الیکٹرانکس اور انفارمیشن ٹیکنالوجی کی وزارت (MeitY)، حکومت ہند  کے سکریٹری، جناب ایس کرشنن نے آج میکر ولیج، کوچی، کیرالہ میں دو فلیگ شپ پروگراموں – ”سینٹر آف ایکسیلنس (سی او ای) ان اینٹیلیجنٹ انٹرنیٹ آف تھنگس (آئی آئی او ٹی) سینسرز“ اور ہندوستان کے پہلے گرافین سینٹر ”انڈیا انوویشن سینٹر فار گرافین (آئی آئی سی جی)“ کا آغاز کیا۔

آئی آئی او ٹی سینسرز میں سی او ای ایک انوکھی سہولت ہے جو میکر ولیج کوچی میں MeitY، حکومت ہند اور حکومت کیرالہ کے ذریعہ قائم کی گئی ہے تاکہ نیٹ ورکس، آلات اور سینسر میں ذہین سینسرز کی ایپلی کیشنز کے وسیع اسپیکٹرم کا احاطہ کرنے والے ذہین آئی او ٹی سسٹم کے دائرے میں سینسر سسٹم کی ترقی کو متحرک کیا جا سکے۔

ہندوستان کا پہلا گرافین سینٹر آئی آئی سی جی بھی MeitY، حکومت ہند اور حکومت کیرالہ کے ذریعہ ٹاٹا اسٹیل لمیٹڈ کے ذریعہ میکر ولیج کوچی میں قائم کیا گیا ہے جس کا مقصد گرافین اور 2D میٹریل سسٹم کے شعبے میں تحقیق و ترقی، مصنوعات کی اختراع اور صلاحیت کی تعمیر کو فروغ دینا ہے۔

ڈیجیٹل یونیورسٹی کیرالہ (ڈی یو کے) (سابقہ IIITMK) اور سینٹر فار میٹریل فار الیکٹرانکس ٹیکنالوجی (سی ایم ای ٹی) - تھریسور میکر ولیج کوچی میں ان مراکز کے قیام کے لیے تکنیکی شراکت دار ہیں۔ تحقیق و ترقی، انکیوبیشن، اختراع، ہنر مندی، صلاحیت سازی، ٹیسٹنگ اور سرٹیفیکیشن کے لیے مکمل سہولت ان ایجنسیوں کے ماہرین کے ذریعے ان مراکز میں قائم کی جائے گی۔

جناب ایس کرشنن نے ڈیجیٹل تبدیلی اور اقتصادی ترقی کو آگے بڑھانے میں آئی آئی او ٹی سینسر اور گرافین ٹیکنالوجیز کی اہمیت پر اجتماع سے خطاب کیا۔ انہوں نے مزید کہا کہ آئی او ٹی سینسر اور گرافین اور 2 ڈی میٹریلز کے شعبے میں اسٹارٹ اپس کے لیے مکمل ایکو سسٹم کی تشکیل ملک میں ان مراکز کے قیام کا بنیادی مقصد ہے۔ انہوں نے مزید کہا کہ متعلقہ علاقوں میں ان مراکز پر پروڈکٹ/سسٹم کی ترقی کے لیے مواد کے ساتھ مکمل حل فراہم کیا جائے گا۔

تقریب کے دوران، جناب ایس کرشنن نے ہارڈٹیک 2024، میکر ولیج کا سالانہ فلیگ شپ پروگرام بھی شروع کیا، جو الیکٹرانکس ہارڈویئر ڈیزائن اور مینوفیکچرنگ کے شعبے میں صنعتوں، اسٹارٹ اپ، سرمایہ کاروں، اکیڈمیا، آر اینڈ ڈی تنظیموں کے رہنماؤں کو اکٹھا کرے گا۔

لانچ کے دوران جناب بھونیش کمار، ایڈیشنل سکریٹری، MeitY؛ جناب راجیش سنگھ، جوائنٹ سکریٹری اور مالیاتی مشیر، MeitY، حکومت ہند؛ ڈاکٹر رتن یو کیلکر، سکریٹری، الیکٹرانکس اور انفارمیشن ٹیکنالوجی، کیرالہ حکومت؛ پروفیسر ساجی گوپی ناتھ، وائس چانسلر، ڈیجیٹل یونیورسٹی کیرالہ؛ جناب این سائنتھن، چیف نیو میٹریل بزنس، ٹاٹا اسٹیل؛ ڈی جی سی ایم ای ٹی اور حکومت ہند اور حکومت کیرالہ کے افسران بھی موجود تھے۔

***********

ش ح۔ ف ش ع- م ف

U: 3722

(Release ID: 1997130) Visitor Counter : 91