সোসিএল জস্তিস অমসুং ইম্পাৱর্মেন্তকী কেন্দ্র মন্ত্রী, দাঃ বিরেন্দ্র কুমারনা নই দিল্লীগী DAICদা হয়েং, ফেব্রুৱারী 8, 2024গী অয়ুক্কী পুং 11.00 তাবা মতমদা এদিক্সন ত্রিতমেন্ত ফেসিলিতী (ATF) 41 ভর্চুএলগী খুত্থাংদা শঙ্গাগনি। সোসিএল জস্তিস অমসুং ইম্পাৱর্মেন্তকী মন্ত্রীশিংসু হয়েংগী থৌরম অসিদা শরুক য়াগনি।

ভারত সরকারগী সোসিএল জস্তিস অমসুং ইম্পাৱর্মেন্ত মন্ত্রালয় (MoSJE)না দ্রগ পাম্বগী ফত্তবশিংগা মাইয়োক্নবা ঙম্নবগীদমক্তা নেস্নেল এক্সন প্লান ফোর দ্রগ দিমান্দ রিদক্সন (NAPDDR) চলায়রি। প্রিবেন্তিব এজুকেসন অমসুং এৱিয়র্নেস পীবা, কেপাসিতী বিলদিং, স্কিল দিভেলপমেন্ত, ভোকেস্নেল ত্রেনিং অমসুং লাইবলিহুদ সপ্পোর্ত কয়া দ্রগ হান্না শিজিন্নরম্বা মীওইশিংদা পীবা, রাজ্য/UT অমদি NGO/VOশিংনা নিশাদা লাইচুরবশিংগী ইন্তিগ্রেতেদ রিহেবিলিতেসন সেন্তর (IRCA) চলায়বা অমসুং শেন্ননবা দ্রগ দিমান্দ রিদক্সনগী থৌরম শিনবা, ইনখৎলক্লিবা অঙাংশিংগী মরক্তা ঙল্লিঙৈদগী নিশা শিজিন্নবা থিংনবা কম্ম্যুনিতীদা য়ুম্ফম ওইবা পীয়র লেদ ইন্তর্বেন্সন (CPLI) অমসুং মশক খঙদোক্লবা গেপ দিস্ত্রিক্তশিংগী সরকারগী হোস্পিতাল অমসুং দিস্ত্রিক্ত দি-এদিক্সন সেন্তর (DDAC)শিংদা আউতরীচ উমসুং দ্রোপ ইন সেন্তর (ODIC) এদিক্সন ত্রিতমেন্ত ফেসিলিতীগা মরী লৈনবা থবক কয়াগীদমক্তা রাজ্য সরকার/UT লৈঙাক্লোইশিংদা মন্ত্রালয় অসিনা শেলগী তেংবাং পীথগনি।

মখা তারকপদা, মন্ত্রালয় অসিনা নহাশিংগী মরক্তা নিশা শিজিন্নবনা ওইহনবা পামদবা থৌওংগী মতাংদা এৱিয়র্নেস লৈহনবগী পান্দমগা লোয়ননা লৈবাক্কী জিলা খুদিংদা হৌজিক চত্থরিবা নশা মুক্ত ভারত অভিয়ান (NMBA) হায়রিবা মিৎয়েং শানবা প্রোগ্রাম অসিবুসু হৌদোকখ্রবনি। খোঙথাং অসিনা হাইয়র এজুকেসন ইন্সতিত্যুত, য়ুনিভর্সিতী কেম্পস, স্কুলশিংদা অহেনবা মিৎয়েং চঙবগা লোয়ননা কম্ম্যুনিতীশিংদা য়ৌশিন্দুনা অভিয়ান অসিবু মায় পাক্না পাংথোক্নবা মখোয়না শরুক য়ানবা হায়বগা লোয়ননা মরু ওইবা থৌদাং কয়াসু লৌহল্লি।

NMBAগী মখাদা পায়খৎপা অখন্নবা খোঙথাং অমনা সরকারগী হোস্পিতালশিংদা এদিক্সন ত্রিতমেন্ত ফেসিলিতী (ATF) কয়া লিংখৎলি। MoSJEনা এদিক্সন ত্রিতমেন্ত ফেসিলিতী (ATF) প্রোগ্রাম হৌদোকখ্রে অমসুং থৌওং অসিমক নই দিল্লীগী AIIMSতা লৈবা নেস্নেল দ্রগ দিপেন্দেন্স ত্রিতমেন্ত সেন্তর (NDDTC)না লৈবাক শিনবা থুংবগী য়েংশিল্লি। MoSJEনা ATF লিংখৎনবা লৈবাক্কী জিলা 125 মশক খঙদোক্লে। প্রোগ্রাম অসি পাকথোক চাউথোকহল্লি অমসুং মন্ত্রালয় অসিনা ATF লিংখৎনবা হোস্পিতাল খন্দোকপগী মতাংদা রাজ্য সরকার অমসুং জিলাগী লৈঙাক্লোই কয়াগা তাথোক-তাশিন তৌনরি।

মমাংদা, ফেব্রুৱারী 9, 2023দা নই দিল্লীগী দাঃ অম্বেদকর ইন্তর্নেস্নেল সেন্তরদা পাংথোকপা থৌরম অমদা ATF 25পু লৈবাক মীয়ামদা শিন্নখ্রবনি। সোসিএল জস্তিস অমসুং ইম্পাৱর্মেন্তকী কেন্দ্র মন্ত্রী, দাঃ বিরেন্দ্র কুমারনা হোমগী রাজ্য মন্ত্রী, শ্রী নিত্যানন্দ রাই অমসুং সোসিএল জস্তিস অমসুং ইম্পাৱর্মেন্তকী রাজ্য মন্ত্রী, শ্রী এ. নরায়নশ্বামী য়াওবা থৌরম অমদা হায়রিবা ATF 25 অসিবু লৈবাক মীয়ামদা খুৎশিন্নখিবনি।

NMBAগী মখাদা ফংখিবা মায় পাকপশিং মখাদা পীরিঃ

• হৌজিক ফাওবগী ওইনা গ্রাউন্দদা পাংথোকখিবা খোঙথাং কয়াগী খুত্থাংদা নহা করোর 3.39+ অমসুং নুপী করোর 2.27+ য়াওনা মীওই করোর 10.73+কী মফমদা নিশা শিজিন্নবগী মতাংদা মমুৎ তানা খঙহনখ্রবনি।
• ইন্সতিত্যুসন লাক্ষ 3.29+না শরুক য়াবনা অভিয়ান অসিগী পাউজেলবু লৈবাক্কী অঙাং অমসুং নহাশিংদা শোইদনা য়ৌহনখি।
• মাস্তর ভলন্তিয়র (MV) 8,000+কী চাউরবা তেঙ্গোল অমবু মশক খঙদোক্তুনা ত্রেন তৌখ্রে।
• অভিয়ান অসিগী ওফিসিএল সোসিএল মীদিয়া একাউন্তশিংগী খুত্থাংদা ত্বিত্তর, ফেসবুক অমসুং ইনস্তাগ্রামদা এৱিয়র্নেস পীখ্রে।
• NMBAগী থবক-থৌরমশিংগী দেতা খোমজিন্নবা অমসুং দেতাশিং অসিবু জিলা, রাজ্য অমসুং লৈবাক্কী থাক্তা NMBAগী দেশবোর্দতা উৎনবগীদমক্তা NMBA মোবাইল এপ্লিকেসন শাখ্রে।
• NMBA ৱেবসাইত (http://nmba.dosje.gov.in)না অভিয়ান অসিগী মতাংদা য়ুজরশিংদা অকুপ্পা পাউদম কয়া পীরি, ওনলাইন দিস্কসন ফোরম, NMBA দেশবোর্দ, ই-প্লেজকী কান্নবা কয়াসু পীরি।
• নিশা শিজিন্নররোইসি হায়বগী নেস্নেল ওনলাইন প্লেজতা এজুকেস্নেল ইন্সতিত্যুসন 99,595কী মহৈরোই করোর 1.67+না নিশা শিজিন্নরোই হায়বগী ৱাশক শক্নখি।
• ‘নশে সে আজাদী – এ নেস্নেল য়ুথ অমসুং স্তুদেন্ত ইন্তরেক্সন প্রোগ্রাম’, ‘নয়া ভারত, নশা মুক্ত ভারত’, ‘NMBA ইন্তরেক্সন ৱিথ NCC’গুম্বা প্রোগ্রাম কয়া চাং নাইনা শিন্দুনা নহা অমসুং অতোপ্পা স্তেকহোলদরশিংগা পাউ ফাওনদুনা মরী লৈনহন্নবা পাংথোক্লি।
• আর্ত ওফ লিবিং, ব্রহ্ম কুমারী, সন্ত নিরঙ্কারী মিসন, ওল ৱর্ল্দ গায়ত্রী পরিবার, ISKCON অমসুং শ্রী রাম চন্দ্র মিসনগুম্বা স্পিরিচুএল/সোসিএল সর্ভিস ওর্গনাইজেসন তরুক্কা NMBAবু শৌগৎনবা অমসুং মীয়াম পাক শনবদা এৱিয়র্নেস পীনবগীদমক্তা MoU কয়াগী খুৎয়েক পীনখ্রে।

নিশা শিজিন্নবা হায়বসি লৈবাক্কী খুন্নাইগী পথাপ্তা হকথেংননা অকায়বা পীরিবা শিংনবা অমনি। নিশা শিজিন্নবনা মীওই অমগী হকশেলদা অকায়বা পীবতা নত্তনা মখোয়গী ইমুং-মনুংগা লোয়ননা খুন্নাই পুম্বদা খুদোংচাদবা নংহল্লি। তোঙান-তোঙানবা সাইকোত্রোপিক সবস্তেন্স চাং নাইনা শিজিন্নবনা মীওই অদুবু নিশাগী মখা মতম পুম্বদা পোলহল্লি। সবস্তেন্স কম্পাউন্দ খরদি ন্যুরো-সাইকিএত্রিক দিসওর্দর, কার্দিওবেস্ক্যুলর লাইনা নাহনবগা লোয়ননা এক্সিদেন্ত, সুইসাইদ অমসুং ভাইওলেন্সসু থোকহল্লি। মরম অদুনা, নিশা শিজিন্নবা অমসুং নিশা কিউবা হায়বসি সাইকো-সোসিএল মেদিকেল প্রোব্লেম অমা ওইনা উবগী মথৌ তাই।

***