কাউন্সিল ওফ সাইন্তিফিক অমসুং ইন্দস্ত্রীএল রিসর্চকী রিপব্লিক দে তেব্লোনা জম্মু অমসুং কশ্মিরদা লেবেন্দর থাদুনা পর্পল রিভোল্যুসন অমা হৌরক্লিবা অসিগী শক্তম উৎখি। CSIRগী সাইন্তিফিক ইন্তর্ভেন্সনশিংনা লেবেন্দর থাবা অমসুং লেবেন্দর পুথোকপগী থৌওংদা মশক থোক্না চাউখৎহনখি অমসুং লেবেন্দরবু লেবতগী মার্কেত্তা পুথোরক্তুনা জম্মু অমসুং কশ্মিরদা এগ্রি স্তার্তঅপ কয়া অমা শেমগৎহনখি। তেব্লো অসিনা নুপীশিংনা শিজিন্নবদা য়াম্না নুংঙাইগদবা CSIRনা শাবা কম্পেক্ত ওইবা ভারতকী অহানবা ইলেক্ত্রিক ত্রেক্তর অমা উৎখি। য়েংবদা মিৎ পেলহনবা ঙম্বা তেব্লো অসিগা রিপব্লিক দে পেরেদ 2024গী বিকশিৎ ভারত হায়বা থীমগসু মরী লৈনরি।

জম্মু অমসুং কশ্মিরগী তেম্পরেত ওইবা লমদমদা থাবদা চুনগদবা লেবেন্দরহী থাক ৱাংবা মখল অমা CSIRনা পুথোকখি অমসুং লৌমীশিংদা এন্দ-তু-এন্দ এগ্রো-তেক্নোলোজীগা লোয়ননা সেম্পল কয়াসু লেম্না পীদুনা লাক্লি, লোয়ননা, জম্মু অমসুং কশ্মিরগী মফম কয়াদা তঙাই ফদবা থাউ শুংদোক্নবা দিস্তিলেসন য়ুনিৎ কয়া অমসু হাংদোকখ্রে। জম্মু অমসুং কশ্মিরদা লেবেন্দর থাবদা মায় পাক্লকপা অসিনা ‘পর্পল রিভোল্যুসন’ হায়বগী মিংথোল অমসু ফংখ্রবনি।

তেব্লো অসিগী মমায়দা লেবেন্দর মরাং কায়না থাবা অমসুং জম্মু অমসুং কশ্মিরগী মপাঙ্গল হাপ্লবা 21শুবা চহি-চাগী নুপী লৌমী অমসু উৎলি। ময়াইথংবা শরুক্না CSIR সাইন্তিস্তশিংনা সাইন্তিফিক ওইবা থৌওং পাংথোকপা অমসুং লৌমীশিংদা ক্বালিতী লৈবা প্লান্তিং মেতরিএল পীবগী মতৌ উৎপগা লোয়ননা লেবেন্দর ফার্মদা লৌমীশিংনা থবক তৌবগী মতৌসু উৎলি।

এগ্রো-মেকানিকেল তেক্নোলোজীগী মখাদা, লমদমসিদা শাজবা ভারতকী অহানবা, নুপীশিংনা শিজিন্নবদা নুংঙাইগদবা, কম্পেক্ত ওইবা CSIRগী ইলেক্ত্রিক ত্রেক্তর, PRIMA ET11 অসিবু উৎখি। এগ্রো-তেক্নিকেল দিভেলপমেন্তকী হৌজিক্কী ফিভম উৎপা ওইনা লেবেন্দর লৈদগী তঙাই ফদবা থাউ শুংবগী দিস্তিলেসন য়ুনিৎসু তেব্লো অসিদা উৎখি।

মনিংথংবা শরুক্তা ভারতকী এগ্রি-স্তার্তঅপকী ৱাখল্লোন অমসুং লেবেন্দরদগী শাবা পোত্থোক (পর্ফ্যুম, থাউ, বোকুলধুক) এক্সপোর্ত তৌবগী শক্তমশিং উৎখি। নুপী ঙাক্তনা শাবা CSIRগী তেব্লো অসিনা লৌমীশিংগী চাগা হেনগৎহন্নবা সরকারনা পায়খৎপা সাইন্তিফিক ওইবা খোঙথাং কয়াগী মখাদা ফংখিবা মায় পাকপশিং, নারি শক্তি, এগ্রি স্তার্তঅপ অমসুং গ্লোবেল ব্যুজিনেসকুম্বা হীরম কয়া অমা উৎখি।

***