প্রধানমন্ত্রীগী লোইশঙ

বজেৎ অসি শুপ্নগী ইন্তেরিম বজেৎ খক্তা নত্তে মসি ইনক্লুসিব অমসুং ইন্নোবেতিব ওইবা বজেৎ অমনি: পি.এম.


“ভিকসিৎ ভারত বজেৎনা চাউখৎপা ভারত অমগী য়ুম্ফম মপাঙ্গল কনখৎহন্নবা গরেন্তী পীরি”

“বজেৎ অসিনা মখা চত্থবগী থাজবা পীরি”

“বজেৎ অসি য়ং ইন্দিয়াগী অনীংবা অপাম্বশিংগী মমি অমনি”

“ঐখোয়না অচৌবা পান্দম অমা থম্লগা মদু ফংলগা ঐখোয় ইশাগীদমক হেন্না চাউবা পান্দম থমগদবনি”

“বজেৎনা লায়রবা অমদি মিদ্দল ক্লাস্তা শক্তি পীবদা মীৎয়েং থম্মি”

Posted On: 01 FEB 2024 1:49PM by PIB Imphal

প্রধান মন্ত্রী শ্রী নরেন্দ্র মোদীনা ঙসি পুথোকখিবা বজেৎ অদুবু “শুপ্নগী ইন্তেরিম বজেৎ খক্তা নত্তনা ইনক্লুসিব অমসুং ইন্নোবেতিব ওইবা বজেৎ অমনি” হায়না থাগৎপা ফোঙদোকখ্রে। প্রধান মন্ত্রীনা মখা তারদুনা হায়খি “বজেৎ অসিনা চাউখৎপা ভারতকী য়ুম্বী পুম্নমক – নহারোল, লায়রবা, নুপী, অমদি লৌমীশিংবু শক্তি পীগনি”।

মহাক্কী বিজনগীদমক শেল-থুম মন্ত্রী নির্মলা সিতারামনবু থাগৎলদুনা প্রধান মন্ত্রী মোদীনা হায়খি, “নির্মলাজীগী বজেৎ অসি লৈবাক্কী তুংলমচৎ শেমগৎনবগী বজেৎ অমনি”। মহাক্না মখা তারদুনা হায়খি, “বজেৎ অসিদা 2047 ফাওবদা ভিকসিৎ ভারতকী য়ুম্ফম মপাঙ্গল কনকৎহন্নবা গরেন্তী য়াওরি”।

প্রধান মন্ত্রী মোদীনা হায়খি “বজেৎ অসিনা য়ং ইন্দিয়াগী অনীংবা অপাম্বশিংগী মমি অমনি”। মহাক্না বজেৎ অসিদা লৌখিবা মরু ওইবা ৱারেপ অনিগী মতাংদা পল্লদুনা হায়, “লুপা করোর লাখ  1গী ফন্দ রিসর্চ অমসুং ইন্নোবেসনগীদমক লাউথোকখি”। অহেনবা ওইনা মহাক্না বজেৎ অসিদা স্তার্তঅপশিংগীদমক তেক্স এমজেম্পসনশিংগী এক্সতেন্সনগী মতাংদা ফোঙদোকখি।

ফিস্কল দেফিসিৎ অসি কন্ত্রোলদা থমদুন অপুনবা চাদিং অসি বজেৎ অসিদা লুপা করোর 11,11,111দা পুৱারী ওইনা হেনগৎহনখি হায়না প্রধান মন্ত্রীনা ফোঙদোকখি। “ইকনোমিস্তশিংগী ৱাখল্লোন্দা মসি স্বিৎ স্পোৎ অমনি” হায়না পি.এম. মোদীনা ফোঙদোকখি। মহাক্না মখা তারদুনা হায়খি মদুদি মসিনা ভারত্তা 21শুবা চহিচাগী মোদর্ন ইনফ্রাস্ত্রকচর শেমগৎপগা লোয়ননা নহারোলগীদমক অনৌবা থবক্কী খুদোংচাবা করোর কয়া পীগনি। মহাক্না ভন্দে ভারত স্তেন্দর্দকী মোদর্ন ভোগী 40,000 শানবগী অমসুং মখোয়বু জেনরেল পেসেঞ্জর ত্রেনশিংদা ইনস্তোল তৌবনা লৈবাক্কী তোঙান-তোঙানবা রেল রুৎশিংদা পেসেঞ্জর করোর কয়াগী কম্ফর্ত অমদি ত্রেবেল এক্সপরিয়েন্স হেন্না হেনগৎহনগদবা অসিগী মতাংদাসু লাউথোকখ্রে হায়না পাউদমখ্রে।

অচৌবা পান্দমশিং থমদুনা প্রধান মন্ত্রী মোদীনা হায়খি, “ঐখোয়না অচৌবা পান্দম থম্লগা মদু ফংবা ঙম্মি অমসুং ঐখোয়গী ইশাগীদমক হেন্না চাউবা পান্দম অমা থম্মু”। সরকারনা লায়রবা অমদি মিদ্দল ক্লাসকী য়াইফনবা লৌখৎপা খোঙথাংশিংগী মতাংদা পল্লদুনা মহাক্না খুঙ্গং অমদি সহরশিংদা য়ুম করোর 4 হেন্না শাখি অমসুং য়ুম করোর 2 হেন্না শানবা তার্গেৎ হেনগৎহল্লি হায়খি। নু্পীদা শক্তি পীবগী মতাংদা  পি.এম. মোদীনা হায়খি, “ঐখোয়গী পান্দম অসি নুপীশিংগী মরক্তা ‘লাখপতি’ করোর 2 লৈহনবনি। হৌজিক মসিগী পান্দম অসি ‘লাখপতি’ করোর 3দা হেনগৎহনখ্রে”।

প্রধান মন্ত্রী মোদীনা আয়ুশ্মান ভারত য়োজনানা অঙ্গনৱাদী অমসুং আশা ৱার্করশিংদা কান্নবশিং ফংহনবগা লোয়না লায়রবশিংদা পীরিবা শীংথানীংঙাই ওইবা তেংবাংগীদমক থাগৎখি।

পি.এম. মোদীনা সরকারনা বজেৎ অসিদা লায়রবা অমদি মিদ্দল ক্লাসকীদমক অনৌবা খুদোংচাবশিং ফংহন্দিনা মখোয়বু শক্তি পীবদা মীৎয়েং চংখি। মহাক্না ইমুং করোর 1না লেম্না মৈ ফংনবা অমরোমদনা অহেনবা মৈ অদু সরকারদা য়োন্দুনা চহিদা লুপা 15,000দগী লুপা 18,000 তানগদৌরিবা রুফ তোপ সোলর কেম্পেনগী মতাংদা পনখি।

প্রধান মন্ত্রীনা মিদ্দল ক্লাসকী মনুং চনবা প্রজা করোর 1দা তেংবাং পীগদৌরিবা ঙসি লাউথোকখিবা ইনকম তেক্স রিমিসন স্কিমগী মতাংদা ফোঙদোকখি। বজেৎ অসিদা লৌমীগী য়াইফনবা মরু ওইবা ৱারেপশং লৌখি হায়না ফোঙদোক্লদুনা শ্রী মোদীনা নেনো DAP শিজিন্নবা, শা-শনগী অনৌবা স্কিম, পি.এম. মতস্যা সম্পদা য়োজনা পাকথোক চাউথোকহনবা অমসুং আত্মনির্ভর ওইল সীদস কেম্পেন অসিনা লৌমীশিংগী ইনকম হেনগৎহল্লগনি অমসুং চাদিং হন্থহল্লগনি হায়খি। প্রধান মন্ত্রীনা পুৱারী ওইরবা বজেৎ অসিগীদমক প্রজা পুম্নমক্তা নুংঙাইবা ফোঙদোক্তুনা মহাক্কী ৱারোল পীবা লোইশিনখি।

***



(Release ID: 2001431) Visitor Counter : 70


Read this release in: Kannada , English , Urdu , Marathi , Hindi , Assamese , Bengali , Punjabi , Gujarati , Odia , Tamil , Telugu , Malayalam