26 جنوری 2024 کودہلی کے کرتویہ پتھ پر 75ویں یوم جمہوریہ پریڈ شان  و شوکت سے ہوئی ۔ اس سال، حکومت ہند نے مختلف شعبوں سے تعلق رکھنے والے افراد کو خصوصی دعوتیں بھیجیں، جن کی تعداد 15,000 سے زیادہ تھی، جنہوں نے  ملک کی ترقی اور اتحاد کو ظاہر کرتے ہوئے اس اہم پریڈ کا مشاہدہ  کیا ۔ معزز مہمانوں کی فہرست میں ایک اہم اضافہ کرتے ہوئے، زراعت اور کسانوں کی بہبود کی وزارت (ایم او اے اینڈ ایف ڈبلیو) نے مرکزی حکومت کی اسکیموں جیسے پردھان منتری فصل بیمہ یوجنا اور پردھان منتری کرشی سینچائی یوجنا سے استفادہ کرنے والے 1500 سے زیادہ کسانوں کو پریڈ دیکھنے کی دعوت دی تھی ۔ اس کے علاوہ، محکمہ زراعت اور کسانوں کی بہبود (ڈی اے اینڈ ایف ڈبلیو) نے بھی 25 اور 26 جنوری 2024 کو اپنے خصوصی مدعو ئین کے لیے دو  روزہ پروگرام اور تربیت کا اہتمام کیا۔

مزید  تجربے کے لیے، 25 جنوری 2024 کو کسانوں کے لیے کلیدی سرکاری اسکیموں اور اقدامات جیسے کہ زرعی انفراسٹرکچر فنڈ، فی ڈراپ مور کراپ، پی ایم ایف بی وائی وغیرہ پر ایک جامع تربیتی سیشن اورپوسا کیمپس کے مشہور کھیتوں کے فیلڈ وزٹ کا اہتمام کیا گیا۔ اس پروگرام کا آغاز ایک افتتاحی تقریب کے ساتھ ہوا جس میں زراعت اور کسانوں کی بہبود اور قبائلی امور کے مرکزی وزیر جناب ارجن منڈا کے ہمراہ  وزیر مملکت سوشری شوبھا کرندلاجے بھی شامل تھیں۔ معززین نے تربیتی سیشن کے سیاق و سباق اور ان کی معاشی فلاح و  بہبود کے لیے حکومت کے غیر متزلزل عزم اور مسلسل تعاون پر روشنی ڈالی۔

ڈی اے اینڈ ایف ڈبلیو کے خصوصی مدعوئین نے 26 جنوری  کرتویہ پتھ پر شاندار پریڈ کا مشاہدہ کیا۔ پریڈ کے بعد، زراعت، کسانوں کی بہبود اور قبائلی امور کے مرکزی وزیر جناب ارجن منڈا نے پوسا  میں کسانوں سے بات چیت کی۔ زراعت اور کسانوں کی بہبود کی وزیر مملکت، سوشری شوبھا کرندلاجے، اور ڈی اے آر ای کے سکریٹری ، جناب کیلاش چودھری، ورآئی سی اے آر کے  ڈائریکٹر جنرل ڈاکٹر ہمانشو پاٹھک ، ایڈیشنل سکریٹری محترمہ منیندر کور دویدی اور محترمہ شوبھا ٹھاکر بھی اس موقع پر موجود تھیں۔

وزیر موصوف نے ملک کی  تعمیر میں کسانوں کے اہم کردار پر زور دیا۔ انہوں نے زرعی بجٹ میں پانچ گنا اضافہ، ریکارڈ توڑ غذائی اجناس اور باغبانی کی پیداوار، اور ایم ایس پی  میں اہم اضافہ سمیت اہم کامیابیوں پر روشنی ڈالی۔ حکومتی اقدامات جیسے پی ایم –کسان، پی ایم ایف بی وائی اور نامیاتی کھیتی کو فروغ دینے والی اسکیموں سے کسانوں کی فلاح و بہبود کے لیے غیر متزلزل عزم کو اجاگر کیا۔ وزیر  موصوف نے زرعی منظر نامے کو فروغ دینے میں قابل ذکر پیش رفت کو ظاہر کرتے ہوئے کریڈٹ تک رسائی، سوائل ہیلتھ کارڈ اسکیم، اور قدرتی کاشتکاری کی کوششوں پر بھی روشنی ڈالی۔

تقریب کا اختتام کسانوں کو وزراء اور معززین کے ساتھ ایک گروپ فوٹو سیشن میں شرکت کرنے کا موقع ملنے کے ساتھ ہوا، جس کے بعد خصوصی  لنچ دیا گیا۔ پنڈال میں وقف سیلفی اسٹینڈ اور بینر تھے ، جو ایم او اے اینڈ ایف ڈبلیو کی اسکیموں اور اقدامات کی نمائش کرتے ہیں، جو دو روزہ جشن کے دوران قابل ذکر جھلکیاں ہیں۔ کسانوں نے متعین اسٹینڈ پر سرگرمی سے حصہ لیا، اور تصویریں کھینچتے ہوئے خوشی کا اظہار کیا۔

۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح ۔ رض  ۔ت ع  (

4065

(Release ID: 1999920) Visitor Counter : 110