ٹیلی مواصلات کے محکمے کے سکریٹری نے 12 جنوری 2024 سے ریاست ہائے متحدہ امریکہ کا ایک کایاپلٹ کردینے و الا دورہ شروع کیا، جس میں ہندوستان کی تکنیکی صلاحیت اور عالمی تعاون کے اہم پہلوؤں پر توجہ دی گئی۔ اس اہم سفر کی جھلکیاں درج ذیل ہیں:

  واشنگٹن ڈی سی میں پین آئی  آئی ٹی 2024 تقریب:

ٹیلی مواصلات کے محکمے کے سکریٹری نے پین آئی آئی ٹی 2024 تقریب میں ‘ٹیکنالوجی سے متعلق سفارتکاری: جغرافیائی و سیاسی منظرنامے کی سمت کا تعین’ کے موضوع پر ایک زبردست کلیدی خطبہ دیا۔ ہندوستان کی انقلابی تبدیلی پر زور دیتے ہوئے، انہوں نے سپلائی چین کو متنوع بنانے کے لیے ٹیک سفارتکاری کی اہمیت  کو نمایاں کیا، جو کہ آئی سی ٹی شعبے کی ترقی کے لیے اہمیت کی حامل ہے۔ پین آئی آئی ٹی -امریکہ کے ساتھ ایک مشترکہ ورک پلان پر دستخط کیے گئے، جس میں ہندوستانی تحقیقی پروجیکٹوں کے لیے مہارت کے تبادلے کو فروغ دیا گیا اور آتم نربھر بھارت کے وژن کی طرف اسٹارٹ اپس کی رہنمائی کی گئی ہے۔

شکاگو یونیورسٹی میں کوانٹم کمیونیکیشن میں  امکانات کی تلاش

کوانٹم کمیونیکیشنز میں ہندوستان کی خود کفالت کو تقویت بہم پہنچانے کے ایک اسٹریٹجک اقدام کے طور پر، سکریٹری نے شکاگو یونیورسٹی کا دورہ کیا۔ گہرے غوروخوض کے اجلاس میں مشغول اور کوانٹم کمیونیکیشن لیباریٹریوں کا دورہ کرتے ہوئے، انہوں نے کوانٹم نیٹ ورکس اور کوانٹم ٹیلی پورٹیشن میں ممکنہ تعاون کے امکانات کی تلاش کی۔ اس پہل قدمی کا مقصد ہندوستان میں کوانٹم کمیونیکیشنز میں تحقیق و ترقی کو بڑھانا، اختراع کو فروغ دینا اور اسٹارٹ اپ ایکو نظام کو مضبوط بنانا ہے۔

 این ایس اے-  امریکہ کی نائب محترمہ این نیوبرگر سے ملاقات

سکریٹری نے این ایس  اے- امریکہ کی نائب محترمہ این نیوبرگر سے ملاقات کی، جس کے نتیجے میں‘امریکہ- بھارت اوپن آراے این ایکسلی ریشن روڈ میپ’کو باضابطہ بناکراسے جاری کیا گیا۔ یہ نہایت اہمیت کاحامل معاہدہ، اوپن-آر اے این مصنوعات کی بین فعالیت اور بڑھی ہوئی تعیناتیوں کے لیے تعاون کو فروغ دیتا ہے۔ دونوں فریقوں نے عالمی تکنیکی ترقی کی طرف ایک اہم پیش رفت کرتے ہوئے، نیکسٹ جنریشن کمیونیکیشن ٹیکنالوجیز میں مشترکہ کوششوں پر اتفاق کیا۔

ورلڈ بینک کے مندوبین کے ساتھ  میٹنگیں

ورلڈ بینک کےمقام پر،سکریٹری (ٹیلی کام) نے ایکسل وین ٹراٹسنبرگ کے سینئر ایم ڈی اور وی پی ساؤتھ ایشیا مارٹن رائزر، وی پی انفراسٹرکچر گوانگزی چن، اور ڈائریکٹر اسٹریٹجی اینڈ آپریشنز کیمیاو فین سے ملاقاتیں کیں۔ تبادلہ خیال کے دوران  ڈیجیٹل سرکاری بنیادی ڈھانچے، سیل براڈکاسٹ ٹیکنالوجی، اور اسٹارٹ اپ ایکو نظام کے فروغ میں ہندوستان کی  پہل قدمیوں کا احاطہ کیا گیا ہے ۔ ورلڈ بینک کو جنوبی ایشیائی اور افریقی خطوں پر خصوصی توجہ کے ساتھ  آئی ٹی یو/یو این کی ‘ بھلائی کے لئے مصنوعی ذہانت’- اے آئی کوشش میں شامل ہونے کی دعوت دی گئی تھی۔

یہ دورہ ، آتم نربھر بھارت کے وژن کے ساتھ خوش  اسلوبی سے ہم آہنگ ر ہتے ہوئے، تکنیکی مہارت، بین الاقوامی تعاون، اور خود کفالت کے تئیں ٹیلی مواصلات کے محکمے کی عہد بستگی کا مظہر ہے۔

*******

ش ح۔ع م۔ف ر

 (U: 3697)