وزارت دفاع میں وزیر مملکت جناب اجے بھٹ نے 18 جنوری کو دہلی کینٹ میں این سی سی یوم جمہوریہ کیمپ 2024کے دورے کے دوران کہا،’’نیشنل کیڈٹ کور (این سی سی) صرف ایک تنظیم نہیں ہے بلکہ ایک تحریک ہے جو نوجوان ذہنوں کو زیادہ ذمہ دار اور محب وطن شہریوں میں تبدیل کرتی ہے،‘‘ ۔ ہندوستان کے مستقبل کے ہیرو بنانے میں این سی سی کی کوششوں کی تعریف کرتے ہوئے، انہوں نے کیمپ کو متنوع ثقافتوں، زبانوں اور روایات کے امتزاج کے طور پر بیان کیا، جو بین الاقوامی سطح پر ملک کی متحرک تصویر اور اس میں اتحاد کی شناخت کو ظاہر کرتا ہے۔

وزیر مملکت  نے کیڈٹس میں قدریں اور مہارتیں پیدا کرنے اور ان کی قائدانہ صلاحیتوں کو نکھارنے کے لیے بھی این سی سی کی ستائش کی۔ انہوں نے کہا کہ 'اتحاد اور نظم و ضبط' کے اپنے نصب العین کے مطابق، این سی سی شروع سے ہی دنیا کی سب سے بڑی یونیفارم والی نوجوان تنظیم بن گئی ہے۔

جناب اجے بھٹ نے این سی سی کیڈٹ کے طور پر اپنے دنوں کو یاد کیا اور کہا کہ تنظیم نے انہیں فخر کے گہرے احساس سے بھر دیا۔ انہوں نے کمیونٹی سروس اسکیموں جیسے 'پنیت ساگر ابھیان'، 'گنگا اتسو مہم'، 'سوچھ بھارت ابھیان'، 'پلاسٹک آلودگی مہم'، 'کوسٹل کلین اپ ڈے' اور 'ورلڈز ریورز ڈے' وغیرہ کے لیے ان کی قابل ستائش کوششوں کی تعریف کی۔ جس کے مثبت اثرات مرتب ہوئے۔ انہوں نے اپنے خطاب کا اختتام اس یوم جمہوریہ پر خود کو آئین کے آدرشوں کے لیے دوبارہ وقف کرنے اور مزید جامع اور مضبوط ہندوستان کی تعمیر کے لیے جدوجہد کرنے کے ساتھ کیا۔

تقریب کے ایک حصے کے طور پر، وزیر مملکت برائے دفاع  نے این سی سی  کے ہوشیار کیڈٹس کے ذریعہ پیش کیے گئے ایک متاثر کن 'گارڈ آف آنر' کا جائزہ لیا۔ اس کے بعد، سینک اسکول، کپورتھلا کے این سی سی کیڈٹس نے شاندار بینڈ ڈسپلے کیا۔ جناب  اجے بھٹ نے 'فلیگ ایریا' کا بھی دورہ کیا جس میں سماجی بیداری کے مختلف موضوعات اور ثقافتی سرگرمیوں کی تصویر کشی کی گئی تھی۔ انہیں ریاستی ڈائریکٹوریٹ کے بارے میں بریفنگ دی گئی اور بعد میں، انہوں نے ایک ثقافتی پروگرام دیکھا جس میں قومی یکجہتی اور ہندوستان کے بھرپور ثقافتی ورثے کی نمائش کی گئی۔

************

ش ح۔ا م ۔

 (U: 3764)

(Release ID: 1997498) Visitor Counter : 91