جل شکتی کے مرکزی وزیر جناب گجیندر سنگھ شیخاوت نے آج نئی دہلی میں پنجاب میں ہریکے بیراج سے نکلنے والے فیروز پور فیڈر کی بحالی سے متعلق ایک میٹنگ کی صدارت کی۔ فیروز پور فیڈر کے ذریعے راجستھان میں آبپاشی کے لیے پانی کی سپلائی سے متعلق کئی مسائل پر میٹنگ کے دوران تبادلہ خیال کیا گیا جس میں ممبر پارلیمنٹ جناب نہال چند، ایم ایل اے جے ویر سنگھ برار، سنٹرل واٹر کمیشن (سی ڈبلیو سی) کے چیئرمین جناب کشویندر ووہرا، سی ڈبلیو سی، راجستھان کے آبی وسائل کا محکمہ اور پنجاب کے محکمہ آبپاشی کے اہلکارو ں اور راجستھان کے گنگا نگر اور ہنومان گڑھ علاقے کے کسانوں نے شرکت کی۔

جل شکتی کے مرکزی وزیر نے بتایا کہ حکومت پنجاب کی جانب سے فیروز پور فیڈر (51 کلومیٹر طویل) کی بحالی اور ریلائننگ کے لیے سنٹرل واٹر کمیشن کو پیش کی گئی پری فزیبلٹی رپورٹ کو منظوری دے دی گئی ہے۔ یہ نہر بیکانیر نہر کو پانی فراہم کرتی ہے جس سے راجستھان کے گنگا نگر اور ہنومان گڑھ ضلع کو فائدہ ہوتا ہے۔ پنجاب اور راجستھان کے افسران کو ہدایت دی گئی کہ تفصیلی پروجیکٹ رپورٹ جلد از جلد سنٹرل واٹر کمیشن کے افسران  کے سپرد کریں ۔ وزیر موصوف نے سی ڈبلیو سی کے افسران کو ہدایت دی کہ وہ  پیش کئےجانےکے بعد جلد از جلد ڈی پی آر  کی جانچ کریں اور ڈی او ڈبلیو آر ، آر ڈی اینڈ جی آر  کی مشاورتی  کمیٹی کی منظوری لیں۔ مذکورہ بالا کے علاوہ پانی اور آبپاشی سے متعلق دیگر امور پر بھی تبادلہ خیال کیا گیا۔

**********

ش ح۔ م م ۔ن ا۔

U-4793

(Release ID: 2004883) Visitor Counter : 70