ٹیکسٹائل کی وزارت نے آج آندھرا پردیش کے وجے واڑہ میں ٹیکنیکل ٹیکسٹائل میں پالیسی کے راستے کو آگے بڑھانے کے لیے حکومت آندھرا پردیش کے ساتھ ٹیکنیکل ٹیکسٹائل پر ایک روزہ قومی کانفرنس کا انعقاد کیا۔ اس تقریب کو انڈین ٹیکنیکل ٹیکسٹائل ایسوسی ایشن کی حمایت حاصل تھی۔

جناب  راجیو سکسینہ، جوائنٹ سکریٹری، ٹیکسٹائل کی وزارت، حکومت ہند نے تکنیکی ٹیکسٹائل کی مختلف ایپلی کیشنز کے بارے میں بریفنگ دی اور تکنیکی ٹیکسٹائل کی ممکنہ مارکیٹوں پر زور دیا۔ انہوں نے موجودہ صنعتوں پر زور دیا کہ وہ آنے والے میگا ایونٹ بھارت ٹیکس  2024 میں شرکت کریں تاکہ وہ بڑھ چڑھ کر شرکت کے ساتھ ٹیکنیکل ٹیکسٹائل میں اپنے خیالات اور اختراعات کا مظاہرہ بھی کرسکیں۔

پینل نے مختلف موضوعات جیسے سرکلر اکانومی کے لیے حکمت عملی، تکنیکی ٹیکسٹائل میں پائیداری، ایگرو ٹیکسٹائل، انفراسٹرکچر کی ترقی کے لیے انجینئرنگ ایپلی کیشنز میں جیو ٹیکسٹائل اور مستقبل میں ٹیکنیکل ٹیکسٹائل کے رجحانات پر تبادلہ خیال کیا۔ اس تقریب میں آندھرا پردیش سمیت ہندوستان کے مختلف حصوں سے نامور مقررین، سائنسدانوں، صنعت کاروں کی موجودگی میں اضافہ ہوتا ہے۔

آندھرا پردیش حکومت میں صنعت، بنیادی ڈھانچے، سرمایہ کاری اور تجارت، انفارمیشن ٹیکنالوجی اور ہینڈلوم اور ٹیکسٹائل کے وزیر جناب جی امرناتھ نے ٹیکنیکل ٹیکسٹائل کی اہمیت پر زور دیا اور ایف ڈی آئی سمیت ٹیکنیکل ٹیکسٹائل میں متوقع سرمایہ کاروں کا خیرمقدم کیا۔ حکومت آندھرا پردیش میں  ہینڈ لوم اور ٹیکسٹائل، صنعت اور کامرس محکمے کی پرنسپل سکریٹری محترمہ کے سنیتھا نے ہینڈلوم اور ٹیکسٹائل میں ایم ایس ایم ای  سیکٹر کی ترقی کے لیے ریاستی حکومت کی طرف سے کئے گئے اقدامات کی تفصیلات پر روشنی ڈالی اور تکنیکی ٹیکسٹائل کے ساتھ ابھرتے ہوئے مواقع کی وضاحت کی۔

***********

ش ح ۔ا م۔م ش۔

U:4129

(Release ID: 2000431) Visitor Counter : 74