नवी दिल्‍ली, 26 जानेवारी 2024

75 व्या प्रजासत्ताक दिन समारंभ 2024 च्या निमित्ताने, भारतातील विविध राज्यांमधले योग शिक्षक/प्रशिक्षक प्रजासत्ताक दिनाच्या संचलनासाठी कर्तव्य पथ येथे विशेष निमंत्रित म्हणून उपस्थित होते. प्रजासत्ताक दिनाच्या कार्यक्रमात सहभागी झाल्यानंतर सर्व विशेष निमंत्रितांनी केंद्रीय आयुष आणि नौवहन, बंदरे आणि जलमार्ग मंत्री सर्बानंद सोनोवाल यांच्याशी त्यांच्या निवासस्थानी संवाद साधला. एएचडब्ल्यूसीशी संबंधित योग शिक्षक/प्रशिक्षक, आयुषच्या प्राथमिक आरोग्य क्षेत्रातील, निरामयता मोहिमेचा एक अविभाज्य घटक आहेत.

देशभरात तळागाळापर्यंत योगाद्वारे प्राथमिक आरोग्य सेवा पुरवण्यात उल्लेखनीय योगदान दिल्याबद्दल, केंद्र सरकारने, देशभरातील 291 योग शिक्षक/प्रशिक्षकांना सहकुटुंब या कार्यक्रमाला येण्याचे निमंत्रण दिले होते.  त्यांच्या योगकार्याची दखल घेत, त्यांचा सन्मान करण्यासाठी, सरकारने नवी दिल्लीत निमंत्रित केले होते.

हा कार्यक्रम देशाचा आत्मसन्मान वाढवण्यासाठी आयोजित करण्यात आला होता, असे सोनोवाल यांनी सांगितले. "तुम्ही योग शिक्षक/प्रशिक्षक म्हणून देशाच्या विविध राज्यांमधून येऊन तळागाळातील जनतेला सक्षम केले आहे, ज्यामुळे समाज निरोगी आणि आनंदी झाला आहे. यासाठी आम्ही तुमचे आभार मानले पाहिजेत". असे सोनोवाल यावेळी म्हणाले.

* * *

S.Kane/R.Aghor/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai