وزیر دفاع جناب راجناتھ سنگھ نے پروجیکٹ سے متعلق جاری کاموں کے لیے بارڈر روڈس آرگنائزیشن / جنرل ریزرو انجینئر فورس سے وابستہ غیر مستقل اجرت والے مزدوروں کے لیے ایک گروپ (ٹرم) بیمہ اسکیم کے آغاز کے لیے تجویز کو منظوری دے دی ہے۔ یہ اسکیم  کسی بھی طرح کی موت کی صورت میں سی پی ایل کنبے / قریبی رشتے دار کو 10 لاکھ روپئے کے بقدر کی بیمہ رقم فراہم کرے گی۔

کام کاج کے پر خطر مقامات پر تعینات سی پی ایلز کی زندگیوں کو لاحق شدید خطرے ، خراب موسم، ناگوار خطہ اور پیشہ ورانہ صحت کے خطرات، اور ان کی مصروفیات کے دوران واقع ہونے والی/ رپورٹ کی جانے والی اموات کو مدنظر رکھتے ہوئے، انسانی بنیادوں پر بیمہ احاطے کی تجویز سی پی ایل کے حوصلے بلند کرنے والی ثابت ہوگی۔

یاد رہے کہ وزیر دفاع نے حال ہی میں سی پی ایل کی بہتری کے لیے متعدد فلاحی اقدامات کو منظوری دی تھی۔ ان میں شامل ہیں:

• جسد خاکی کی حفاظت اور نقل و حمل اور خدمت گار کا سواری بھتے کا حق۔
• آخری رسومات کی امداد 1000 روپئے سے بڑھا کر 10000 روپئے کی گئی۔
• موت واقع ہونے کی صورت میں فوری مدد کے طور پر پیشگی ادائیگی کے لیے 50000 روپئے کے بقدر کا معاوضہ۔

**********

 (ش ح –ا ب ن۔ م ف)

U.No:3564