గణతంత్ర దినోత్సవ వేడుకల్లో భాగంగా రక్షణ మంత్రిత్వ శాఖ, విద్యా మంత్రిత్వ శాఖ సంయుక్తంగా నిర్వహించే నేషనల్ స్కూల్ బ్యాండ్ కాంపిటీషన్ గ్రాండ్ ఫినాలే 21, 22 జనవరి, 2024 లో న్యూఢిల్లీలోని మేజర్ ధ్యాన్ చంద్ నేషనల్ స్టేడియంలో జరుగుతుంది. మొత్తం 16 బ్యాండ్ బృందాలు - ప్రతి జోన్ నుండి నాలుగు (తూర్పు, పశ్చిమం, దక్షిణం మరియు ఉత్తరం) - రెండు రోజుల కార్యక్రమంలో సంగీతంలో మేటి స్థానం కోసం పోటీపడతాయి, ఇది ప్రధాన మంత్రి శ్రీ నరేంద్ర మోదీ ఊహించిన విధంగా భారతీయ సంగీతం,  ట్యూన్‌లను ప్రాచుర్యంలోకి తీసుకురావడానికి నిర్వహిస్తున్నారు. పోటీలు నాలుగు విభాగాల్లో (బాయ్స్ బ్రాస్ బ్యాండ్, గర్ల్స్ బ్రాస్ బ్యాండ్, బాయ్స్ పైప్ బ్యాండ్ మరియు గర్ల్స్ పైప్ బ్యాండ్) జరుగుతాయి. 16 జట్ల జాబితా :

ప్రతి విభాగంలో మొదటి మూడు స్థానాల్లో నిలిచిన జట్లకు నగదు బహుమతి (1వ - రూ. 21,000. 2వ - రూ. 16,000, 3వ - రూ. 11,000), ట్రోఫీతో పాటు సర్టిఫికెట్లు అందజేస్తారు. ప్రతి విభాగంలో మిగిలిన జట్టుకు ఒక్కొక్కరికి రూ. 3,000 కన్సోలేషన్ నగదు బహుమతిని అందజేస్తారు. గ్రాండ్ ఫినాలే కోసం జ్యూరీని సాయుధ దళాల ప్రతి విభాగంలోని సభ్యులతో సహా రక్షణ మంత్రిత్వ శాఖ నియమిస్తుంది.

పోటీలు మూడు స్థాయిలలో నిర్వహణ. రాష్ట్రం, జోనల్, అన్ని పాఠశాలల (సీబీఎస్ఈ, ఐసిఎస్ఈ, కేవిఎస్, ఎన్విఎస్, సైనిక్ పాఠశాలలు మొదలైనవి) అన్ని రాష్ట్రాలు/కేంద్రపాలిత ప్రాంతాలచే నిర్వహిస్తారు. రాష్ట్రస్థాయి పోటీల్లో 12,857 మంది చిన్నారులతో కూడిన 486 జట్లు, జోనల్ స్థాయిలో 2,002 మంది చిన్నారులతో కూడిన 73 జట్లు పాల్గొన్నాయి. ఈ చొరవ దేశవ్యాప్తంగా పాఠశాలల్లోని పిల్లలలో దేశభక్తి, ఐక్యత స్ఫూర్తిని పునరుజ్జీవింపజేయడం, సమగ్ర విద్య మార్గంలో వారిని ప్రేరేపించడం లక్ష్యంగా పెట్టుకుంది.

***