معزز اراکین، ہم راجیہ سبھا کے 263 ویں اجلاس کے اختتام پر پہنچ گئے ہیں۔ عام انتخابات میں جانے سے پہلے یہ آخری اجلاس ہے – مادر جمہوریت میں جمہوریت کا ایک حقیقی تہوار ہے۔

جیسا کہ محترمہ صدر جمہوریہ نے اپنے خطاب میں روشنی ڈالی، بھارت زندگی کے تمام شعبوں میں غیر معمولی ترقی کر رہا ہے۔ ہم اپنے جمہوریہ کے امرت کال میں ہیں۔ ایوان بالا کے اراکین کی حیثیت سے، ہمیں طرز عمل کے مثالی معیارات کو یقینی بنانا ہوگا۔ ہمیں تحریک حاصل کرنے کا ذریعہ بننے کی ضرورت ہے کیونکہ بھارت مسلسل ایک وکست راشٹر اور عالمی رہنما کی طرف بڑھ رہا ہے۔ ہم بے پناہ امکانات کے دور میں ہیں۔ آئیے بھارت کے مسلسل اور بڑھتے ہوئے عروج کے لیے بھرپور طریقے سے اپنا حصہ ڈالیں۔ مجھے اس میں کوئی شک نہیں ہے کہ یہ جذبات اس ایوان کے ہر رکن اور بڑے پیمانے پر لوگوں کے ہیں۔

 اس مختصر مگر اہم اجلاس میں ایوان 9 دن تک بیٹھا، 116 عوامی اہمیت کے مسائل کے ساتھ ساتھ 90 ستاروں والے اور 960 غیر ستارہ والے سوالات کے جوابات دیے گئے۔ اجلاس کے دوران مجموعی پیداواریت 137 فیصد کے متاثر کن اعداد و شمار پر رہی۔

 قابل ذکر ہے کہ اس اجلاس کے دوران معزز ممبران نے 15 علاقائی زبانوں میں بات کی، جس کا ساتھ ہی ساتھ ہندی اور انگریزی میں ترجمہ کیا گیا۔

صدر کے خطاب اور عبوری مرکزی بجٹ پر شکریہ کی تحریک پر بحث کے علاوہ اس ایوان نے 7 بل بھی منظور کیے جن میں سرکاری امتحانات (غیر منصفانہ طریقوں کی روک تھام) بل، پانی (آلودگی کی روک تھام اور کنٹرول) ترمیمی بل، جموں و کشمیر مقامی بلدیاتی اداروں سے متعلق قوانین (ترمیمی) بل اور آئینی ترمیمی بل جو درج فہرست ذاتوں اور درج فہرست قبائل کو شامل کرنے سے متعلق ہیں۔ میں یہ بھی بتانا چاہوں گا کہ اس اجلاس میں 22 پرائیویٹ ممبرز بل پیش کیے گئے ہیں۔

 معزز اراکین، ایوان نے 68 اراکین کو بھی الوداع کیا۔ اس میں سے 3 ممبران جنوری کے مہینے میں ریٹائر ہوئے اور باقی 65 اس سال فروری سے جولائی کے درمیان ریٹائر ہو جائیں گے۔ میں اپنے معزز ریٹائر ہونے والے ساتھیوں میں سے ہر ایک کی طرف سے پیش کی گئی ممتاز خدمات کے لئے ان کی بے پناہ تعریف کرتا ہوں۔

 میں ایوان کی کارروائی کو چلانے میں میری مدد کرنے کے لیے ڈپٹی چیئرپرسن، جناب ہری ونش جی اور نائب چیئرپرسن کے پینل کے اراکین کی تہہ دل سے تعریف کرتا ہوں۔ میں قائد ایوان، قائد حزب اختلاف، وزیر پارلیمانی امور، مختلف جماعتوں کے قائدین اور معزز اراکین کا بھی تعاون پر شکریہ ادا کرتا ہوں۔

 میں اس بات کو یقینی بنانے میں سکریٹری جنرل اور ان کے سرگرم افسران اور عملے کی ٹیم کی انتھک کوششوں کا اعتراف کرتا ہوں کہ اس اجلاس کو آسانی سے چلایا گیا۔

 اس سے پہلے کہ میں اپنی بات ختم کروں، میں آپ سب کو آنے والے تہواروں اور عام انتخابات کے لیے اپنی نیک خواہشات پیش کرنا چاہوں گا۔

 شکریہ جئے ہند!"

*****

U.No:4799

ش ح۔ م ع ۔ س ا

 

(Release ID: 2004890) Visitor Counter : 89