পি.এম. গতিশক্তীগী মখাদা, (i) ইনর্জী, মিনরেল অমসুং সিমেন্ত কোরিদোর, (ii) পোর্ত কন্নেক্তিবিতী কোরিদোর অমসুং (iii) হাই ত্রাফিক দেন্সিতী কোরিদোর য়াওনা মশক খঙদোক্লবা মরু ওইবা ইকোনোমিক কোরিদোর অহুমগী থবক পায়খৎকনি হায়না ইন্তেরিম বজেৎ ২০২৪-২৫তা লাউথোকখিবা অসিনা লোজিস্তিক্স ইফিসিএন্সী পুরকপা অমসুং রেলদা পুবা লোজিস্তিক্সকী মমল হন্থহনবগী থৌওংনা য়াম্না চাউনা মতেং পাংগনি। মসিনা হাই দেন্সিতী রেল লম্বীবু কোম্থোকহনগনি অমসুং মোদেল সিফপু রোদতগী রেলদা অমসুং কোস্তেল শিপ্পিংদা ওন্থোক্কনি, অমসুং মসিনা লোজিস্তিক্সকী পথাপ্তগী কার্বন ফুতপ্রিন্ত হন্থহনগনি।

কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমদি তেক্সতাইলগী কেন্দ্র মন্ত্রী, শ্রী পিয়ুশ গোয়লনা লাউথোকখিবা ৱাফম অসিবু ইনফ্রাস্ত্রকচর দিভেলপমেন্তকী হীরমদা পাংথোকপা ইনভেস্তমেন্তনি হায়না তরাম্না ওকখ্রে, মসিনা থবক কয়া পীরগনি অমসুং শেন্মিৎলোনগী শাহৌদা শরুক কয়া থোক্না তেংবাংলগনি হায়খ্রে। প্রধান মন্ত্রী শ্রী নরেন্দ্র মোদীনা লুচিংবা সরকার অসিগী মিৎয়েংদি ইনফ্রাস্ত্রকচরদা থম্লি, মসিগী মরমদি, থৌওং অসিনা সেক্তর খুদিংদা হকথেংননা কান্নবা পীবা অসিনি হায়না মহাক্না ফোংদোকখি।

বজেৎ ২০২৪দা লাউথোকখিবশিংগী মখাদা মলতিমোদেল কন্নেক্তিবিতীগী থৌরাং য়াৎনবগীদমক্তা পি.এম. গতিশক্তী NMP শিজিন্নবনা অচৌবা খুদোংচাবা কয়া পুরক্কনি। মখোয়শিং অদুদি মখাদা পীরিঃ

• হান্নদগী লৈরবা এয়রপোর্ত পাকথোক চাউথোকপা অমসুং অনৌবা এয়রপোর্ত শেমগৎপা,
• ভারত-মিদ্দল ইস্ত-য়ুরোপ ইকোনোমিক কোরিদোরনা ভারতকী স্ত্রেতজিক অমসুং ইকোনোমিক গেম চেঞ্জর অমা ওইরক্কদবা,
• ভারতকী ইথৎশিংগী পোর্ত কন্নেক্তিবিতী, তুরিজম ইনফ্রাস্ত্রকচর অমসুং খুদোংচাবা কয়া ফগৎহন্দুনা মমিং লৈরবা তুরিস্ত সেন্তর কয়া পাক শন্না চাউখৎহনবা,
• মেত্রো রেল অমসুং নমো ভারতপু অচৌবা শহরশিংদা চাউথোক্তুনা ত্রাঞ্জিত ওরিএন্তেদ দিভেলপমেন্ততা মিৎয়েং চঙবা অমসুং ইজ ওফ লিভিং হেন্না ফগৎহনবা,
• মখল কয়গী বিভাগকী মখাদা হান্নদগী লৈরবা হোস্পিতালগী ইনফ্রাস্ত্রকচরশিং শিজিন্নদুনা অহেনবা মেদিকেল কোলেজ কয়া পাক শন্না শাগৎপা অমসুং ন্যুত্রিসন দেলিবরী অমসুং আর্লী চাইল্দহুদ কেয়র হেন্না খুমাং চাউশিলহন্নবগীদমক্তা “শক্সম আঙ্গনৱারী অমসুং পোশন ২.০”গী মখাদা আঙ্গনৱারী সেক্তরশিংবু অপগ্রেদ তৌবা।

মালেমগী থাক্তা লৈবা মতমগা চুনবা ইনফ্রাস্ত্রকচর কয়া শেমগৎপা হায়বসি য়াম্না মরু ওই, মসিগী মরমদি, মসিনা ভারতকী মরু ওইবা গ্রোথ ইঞ্জিন অমা ওইরিবনি অমসুং গ্লোবেল সপ্লাই চেনগী শরুক ওইবগী তঙাই ফদবা মচল অমসু ওই। হীরম অসিগা মরী লৈননা, (i) পি.এম. গতিশক্তী (PMGS) নেস্নেল মাস্তর প্লান (GIS দেতাদা য়ুম্ফম ওইবা প্লান্নিং প্লেতফোর্ম, AI, এদভান্স তুলনচিংবা শিজিন্নবা), (ii) লোজিস্তিক্স হেন্না লাইথোকহন্নবা য়ুনিফাইদ লোজিস্তিক্স ইন্তর্ফেস প্লেতফোর্ম (ULIP), (iii)RFID- তেক্নোলোজী, বিগ দেতা এনালাইতিক্স অমসুং IOTদা য়ুম্ফম ওইবা লোজিস্তিক্স দেতা বেঙ্ক (LDB) য়াওনা ন্যু এজ তেক্নোলোজী অমসুং দেতা বেজ মেকানিজম শিজিন্নবনা প্রিদিক্তিক প্লান্নিং অমসুং ওবজেক্তিব, দেতাদা য়ুম্ফম ওইবা দিসিজ মেকিংবু ইফিসিএন্ত লোজিস্তিক্সকীদমক্তা শিজিন্নবা অমসুং ইন্তিগ্রেতেদ ইনফ্রাস্ত্রকচর দিভেলপমেন্ত লৈহনগনি।

পি.এম. গতিশক্তী হেক হৌদোকখিবদগী, পথাপ অসি ফিজিকেল ইনফ্রাস্ত্রকচরগী থৌরাং য়াৎপদা শিজিন্নদুনা লাক্লি অমসুং ইকোনোমিক অমসুং সোসিএল সেক্তর এসেত (খুদম – ইনফ্রাস্ত্রকচর গেপ মশক খঙদোক্নবা গেপ এনালাইজর তুল, স্কুল, আঙ্গনৱারী সেন্তর অমসুং এগ্রিকলচর মার্কেত য়ার্দনচিংবগী চুনবা মফম খনবগী সাইত সুইতেবিলিতী তুল)  অনিমক্কী থৌরাং য়াৎনবগীদমক্তা এরিয়া এপ্রোচ অসিসু পুনশিনখ্রবনি। PMGS NMP শিজিন্নবনা ইনফ্রাস্ত্রকচর দিভেলপমেন্ত ইনভেস্তমেন্তপু দি-রিস্ক মশক থোক্না তৌরি অমসুং লোজিস্তিক্স ইফিসিএন্সী লৈহন্দুনা FDI ইনফ্লোবুসু পুক্নিং থৌগৎলি।

অনৌবা ইনফ্রাস্ত্রকচর শাবদগী হেন্দোক্তুনা হান্নদগী লৈরবা ইনফ্রাস্ত্রকচর অপগ্রেদ তৌবগা মরী লৈনবা ৱাফমশিং বজেৎ ২০২৪দা লাউথোকপা অসিনা PMGSকুম্বা তেক্নোলোজীগী থৌদাংশিং হেন্না মরু ওইহল্লি, লোজিস্তিক্স অমসুং ইনফ্রাস্ত্রকচর সেক্তরগী ইন্তিগ্রেতেদ প্লান্নিংগীদমক্তা GIS-দেতাদা য়ুম্ফম ওইবা দিসিজন সপ্পোর্ত সীস্তেম অমা পীরি অমসুং কারবার তৌবা নুংঙাইহনবগা লোয়ননা পুন্সি মহিংসু হেন্না নুংঙাইহল্লি।

***