شہری ہوا بازی اور اسٹیل کے مرکزی وزیر جناب جیوتی آدتیہ ایم سندھیا نے سی آئی ایس ایف اور بیورو آف امیگریشن حکام کے علاوہ اور ہوائی اڈے کے آپریٹرزکے ساتھ آج ایک مشاورتی کمیٹی کی میٹنگ کی صدارت کی جس میں ہوائی اڈے کے اندرونی ڈیزائن میں ممکنہ تبدیلیوں پر تبادلہ خیال کیا گیا ۔ ساتھ ہی ساتھ بین الاقوامی مسافروں کے لئے  امیگریشن اور سیکیورٹی چینگ کے عمل کو تیز کرنے کے لیے نئی ٹیکنالوجیز پر تبادلہ خیال کیا گیا۔ اسے ہندوستان میں بین الاقوامی ہوا بازی کے مرکز کی تعمیر میں ایک اہم قدم کے طور پر دیکھا جا رہا ہے۔

اس میٹنگ میں سنگاپور اور کینیڈا جیسے بین الاقوامی ہوائی اڈوں کے ماڈلز کے مطالعہ سے حاصل کردہ حل پر غور کیا گیا۔ بات چیت کے اہم نکات میں  حسب ذیل باتیں شامل ہیں:

ایکس بی آئی ایس مشینوں کا دو طرفہ استعمال : تاکہ مشینوں کی زیادہ دستیابی کو یقینی بنانے کے لئے دہلی ہوائی اڈے پر ایکس بی آئی ایس مشینوں کےگھریلو اور بین الاقوامی دو طرفہ استعمال کے امکان کو تلاش کرنااور ا س طرح  انتظار کے وقت کو کم کرنا۔

نئی ٹیکنالوجیز کی تعیناتی: امیگریشن کے لیے ای گیٹس اور ای بایومیٹرکس کے استعمال کے لیے تصوراتی ٹرائلز کا ثبوت پہلے ہی جاری ہے۔ یہ ہوائی سفر میں کارکردگی اور سیکورٹی کے معیارات کو از سر نو متعین کرنے کے لیے تیار کیے گئے ہیں۔

افرادی قوت میں اضافہ: سی آئی ایس ایف اور امیگریشن افسران کی افرادی قوت کی ضرورت کے حوالے سے ایک مکمل تجزیہ کیا گیا ہے۔ یہ تجزیے جیور، نوی ممبئی اور دیگر ہوائی اڈوںسمیت  ملک بھر کے موجودہ اور نئے  ہوائی اڈوں کی  منصوبہ بند توسیع  کو مدنظر رکھتے  ہوئے کئے گئے ہیں۔

مرکزی وزیر جناب جیوترادتیہ ایم سندھیا نے اپنے ایکس ہینڈل پر مشترک  کیا، "ہم فی الحال بین الاقوامی مسافروں کے لیے امیگریشن اور سیکیورٹی کو تیز کرنے کے لیے ڈیزائن ماڈلز پر بات کر رہے ہیں۔ ای بایومیٹرکس جیسی نئی ٹیکنالوجیز بھی ابھر رہی ہیں اور فی الحال ان کا تجربہ کیا جا رہا ہے۔ یہ ہندوستان میں بین الاقوامی ہوا بازی کے مرکزوں کے لیے ہمارے وژن میں کلیدی ثابت ہوں گے۔

Held a productive brainstorming meeting with all major airport operators, @CISFHQrs and Bureau of Immigration officials and @MoCA_GoI to discuss design models to speed up immigration & security for international travelers. New technologies such as e-biometrics are also on the… pic.twitter.com/ScbVWAhnhD

— Jyotiraditya M. Scindia (@JM_Scindia) February 2, 2024

انہوں نے ہندوستان کے شہری ہوابازی کے منظر نامے کو تبدیل کرنے کے لیے جدت طرازی کو اپنانے اور ٹیکنالوجی کا فائدہ اٹھانے کے لیے حکومت کے عزم پر بھی زور دیا۔ انہوں نے ہوائی سفر اور صنعت کے مشترکہ مقصد میں ہندوستان کی ایک عالمی رہنما کے طور پر پوزیشن بنانے کے لئے وزارت کی لگن کا اعادہ کیا تاکہ ملک میں ہوا بازی ک  متعدد ہب بناجاسکیں ۔

 اس میٹنگ میں  داخلی امور  کی وزارت ،وزارت خارجہ،وزارت شہری ہوا بازی، بیورو آف امیگریشن، سنٹرل انڈسٹریل سیکورٹی فورس ، بیورو آف سول ایوی ایشن سیکورٹیکے اسٹیک ہولڈرز اور ایئرپورٹس اتھارٹی آف انڈیا کے شراکت دار موجود تھے۔

ش ح۔ ح ا  ۔ ج

Uno4311

(Release ID: 2001961) Visitor Counter : 77