Counter : 108