دانتوں کی صحت کی دیکھ بھال کی طرف ایک اہم قدم میں، صحت اور خاندانی بہبود کے مرکزی وزیر ڈاکٹر منسکھ منڈاویہ نے نیشنل ڈینٹل کمیشن (این ڈی سی) کے نئے ہیڈکوارٹر کا افتتاح کیا اور آندھرا پردیش میں تین نرسنگ کالجوں اور جموں و کشمیر میں ورچوئل طور پر ایک کالج کا سنگ بنیاد رکھا۔ اس کے علاوہ آج یہاں ڈاکٹر منڈاویہ نے انڈرگریجویٹ ڈینٹل کالجوں کی تشخیص اور درجہ بندی کے لیے ڈینٹل کونسل آف انڈیا اور کوالٹی کونسل آف انڈیا کے درمیان مفاہمت نامے کی صدارت کی اور نیشنل ہیلتھ ڈیجیٹل مشن کے تحت نیشنل ڈینٹل رجسٹر کا آغاز کیا۔ ڈاکٹر منڈاویہ کے ساتھ تریپورہ کے وزیر اعلیٰ ڈاکٹر مانک ساہا اور جموں و کشمیر کے لیفٹیننٹ گورنر شری منوج سنہا نے ورچوئل طور پر شمولیت اختیار کی۔

ڈاکٹر منڈاویہ نے کہا ”ڈینٹل کمیشن کی آمد ڈینٹل ایجوکیشن اور ایڈمنسٹریشن میں ایک نئے دور کی نشاندہی کرتی ہے۔“ انہوں نے مزید کہا کہ ”ڈینٹل کمیشن ایکٹ کے ذریعے، حکومت نے دانتوں کی تعلیم کو مزید عملی، کفایتی بنانے اور پورے نظام میں شفافیت لانے کی کوشش کی ہے، اس کے ساتھ ساتھ مریضوں کو سستا اور اچھا علاج فراہم کیا جا رہا ہے۔“ ڈاکٹر منڈاویہ نے اعلان کیا کہ ”دہنی حفظان صحت کے بارے میں بیداری پیدا کرنا ضروری ہے تاکہ ہم اس ڈومین میں اپنے ملک کو فائدہ پہنچانے والے بے پناہ مواقع سے فائدہ اٹھا سکیں۔“ وزیر اعظم جناب نریندر مودی کے وژن کی تعریف کرتے ہوئے، ڈاکٹر منڈاویہ نے صحت کے لیے فعال نقطہ نظر کی تعریف کی جس میں صحت کی دیکھ بھال کی خدمات کی رسائی اور دستیابی کو بڑھانے کے لیے سب کے فائدے کے لیے تبدیلی کی شدت کو اجاگر کیا گیا۔

اجتماع سے خطاب کرتے ہوئے، مرکزی وزیر صحت نے ون نیشن ون رجسٹر کے تحت بنائے گئے نیشنل ڈینٹل رجسٹر (این ڈی آر) کے آغاز پر زور دیا۔ انہوں نے مزید کہا کہ ”این ڈی آر متعلقہ ریاستی ڈینٹل کونسل سے تصدیق کے بعد ہندوستان میں پریکٹس کرنے والے تمام دانتوں کے ڈاکٹروں کو منفرد شناخت فراہم کرے گا۔ این ڈی آر شہریوں کو ریاستی دانتوں کی کونسلوں سے تصدیق شدہ دانتوں کے ڈاکٹروں کی شناخت کرنے میں بھی مدد کرے گا۔

نرسنگ افرادی قوت کو مضبوط کرنے اور تمام خطوں میں صحت کی دیکھ بھال کے تفاوت کو کم کرنے کے حکومت کے عزم کو اجاگر کرتے ہوئے، ڈاکٹر منڈاویہ نے کہا کہ ”یہ تقریب موجودہ میڈیکل کالجوں کے ساتھ مل کر 157 نئے نرسنگ کالجوں کے قیام کی حکومت کی اسکیم کا ایک حصہ ہے۔“ انہوں نے مزید کہا کہ ”صحت اور طبی انفراسٹرکچر کے شعبے میں ہونے والی پیشرفت معیاری اور سستی صحت کی دیکھ بھال فراہم کرے گی اور صحت کی دیکھ بھال کے شعبے میں بہت سے مواقع کھولے گی، جس سے ملک کو بہت زیادہ فائدہ پہنچے گا۔“

جناب مانک ساہا نے صحت کے شعبے میں ہونے والی تبدیلی کی تعریف کی اور کہا کہ ”ان اداروں کے قیام سے عام آدمی کو فائدہ پہنچے گا جس سے کفایتی صحت کی دیکھ بھال کی خدمات تک آسان رسائی ممکن ہو سکے گی۔“

جموں و کشمیر کے لیفٹیننٹ گورنر جناب منوج سنہا نے اجتماع سے خطاب کرتے ہوئے صحت کی دیکھ بھال کی فراہمی میں نرسوں کے اہم کردار پر زور دیا اور کہا کہ نرسنگ کالجوں کا قیام صحت کی دیکھ بھال میں اہل انسانی وسائل کی تعمیر کی طرف ایک اہم قدم ہے۔

اس تقریب میں جناب اپوروا چندرا، سکریٹری، صحت اور خاندانی بہبود کی وزارت، ڈاکٹر وپل اگروال، جوائنٹ سکریٹری، وزارت صحت اور خاندانی بہبود، سیینئر سرکاری افسران، پدم شری (1992)، پدم بھوشن (2005) بریگیڈیر ڈاکٹر انیل کوہلی، پدم شری ڈاکٹر آر کے بالی، ڈینٹل کونسل آف انڈیا، ڈینٹل کمیشن آف انڈیا کے چیئرمین ڈاکٹر دیبیندو مجمدار، ڈاکٹر مونٹو ایم پٹیل، صدر، فارمیسی کونسل آف انڈیا، ڈاکٹر ٹی دلیپ کمار، انڈین نرسنگ کونسل، اور سردار پٹیل پی جی انسٹی ٹیوٹ آف ڈینٹل اینڈ میڈیکل سائنس، راج بھون جموں، بدھا ڈینٹل انسٹی ٹیوٹ آف ڈینٹل سائنسز، جموں و کشمیر نرسنگ کالج، منچل پٹم نرسنگ کالج آندھرا پردیش، ڈینٹل کالج، آر آئی ایم ایس، رانچی، سویتا ڈینٹل کالج، چنئی کے فیکلٹی اور طلبا نے شرکت کی۔

                                               **************

ش ح۔ ف ش ع- م ف

U: 4461