ভারতকী ৭৫শুবা গনতন্ত্র দিবস থৌরমদা, পেরেদ য়েংনবগীদমক তোঙান-তোঙানবা হিরমশিংগী শক্নাইরবা মীওইশিং কর্তব্য পথতা পুনগনি। মখোয় পেরেদ য়েংনবা চেবাউ পীদুনা কেন্দ্র সরকারগী স্কিমশিংগী তোঙান-তোঙানবা বেনিফিসিরশিং ইকায়খুম্নবা উৎনবা সরকারনা থৌরাং তৌরে।

শক্নাইরবা মীওইশিংগী মমিংদা শিংথানিঙাই ওইনা হাপচিনবা অমদা, তোঙান-তোঙানবা কেন্দ্র সরকারগী স্কিমশিং হায়বদি প্রধান মন্ত্রী ফাসাল বিমা য়োজনা, প্রধান মন্ত্রী কৃষি সিঞ্চায়ে য়োজনা অসিনচিংবগী বেনিফিসরি লৌমী ১৫০০ হেন্না ভারতকী ৭৫শুবা গনতন্ত্র দিবস পেরেদ য়েংনবা এগ্রিকলচর অমসুং ফার্মরস ৱেলফিয়ার মিনিস্ত্রিনা চেবাউ পীরে। থৌরম অসিগী শরুক অমা ওইনা, সরকারগী থবকশিং হায়বদি এ.আই.এফ, এম অমসুং তি, নেসনেল সিদ কোওপরেসন, অমসুং পর দ্রোপ মোর ক্রোপগী মতাংদা অপুনবা ত্রেনিং অমা পাংথোক্কনি অমসুং জনুৱারি ২৫,২০২৪দা পুসা কেম্পসতা চৎকনি।

জনুৱারি ২৬,২০২৪ দা অখন্নবা চেবাউ ফংলবা মীওইশিং কর্তব্যা পথতা গনতন্ত্র দিবসকী পেরেদ য়েংগনি। পেরেদ মতুংদা, এগ্রিকলচর অমসুং ফার্মরস ৱেলফিয়ার অমসুং ত্রাইবেল এফেয়ার্সকী য়ুনিয়ন মিনিস্তর শ্রী অর্জুন মুন্দা শরুক য়াগদবা অখন্নবা থৌরম অমগীদমক লৌমীশিং পুসাগী সুব্রমনিয়ম হোলদা পুনগনি অমসুং শেন-থুমগী ফিবম ফগৎহনবদা মখোয়না লৌরিবা থৌদাংগীদমক মহাক্না লৌমীশিংদা তৌবীমল খঙবা উৎকনি অমসুং তোঙান-তোঙানবা স্কিমশিংগী খুৎথাংদা সরকারনা মখোয়গী মতেং পাংলিবা অদু ফোঙদোক্কনি।

তুংদা, লৌমীশিংনা মিনিস্তরশিং অমসুং শক্নাইরবশিংগা ফোতো সেসন অমা পাংথোক্কনি অমসুং চাক্লেন অমা চামিন্নগনি। থৌরম অসি মিনিস্ত্রিনা লৌমীশিং চাউখৎনবা, ইকায়খুম্নবা উৎনবা অমসুং মখোয়গী চোকথবা নাইদবা থবকশিং থাগৎনবা পাংথোক্কদবনি।

*****