ملٹی ماڈل کنیکٹیویٹی فراہم کرنے اور کارگردگی کو بڑھا کر لاجسٹکس لاگت کو کم کرنے کے لیے پی ایم گتی شکتی قومی  ماسٹر پلان کے اصولوں کے مطابق، وزارت کوئلہ نے کوئلے کے موثر انخلاء کو مزید تیز کرنے کے لیے بڑے پیمانے پر بنیادی ڈھانچے میں اضافہ کیا ہے۔ کوئلہ پیدا کرنے والے علاقوں میں ریلوے نیٹ ورک کو بڑھانے کے مقصد سے سی آئی ایل، ارکون اور حکومت اوڈیشہ کی مشترکہ کمپنی "مہاندی کول ریل لمیٹڈ" کے طور پر تشکیل دی گئی ہے۔ سی آئی ایل نے اضافی ریل لائنیں بچھانے، موجودہ ریل لائنوں کو دوگنا کرنے، ریل اوور ریل (آر او آر) ، وائی -کروس وغیرہ کی تعمیر کے لیے اہم ریل انفراسٹرکچر پروجیکٹوں کو فنڈ فراہم کیا ہے۔

تمام ذیلی اداروں میں، سی آئی ایل نے فرسٹ مائل کنیکٹیویٹی (ایف ایم سی) پروجیکٹوں کی تعمیر کے ذریعہ  پٹ ہیڈ سے ریلوے لوڈنگ پوائنٹ تک میکانائزڈ کوئلے کی نقل و حمل کا بنیادی ڈھانچہ قائم کرنے کا منصوبہ بنایا ہے۔ تمام بڑی کانوں کے لیے کل 100 سے زیادہ ایف ایم سی منصوبوں کی منصوبہ بندی کی گئی ہے۔ یہ منصوبے ایک طرف لوڈنگ کی کارکردگی کو بہتر بناتے ہیں، لوڈنگ کے وقت کو کم کرتے ہیں اور دوسری طرف اخراج اور آلودگی کو کم کرنے میں اپنا کردار ادا کرتے ہیں۔

  وزیر اعظم جناب نریندر مودی 3 فروری 2024 کو اوڈیشہ میں مہانڈی کول فیلڈز لمیٹڈ(ایم سی ایل) کے اہم پروجیکٹوں کا افتتاح کریں گے۔ ان میں بھونیشوری مرحلہ -I، تالچر کول فیلڈز، انگول ضلع میں ایک فرسٹ مائل کنیکٹیویٹی(ایف ایم سی) پروجیکٹ ہے۔ 335 کروڑ روپے کی لاگت کے اس  پروجیکٹ  سے ریک لوڈنگ کے وقت کو تقریباً 50 منٹ تک کم کیا جائے گا، ماحول دوست نقل و حمل متعارف کرایا جائے گا، گرین ہاؤس گیسوں کے اخراج میں کمی آئے گی، اور کوئلے کی نقل و حمل کے اخراجات میں کمی آئے گی۔

تقریباً 375 کروڑ روپے کی سرمایہ کاری سے تعمیر کیا گیا  ایک اور اہم منصوبہ، لاجکورا ریپڈ لوڈنگ سسٹم  (آر ایل ایس) ہے ۔ یہ نظام کوئلے کے معیار اور سپلائی کو بڑھانے، تقریباً 50 منٹ کے لوڈنگ کا وقت حاصل کرنے، ماحول دوست نقل و حمل کو اپنانے، گرین ہاؤس گیسوں کے اخراج کو کم کرنے، اور کوئلے کی نقل و حمل کے مجموعی اخراجات کو کم کرنے کے لیے ڈیزائن کیا گیا ہے۔ یہ کوششیں نہ صرف ماحولیاتی اثرات کو نمایاں طور پر کم کرتی ہیں بلکہ مقامی نوجوانوں کے لیے روزگار کے قیمتی مواقع بھی پیدا کرتی ہیں۔

ان اہم پروجیکٹوں کے علاوہ، وزیر اعظم اوڈیشہ کے جھارسوگوڑا ضلع میں 550 کروڑ روپے سے زائد کی لاگت  سے تعمیر کیے گئے آئی بی ویلی واشری کا بھی افتتاح کریں گے۔ یہ پروجیکٹ معیار کے لیے کوئلے کی پروسیسنگ میں ایک مثالی تبدیلی، جدت اور پائیداری ، کوئلے کے معیارات میں اضافے کی نشاندہی کرے گا جو اور صاف ستھرے اور زیادہ موثر توانائی کے حل کے لیے ہندوستان کے وژن کے مطابق ہوگا ۔

مزید برآں، وزیر اعظم مہانڈی کول فیلڈز لمیٹڈ (ایم سی ایل) کے ذریعہ  878 کروڑ روپے کی سرمایہ کاری سے بنایا  گیا جھارسوگوڈا-برپالی-سردیگا ریل لائن  کے مرحلہ -1 کے 50 کلومیٹر طویل دوسرے ٹریک کو قوم کے نام وقف کریں گے ۔ یہ توسیع ریل کے بنیادی ڈھانچے کو نمایاں طور پر بڑھانے، بغیر کسی رکاوٹ کے نقل و حمل کی سہولت اور کوئلے کی موثر سپلائی چین کو یقینی بنانے کے لیے تیار ہے۔

تقریباً 2145 کروڑ روپے کی مشترکہ سرمایہ کاری کے ساتھ ، یہ کوششیں مستقل اور موثر توانائی کی فراہمی کے لیے کوئلے کے بنیادی ڈھانچے کو مضبوط بنانے کے لیے حکومت کے عزم کو واضح کرتی ہیں۔ ان منصوبوں سے اوڈیشہ میں کوئلے کی صنعت کو اہم فوائد حاصل ہونے اور ملک کی توانائی کی حفاظت میں تعاون کی امید ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ت ع  (

4354