నిర్దిష్ట సమాచారం ఆధారంగా, ఢిల్లీ కస్టమ్స్ ప్రివెంటివ్ 20/21 జనవరి 2024న, అక్రమంగా దిగుమతి చేసుకున్న/స్మగ్లింగ్ చేసిన మరియు నిల్వ చేసిన విదేశీ సిగరెట్‌లపై కేసు నమోదు చేసింది. ఈఎస్‌ఈ, మోండ్‌, డన్‌హిల్‌, డేవిడాఫ్‌, గుడాంగ్‌ గరం, ప్లాటినం సెవెన్‌ వంటి వివిధ బ్రాండ్‌లకు చెందిన మొత్తం  12.22 లక్షల    సిగరెట్లను స్వాధీనం చేసుకున్నారు.   స్వాధీనం చేసుకున్న సిగరెట్ల ఆధారంగా ప్రాథమిక పరిశీలనలో స్వాధీనం చేసుకున్న సిగరెట్ల విలువ సుమారు రూ. 2 కోట్లు, సిగరెట్ల విలువ ఖచ్చితమైన మదింపు జరుగుతోంది.

ఢిల్లీ-06 ప్రాంతంలోని కత్రా బరియన్, నయాబన్స్‌లోని రెండు దుకాణాలు మరియు మూడు గోడౌన్లలో సోదాలు జరిగాయి.

విచారణలో, పైన పేర్కొన్న దుకాణాలు మరియు గోడౌన్లలో వివిధ బ్రాండ్ల విదేశీ సిగరెట్లను అక్రమంగా దిగుమతి చేసుకోవడం, నిల్వ చేయడం మరియు సరఫరా చేయడం వంటివి వెలుగులోకి వచ్చాయి. సిగరెట్  ప్యాకెట్లపై ఎటువంటి నిర్ధిష్ట చట్టబద్ధమైన ఆరోగ్య హెచ్చరికలు లేవు . అవి లేకపోతే కస్టమ్స్ చట్టం, 1962 ప్రకారం పన్ను విధించబడుతుంది. ఈ సిగరెట్లు చట్టవిరుద్ధంగా దిగుమతి చేయబడి, కస్టమ్స్ సుంకాన్ని ఎగవేసి, సిగరెట్లు మరియూ ఇతర పొగాకు ఉత్పత్తుల (ప్యాకేజింగ్ & లేబుల్) చట్టాన్ని ఉల్లంఘించినట్లు అనుమానించబడింది. ఇవి దేశీయ మార్కెట్‌లో సరఫరా చేయబడుతున్నాయి.

ఈ కేసులో సరఫరాదారులు/డీలర్లు మరియు ఇతరుల పాత్ర గురించి ఆరా తీస్తున్నారు. ఈ విషయంపై తదుపరి విచారణ కొనసాగుతోంది.

****