بجلی کی وزارت، حکومت ہند نے تمام ریاستوں اور مرکز کے زیر انتظام علاقوں کو ایک تفصیلی خط بھیجا ہے کہ وہ "وسائل کی مناسب مقدار کے رہنما خطوط" پر عمل کریں، تاکہ تیزی سے بڑھتی ہوئی بجلی کی طلب کے مطابق ملک کی بجلی کی صلاحیت میں مناسب اضافہ کو یقینی بنایا جا سکے۔

توقع ہے کہ ہندوستانی معیشت بلند شرح سے ترقی کرتی رہے گی اور سال 2030 تک دنیا کی تیسری سب سے بڑی معیشت بن جائے گی۔ نتیجتاً، ہماری بجلی کی کھپت میں بھی اضافہ ہوا ہے، بجلی کی طلب میں 79 فیصد سے زیادہ اضافہ ہوا ہے، 2014 میں 136 گیگا واٹ سے آج 243 گیگا واٹ  تک اسی طرح، ہماری پیداواری صلاحیتبھی بڑھی  ہے، جو مارچ 2014 میں 248.5 گیگا واٹ  سے بڑھ کر دسمبر 2023 میں 428.3 گیگا واٹ  ہو گئی، جو کہ 72.4 فیصد اضافہ ہے۔ مزید برآں، ملک نے ملک بھر میں 117 گیگا واٹ بجلی منتقل کرنے کے لیے بین علاقائی ٹرانسمیشن کا مناسب انفراسٹرکچر نصب کیا ہے۔

تیزی سے بڑھتی ہوئی طلب کو پورا کرنے کے لیےیہ ضروری ہے کہ ملک کی پیداواری صلاحیت بھی تیز رفتاری سے ترقی کرے۔

بجلی  (صارفین کے حقوق) قوانین ، 2020 کا قانون 10 کہتا ہے کہ ڈسٹری بیوشن لائسنس  یافتگان کو تمام صارفین کو چوبیس گھنٹے بجلی فراہم کرنی چاہیے، سوائے چند صارفین کے زمروں کے جن کے لیےریاستی بجلی ریگولیٹری کمیشن نے سپلائی کے کم اوقات مقرر کیے ہیں۔ نتیجے کے طور پر، یہ ضروری ہے کہ تمام ڈسٹری بیوشن لائسنس یافتگان چوبیس گھنٹے بجلی کی فراہمی کے لیے کافی گنجائش رکھیں۔ اس سلسلے میں، 28 جون، 2023 کو، حکومت ہندنے بجلی (ترمیمی)  قوانین ، 2022 کے قانون-16 کے مطابق "ریسورس ایڈیکوئیسی گائیڈ لائنز" جاری کی ہیں۔

ریسورس ایڈیکوئیسی(آر اے) کے رہنما خطوط کے مطابق، اپنے اپنے مصروف ترین اوقات اور توانائی کی ضرورت کو پورا کرنے کے لیے، تقسیم کے لائسنس  یافتگان کو 10 سالہ افق (رولنگ کی بنیاد پر) کے لیےآر اے  پلان تیار کرنے کا پابند کیا گیا ہے۔ یہ ضروری ہے کہ تمام ریاستوں اور مرکز کے زیر انتظام علاقوں کو 2024-25سے 2033-34 تک کے دورانیے کے لیے اپنے وسائل کی مناسبیت کے منصوبوں کو مذکورہ اصولوں اور رہنما خطوط کے مطابق مکمل کریں۔

مرکزی بجلی اتھارٹی (سی ای اے) کی طرف سے 23 ریاستوں/مرکز کے زیر انتظام علاقوں کے لیے2031-32 تک کے "ریسورس ایڈیکیویسی (آر اے) اسٹڈیز" کو مکمل کیا گیا ہے، جب کہ باقی ریاستوں اور مرکز کے زیر انتظام علاقوں یعنی دہلی، گوا، سکم، ہریانہ، بہار، مغربی بنگال، چندی گڑھ، پوڈوچیری اور جموں و کشمیرکے لیےآر اے کا مطالعہ جاری ہے۔ تاہم، تقسیم کے لائسنس یافتگان کو اب قومی سطح پر کام انجام دینے کے لیے، سال2033-34تک کا ڈیٹاسی ای اے کو جمع کروانا ہوگا۔ اس کے مطابق، 2 فروری 2024 کو ایک تفصیلی خط ریاستوں اور مرکز کے زیر انتظام علاقوں کو بھیجا گیا ہے، تاکہ "وسائل کی مناسبیت کے رہنما خطوط" پر عمل کیا جا سکے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ت ع(

4816

 

(Release ID: 2005077) Visitor Counter : 97