స్టార్టప్ ఇండియా యొక్క 8 సంవత్సరాలను పురస్కరించుకుని, ‘స్టార్టప్ ఇండియా ఇన్నోవేషన్ వీక్ 2024’ 10.01.2024న ఆస్క్ మీ ఎనీథింగ్ (ఏ ఎం ఏ) సెషన్‌తో  ప్రారంభమైంది. భారతదేశంలో వ్యవస్థాపకత స్ఫూర్తిని జరుపుకోవడానికి ఎనిమిది, వర్చువల్ ఆస్క్ మీ ఎనీథింగ్ (ఏ ఎం ఏ) లైవ్ సెషన్‌లను 10 జనవరి 2024 నుండి 17వ తేదీ వరకు  సంబంధిత వాటాదారులతో నిర్వహించాలని ప్రణాళిక రూపొందించారు. 10 జనవరి 2024న, ఆస్క్ మి ఎనీథింగ్ సెషన్ 'ఇంక్యుబేటర్ల ద్వారా నవజాత స్టార్టప్‌ల కోసం అవకాశాలు'పై దృష్టి సారించింది, అందుబాటులో ఉన్న వివిధ  ఆర్థిక వనరులపై స్టార్టప్‌లు మరియు వ్యవస్థాపకులకు అంతర్దృష్టులను అందించింది. ఈ సెషన్ స్టార్టప్ ప్రస్థానం లోని ఆలోచన యొక్క ప్రారంభం నుండి చివరకు మార్కెట్లోకి ప్రవేశించే వరకు వివిధ దశలకు అవసరమైన విలువైన మార్గదర్శకాలను అందించింది. ఇది ట్విట్టర్, లింక్డ్ ఇన్ మరియు ఫేస్బుక్ తో సహా స్టార్టప్ ఇండియా సోషల్ మీడియా ఛానెల్‌లలో ప్రత్యక్ష ప్రసారం చేయబడింది వాటిని ఇక్కడ యాక్సెస్ చేయవచ్చు: https://www.youtube.com/watch?v=hM36ZJA_5ZI.

వర్ధమాన వ్యాపారవేత్తల కోసం మార్గ్ మెంటర్‌షిప్ సిరీస్‌లో మొదటి మెంటర్‌షిప్ సెషన్ 'ఆలోచన నుండి అమలు వరకు - సుధృఢ వ్యాపార ప్రణాళికను రూపొందించడం'పై దృష్టి సారించింది.  వ్యవస్థాపక ఆలోచనలను చక్కటి నిర్మాణాత్మక వ్యాపార ప్రణాళికగా మార్చడం, పాల్గొనేవారిని నిమగ్నం చేయడం మరియు సవాళ్లను కేస్ స్టడీస్‌ని ఉపయోగించి ప్రాథమిక అంశాలను వివరించే ప్రక్రియలో అంతర్దృష్టులను సెషన్ పంచుకుంది. ఔత్సాహిక పారిశ్రామికవేత్తల కోసం ఎం వై భారత్ పోర్టల్‌లో కూడా సెషన్ నిర్వహించబడింది.

ఇంకా,  స్టార్టప్ ఇండియా యొక్క ఫ్లాగ్‌షిప్ యాక్సిలరేటర్ ప్రోగ్రామ్ ఎదుగుతున్న దశలో స్టార్టప్‌లకు విస్తృతమైన చేయూత కోసం ‘స్టార్టప్ శాల’ ప్రారంభించబడింది.  ప్రారంభ దశ స్టార్టప్‌ల కోసం 3-నెలల సుదీర్ఘ యాక్సిలరేటర్ ప్రోగ్రామ్ వారికి విజ్ఞానం, నెట్‌వర్క్, నిధులు లేదా ఎదగటానికి  అవసరమైన మార్గనిర్దేశం అందించడం ఈ చొరవ లక్ష్యం. ప్రతి ప్రోగ్రామ్ కోహోర్ట్ ఒక నిర్దిష్ట రంగంపై దృష్టి పెడుతుంది, మొదటిది పరిశుభ్ర సాంకేతిక రంగం. అప్లికేషన్‌లు 10 జనవరి 2024 నుండి స్టార్టప్ ఇండియా పోర్టల్‌లో ఉంటాయి.

కేంద్ర వాణిజ్యం మరియు పరిశ్రమలు, వినియోగదారుల వ్యవహారాలు, ఆహారం మరియు ప్రజాపంపిణీ, జౌళి శాఖ మంత్రి శ్రీ పీయూష్ గోయల్, వైబ్రెంట్ గుజరాత్ గ్లోబల్ సమ్మిట్ 2024 సందర్భంగా ఇండియా-యుఎఇ బిజినెస్ సమ్మిట్‌లో ప్రసంగిస్తూ భారతదేశం అభివృద్ధి చెందుతున్న స్టార్టప్ వ్యవస్థ మరియు స్టార్టప్ వృద్ధికి ముందున్న మార్గాన్ని హైలైట్ చేశారు. పర్యావరణ వ్యవస్థ. పరిశ్రమ మరియు అంతర్గత వాణిజ్య ప్రమోషన్ శాఖ (డీ పీ ఐ ఐ టీ) జాయింట్ సెక్రటరీ, శ్రీ సంజీవ్, వివిధ కార్యక్రమాలలో పాల్గొని, భారతీయ స్టార్టప్‌లకు అంతర్జాతీయ ప్రవేశం యొక్క ప్రాముఖ్యతను మరియు అంతర్జాతీయ మార్కెట్ అందుబాటును సులభతరం చేయడంలో స్టార్టప్ బ్రిడ్జ్ పోషిస్తున్న కీలక పాత్రను హైలైట్ చేశారు.

దేశవ్యాప్తంగా భారతీయ ఆవిష్కరణలకోసం ఇంక్యుబేటర్లు తమ కేంద్రాలలో కూడా స్టార్టప్-సంబంధిత ఈవెంట్‌లను నిర్వహించాయి. 10 జనవరి 2024న, 9 నగరాల్లోని 7 వేర్వేరు రాష్ట్రాల్లో  9 ఆకర్షణీయమైన ఈవెంట్లు జరిగాయి. 845+ కంటే ఎక్కువ మంది వ్యవస్థాపకులు మరియు విద్యార్థి వ్యవస్థాపకులు ఈవెంట్‌లకు హాజరయ్యారు. ఈవెంట్‌లు స్టార్టప్ షోకేస్‌లు, మెంటార్‌షిప్ సెషన్‌లు మరియు స్ఫూర్తిదాయకమైన ప్యానెల్ చర్చలకు అవకాశాలను అందించాయి.

11.01.2024 నాడు, గుజరాత్‌లోని గాంధీనగర్‌లో జరిగిన పదవ వైబ్రెంట్ గుజరాత్ గ్లోబల్ సమ్మిట్‌లో ‘స్టార్టప్‌లను అనంతమైన అవకాశాలఅందుబాటు’ అనే స్టార్టప్ సెమినార్‌లో సెక్రటరీ డిపిఐఐటి శ్రీ రాజేష్ కుమార్ సింగ్ ప్రారంభోపన్యాసం చేశారు. తన ప్రసంగంలో, ఇంటర్నెట్ వ్యాప్తి పెరగడం మరియు డిజిటల్ చెల్లింపులకు పెరుగుతున్న ప్రజాదరణ కారణంగా ఇటీవలి సంవత్సరాలలో ఇ-కామర్స్ పరిశ్రమ వృద్ధిని ఆయన హైలైట్ చేశారు. ఇది స్టార్టప్ కార్యకలాపాలు, ముఖ్యంగా ఇ-కామర్స్ మరియు ఫిన్‌టెక్ రంగాలలో పెరుగుదలకు దారితీసిందని అన్నారు.

డీ పీ ఐ ఐ టీ జాయింట్ సెక్రటరీ, శ్రీ సంజీవ్, పరిశ్రమతో భాగస్వామ్యంతో దేశంలో స్టార్టప్ పర్యావరణ వ్యవస్థను పెంపొందించడంలో మరియు ప్రోత్సహించడంలో ప్రభుత్వ చురుకైన పాత్రను హైలైట్ చేశారు. ఇ-కామర్స్ మరియు రిటైల్ రంగంలో భారతదేశం యొక్క అద్భుతమైన పురోగతిని ఆయన నొక్కిచెప్పారు  భారతదేశ వృద్ధిలో స్టార్టప్‌ల ప్రాముఖ్యతను హైలైట్ చేశారు.

రెండవ ఆస్క్ మి ఎనీథింగ్ సెషన్ మధ్యస్త ఆవిష్కరణల పై దృష్టి సారించింది

స్టార్టప్‌లతో చురుగ్గా పాల్గొంటున్న ప్రముఖ కార్పొరేట్‌లు. ప్యానెల్ ప్రస్తుత ధోరణులను చర్చించింది మరియు కొత్త మార్కెట్ అవకాశాలను అందిపుచ్చుకోవడం లో అంతర్దృష్టులపై స్టార్టప్‌లకు సలహా ఇచ్చింది. ఈ సెషన్ తర్వాత, కార్పొరేట్‌లతో ఎంపికైన స్టార్టప్‌లకు రుణాలు ఆర్థిక  మద్దతు, కార్యకలాపాలు, స్థిరమైన ఆవిష్కరణలు మరియు నూతన సాంకేతికత రంగాలలో నేరుగా సూచనలు మరియు మెంటార్‌షిప్ సెషన్‌లు   అందించబడతాయి.

మార్గ్ మెంటర్‌షిప్ సిరీస్‌లో రెండవ మెంటర్‌షిప్ సెషన్ 'వ్యాపార నిర్మాణాలను అర్థం చేసుకోవడం మరియు ఒక సంస్థ ను స్థాపన ప్రక్రియలు'పై దృష్టి సారించింది. ఇది స్టార్టప్ కోసం వివిధ రకాల వ్యాపార నిర్మాణాలు మరియు వాటి సూక్ష్మ నైపుణ్యాలను అన్వేషించింది. సెషన్‌లో ఔత్సాహిక పారిశ్రామికవేత్తల నుండి క్రియాశీల భాగస్వామ్యం కనిపించింది, వారు తమ స్టార్టప్ ప్రయాణాన్ని ప్రారంభించడం లోని దశలపై విలువైన అంతర్దృష్టులను పొందారు.

దేశవ్యాప్తంగా ఆవిష్కరణలను ప్రదర్శిస్తూ, 12 నగరాల్లోని 9 రాష్ట్రాల్లో భౌతికంగా 14 ఈవెంట్‌లు జరిగాయి. ఈవెంట్‌లలో స్టార్టప్‌ల నుండి చురుకైన భాగస్వామ్యాన్ని చూసింది మరియు ఈవెంట్‌లకు వ్యవస్థాపకులు హాజరయ్యారు. ఈ ఈవెంట్‌లలో విద్యార్థి వ్యవస్థాపకుల కోసం ఐడియాథాన్, మహిళల నేతృత్వంలోని స్టార్టప్‌ల ప్రదర్శన మరియు డీప్‌టెక్ సరిహద్దులు మరియు ఐ పీ ఆర్ వ్యూహాలను అన్వేషించే ప్యానెల్ ఉన్నాయి.

మార్గ్ మెంటర్‌షిప్ సిరీస్‌లోని వ్యవస్థ దార్శనికులతో మరింత తెలివైన ఆస్క్ మి ఏదైనా సెషన్‌లు ఉంటాయి. ఈవెంట్‌ల  షెడ్యూల్‌ లైనప్ ను ఈ దిగువ లింక్ లో పొందవచ్చు.

https://www.startupindia.gov.in/innovation-week/

***