صحت کی دیکھ بھال کے چیلنجوں سے نمٹنے کے لیے، خاص طور پر دیہی علاقوں میں، نیشنل رورل ہیلتھ مشن (این آر ایچ ایم) کو 2005 میں شروع کیا گیا تھا تاکہ ان تمام لوگوں کو قابل رسائی، سستی اور معیاری صحت کی دیکھ بھال فراہم کرنے کے لیے ریاستی/مرکز کے زیر انتظام خطے حکومتوں کی کوششوں کو پورا کیا جا سکے جو عوامی صحت کی سہولیات تک رسائی حاصل کرتے ہیں۔ این ایچ ایم کی مدد سے مہاراشٹر سمیت تمام ریاستوں/ مرکز کے زیر انتظام علاقوں کو اصولوں کے مطابق نئی سہولیات کے قیام اور موجودہ سہولیات کو اپ گریڈ کرنے کے لیے ان کی طرف سے پیش کردہ ضرورت کی بنیاد پر بنیادی ڈھانچے کے فرق کو پورا کرنے کے لیے مدد فراہم کی جاتی ہے۔

حکومت نے چار مشن موڈ پروجیکٹ شروع کیے ہیں، یعنی پی ایم-آیوشمان بھارت ہیلتھ انفرا اسٹرکچر مشن (پی ایم-اے بی ایچ آئی ایم)، آیوشمان آروگیہ مندر، سابقہ آیوشمان بھارت ہیلتھ اینڈ ویلنس سینٹرز (اے بی-ایچ ڈبلیو سی)WCs)، پردھان منتری جن آروگیہ یوجنا (پی ایم جے اے وائی) اور آیوشمان بھارت ڈیجیٹل مشن (اے بی ڈی ایم)۔

پی ایم-آیوشمان بھارت ہیلتھ انفرا اسٹرکچر مشن (پی ایم-اے بی ایچ آئی ایم)کا آغاز عزت مآب وزیر اعظم ہند نے 64,180 کروڑ روپے کی لاگت سے کیا تھا۔ پی ایم-اے بی ایچ آئی ایم کے تحت اقدامات صحت کے نظاموں اور اداروں کی تمام سطحوں پر نگہداشت کے تسلسل میں بنیادی، ثانوی اور تیسرے درجے کی صلاحیتوں کو فروغ دینے پر توجہ مرکوز کرتے ہیں تاکہ صحت کے نظام کو موجودہ اور مستقبل کے وبائی امراض / آفات کا مؤثر طریقے سے جواب دینے کے لیے تیار کیا جا سکے۔

1.64 لاکھ آیوشمان آروگیہ مندر کے ذریعہ، ذیلی صحت مراکز(ایس ایچ سی) اور بنیادی صحت مراکز (پی ایچ سی) کو مضبوط بنا کر جامع بنیادی صحت کی دیکھ بھال فراہم کی جاتی ہے۔ یہ آیوشمان آروگیہ مندر (اے اے ایم) تولیدی اور بچوں کی صحت کی دیکھ بھال کی خدمات، متعدی امراض، غیر متعدی امراض اور صحت کے دیگر مسائل پر مشتمل خدمات کی ایک وسیع رینج کے لیے حفاظتی، پروموشنل، بحالی اور علاج کی دیکھ بھال فراہم کرتے ہیں۔

آیوشمان بھارت، پردھان منتری جن آروگیہ یوجنا (اے بی-پی ایم جے اے وائی) غریب اور کمزور خاندانوں کو سالانہ 5.00 لاکھ روپے فی خاندان تک کا ہیلتھ کوریج فراہم کرتا ہے۔

آیوشمان بھارت ڈیجیٹل مشن (اے بی ڈی ایم) کا مقصد ملک کے مربوط ڈیجیٹل ہیلتھ انفراسٹرکچر کو سپورٹ کرنے کے لیے ضروری ریڑھ کی ہڈی کو تیار کرنا ہے۔ یہ ڈیجیٹل ہائی ویز کے ذریعہ ہیلتھ کیئر ایکو سسٹم کے مختلف اسٹیک ہولڈرز کے درمیان موجود خلا کو پُر کرے گا۔ 08.02.2024 تک، 55 کروڑ آیوشمان بھارت ہیلتھ اکاؤنٹس  (اے بی ایچ اے) بنائے گئے ہیں۔

پندرہویں مالیاتی کمیشن نے صحت کے شعبے کے مخصوص اجزاء کے لیے مقامی حکومتوں کے ذریعے 70,051 کروڑ روپے کے مالی امداد کی سفارش کی ہے اور اسے مرکزی حکومت نے قبول کر لیا ہے۔ مقامی حکومتوں کے ذریعے صحت کے لیے دی جانے والی یہ گرانٹس مالی سال 2021-22 سے مالی سال 2025-26 تک کی پانچ سالہ مدت میں پھیلائی جائیں گی اور بنیادی سطح پر صحت کے نظام کو مضبوط بنانے میں سہولت فراہم کریں گی۔

مرکزی وزارت صحت، صحت عامہ کے نظام کو مضبوط بنانے کے لیے ریاستوں/ مرکز کے زیر انتظام علاقوں کو تکنیکی اور مالی مدد فراہم کرتی ہے، جو قومی صحت مشن کے تحت پروگرام کے نفاذ کے منصوبوں  کی شکل میں موصول ہونے والی تجاویز پر مبنی ہے۔ حکومت ہند اصولوں اور دستیاب وسائل کے مطابق ریکارڈ آف پروسیڈنگزکی شکل میں تجاویز کے لیے منظوری فراہم کرتی ہے۔

صحت اور خاندانی بہبود کے مرکزی وزیر مملکت ڈاکٹر بھارتی پروین پوار نے آج لوک سبھا میں ایک تحریری جواب میں یہ بات کہی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

4772