ایودھیا دھام میں بنائے گئے نئے مندر میں جائے پیدائش پر نصب شری رام کی مورتی کی تقدیس کے مبارک موقع پر، وزیر اعظم جناب نریندر مودی کے  ’ خود  کفیل اور ترقی یافتہ  بھارت ‘  کے عہد کو ایک نئی جہت تک لے جانے کے لیے، بہت چھوٹی ، چھوٹی اور  اوسط درجے کی صنعتوں کی وزارت  کے تحت کھادی اینڈ  ویلیج انڈسٹری کمیشن  ( کے وی آئی سی )  نے کل ہریانہ کے ضلع بھیوانی، تحصیل سیوانی کے  گاؤں جھُمپا میں شری رام مہوتسو ،   کھادی سمواد اور گاؤں کی صنعتوں کی ترقی کی اسکیم کے تحت مشینیں اور ٹول کٹس تقسیم کئے  ۔

اس موقع پر پروگرام میں موجود ہزاروں  دست کاروں ،  استفادہ کنندگان  اور مقامی لوگوں نے ایودھیا میں  شری رام للا کی تقدیس کے   مبارک موقع کا مشاہدہ کیا۔ کے وی آئی سی نے ایک بڑی ایل ای ڈی اسکرین پر پروگرام کے براہ راست نشریات کے لیے خصوصی انتظامات کیے  تھے ۔ پروگرام کے مہمان خصوصی  راجیہ سبھا کے ممبر پارلیمنٹ جناب بپلب کمار دیب ،  کے وی آئی سی کے چیئرمین، جناب منوج کمار اور ہریانہ حکومت کے زراعت، کسانوں کی بہبود اور  مویشی پروری کے کابینی وزیر، جناب  جے پرکاش دلال کی موجودگی میں   120 کمہاروں کو  بجلی سے چلنے والے چاک، 35 شہد کی مکھیاں پالنے والوں کو 350 شہد کی مکھیوں کے ڈبے، 20 مستحقین کو خودکار اگربتی مشینیں، 20 کو پیڈل سے چلنے والی اگربتی مشینیں، 75 کاریگروں کو چمڑے کے ٹول کٹس اور تقریباً 40  تربیت  کاروں کو سرٹیفکیٹ  تقسیم کیے گئے۔

جناب بپلب  کمار دیب نے کہا کہ وزیر اعظم جناب نریندر مودی کی قیادت میں کے وی آئی سی دیہی  ترقی کے لیے قابل ستائش کام کر رہی ہے۔ انہوں نے مزید کہا کہ آج جب پوری دنیا ایودھیا دھام میں شری رام للا کی تقدیس کے  مبارک موقع کا مشاہدہ کر رہی ہے، کے وی آئی سی نے لوگوں کی فلاح و بہبود کے لیے  ملک کے دست کاروں کے لیے  ایک خصوصی ٹول کٹ تقسیم  کے پروگرام کا اہتمام کرکے  ، خود  کفیل اور ترقی یافتہ  بھارت کے عزم کو مزید  پختہ  کیا ہے۔  انہوں نے مزید کہا کہ وزیر اعظم جناب نریندر مودی کی رہنمائی میں کے وی آئی سی کے نوجوان چیئرمین  جناب کمار   کھادی اور دیہی صنعت کمیشن کو نئی بلندیوں تک لے جانے کے لیے دن رات کام کر رہے ہیں، جس کی وجہ سے کھادی اور دیہی صنعتوں کی مصنوعات کی مقبولیت میں تیزی سے اضافہ ہوا ہے۔

دست کاروں سے خطاب کرتے ہوئے،  ہریانہ حکومت  کے کابینی وزیر جناب جئے پرکاش دلال نے کہا کہ ہریانہ میں  ’ ڈبل انجن ‘ کی حکومت نے کسانوں کی فلاح و بہبود کے لیے اہم کام کیا ہے۔ انہوں نے کہا کہ گزشتہ 9 سالوں میں کے وی آئی سی نے دیہی علاقوں کے کاریگروں کو بااختیار بنانے کے لیے حکومت ہند کی اسکیموں کو ہر گاؤں تک پہنچایا ہے۔

پروگرام سے خطاب کرتے ہوئے   ، چیئر مین جناب کمار  نے کہا کہ آج پوری دنیا کے لیے ایک تاریخی لمحہ ہے۔ بھگوان  شری رام 500 سال بعد اپنے گھر  میں بیٹھے ہیں۔ انہوں نے مزید کہا کہ  شری رام جنم بھومی تحریک ان کی زندگی کا اہم موڑ رہا ہے۔   1992 ء میں، انہوں نے رام مندر تحریک میں ایک رضاکار کے طور پر حصہ لیا تھا ۔ ہر کار سیوک کی طرح  ، ان کی برسوں پرانی خواہش آج پوری ہوئی ہے۔ انہوں نے کہا کہ ایودھیا دھام میں جنم بھومی پر شری رام للا کا تقدس  ، وزیر اعظم نریندر مودی کے اس عہد کی فتح ہے  ، جو انہوں نے 1990 ء کی دہائی میں شری رام جنم بھومی مندر تحریک کے دوران لیا تھا۔

کے وی آئی سی  کے چیئرمین نے کہا کہ ملک کے کامیاب وزیر اعظم جناب نریندر مودی کی قیادت  کے تحت مودی حکومت کی  گارنٹی ،  ایک  خود  کفیل اور ترقی یافتہ  بھارت کی  گارنٹی بن گئی ہے۔ اسی راستے پر چلتے ہوئے،  کے وی آئی سی   اپنی مختلف روزگار پر مبنی اسکیموں اور پروگراموں کے نفاذ کے ذریعے، ملک میں کھادی اور اس کی اہم دیسی مصنوعات کو فروغ دے رہا ہے اور خود روزگار فراہم کر رہا ہے   اور ملک کے غریب  دست کاروں کو اقتصادی تعاون کرکے مدد فراہم کر رہا ہے۔ انہوں نے مزید کہا کہ کھادی  ، جسے پوجیہ  باپو نے  بھارت کی  جدو جہد آزادی  میں سودیشی تحریک کے دوران برطانوی راج کے خلاف جدوجہد میں سب سے موثر ہتھیار بنایا تھا، اب وزیر اعظم  جناب نریندر مودی نے کھادی کو  ، اس کی پرانی شان  و شوکت لوٹانے کا بیڑہ اٹھایا ہے۔ انہوں نے کہا کہ پچھلے 9 سالوں میں کھادی اور گاؤں کی صنعت کی مصنوعات کا کاروبار 1.34 لاکھ کروڑ روپے  کو تجاوز  کر چکا ہے۔ کھادی  کے کپڑے  کی پیداوار 880 کروڑ روپے سے بڑھ کر 3000 کروڑ روپے اور کھادی مصنوعات کی فروخت 1170 کروڑ روپے سے بڑھ کر 6000 کروڑ روپے تک پہنچ گئی ہے۔ اتنا ہی نہیں کھادی مہوتسو کے دوران دلّی  کے کناٹ پلیس کے شو روم میں ایک دن میں ڈیڑھ کروڑ روپے کی فروخت ہوئی اور کھادی بھنڈار میں ایک ماہ میں 25 کروڑ روپے کی فروخت ہوئی۔

………………………………………

ش ح  ۔ و ا  ۔ ع ا

U.No. 3904