اطلاعات و نشریات اور نوجوانوں کے امور اور کھیل کے وزیر جناب انوراگ سنگھ ٹھاکر نے آج ممبئی کے بائیکلہ میں وکست بھارت سنکلپ یاترا وین کو ہری جھنڈی دکھائی۔ اس موقع پر، وزیرموصوف نے وکست بھارت سنکلپ یاترا دیکھنے والے تمام حاضرین اور اس کا حصہ بننے والےتمام  افراد کا شکریہ ادا کیا۔

جناب ٹھاکر نے کہا‘‘ملک کے کونے کونے میں یاترا ہو رہی ہے۔ وکست بھارت سنکلپ یاترا سے بارہ کروڑ سے زیادہ لوگ جڑے ہیں۔ اس کے ذریعے انہیں اسکیموں کے بارے میں معلوم ہوا  اورانہوں نے  مرکزی حکومت کی مختلف فلاحی اسکیموں سے فائدہ اٹھایا ۔” انہوں نے اس کے لیے وزیر اعظم نریندر مودی کا شکریہ ادا کیا۔

یاترا کی پہنچ کے بارے میں مزید وضاحت کرتے ہوئے وزیرموصوف نے کہا کہ وکست بھارت سنکلپ یاترا دو لاکھ سے زیادہ پنچایتوں اور چار ہزار سے زیادہ شہری مقامی  بلدیاتی اداروں تک پہنچنے والی ہے۔ اس یاترا کا مقصد کمزور طبقوں اور سرکاری فوائد کے اہل افراد تک پہنچنا اور انہیں سرکاری اسکیموں کے بارے میں آگاہ کرنا ہے۔ انہوں نے کہا کہ اسکیموں  میں لوگوں  کا اندراج کرانے اورمختلف سرکاری اسکیموں کے بارے میں معلومات فراہم کرنے کے لیے پمفلٹس اور دیگر مواد کے لئے اسٹالس موجود ہیں۔

اس پہل کے پیچھے مقصد کے بارے میں بتاتے ہوئے، جناب ٹھاکر نے کہا کہ حقیقی جمہوریت تب ہے جب حکومت عوام کے پاس آئے اور وکست بھارت سنکلپ یاترا میں یہی ہو رہا ہے۔ وکست بھارت یاترا وین اور اسٹالز کے ذریعے سرکاری اسکیموں کے لیے اندراج بہت آسان ہو گیا ہے۔ حکومت کا کام شہریوں کو آگاہ کرنا اور شہریوں میں بیداری پیدا کرنا ہے۔ وزارت اطلاعات و نشریات یہی کررہی ہے۔ کتابچے اور پمفلٹ مختلف اسکیموں کے بارے میں معلومات فراہم کر رہے ہیں، جب کہ کیلنڈر نئی پارلیمنٹ کی عمارت، بھارت منڈپم اور کرتویہ پتھ جیسی ترقیوں کے ذریعے ایک نئے ہندوستان کا قابل فخر تصویر پیش کررہا ہے۔

 ماضی قریب میں حکومت کی کوششوں کے بارے میں بات کرتے ہوئے، جناب ٹھاکر نے کہا کہ حکومت نے اپنے کام کاج میں کارکردگی اور شفافیت پیدا کی  ہے اور لوگوں کو فائدہ پہنچایا ہے۔ آر این آئی ایپلی کیشن سسٹم کو ڈیجیٹائز کر دیا گیا ہے اور فلم سرٹیفیکیشن کو بھی آن لائن کر دیا گیا ہے۔ حکومت نے ڈیجیٹلائزیشن کو آسان بنانے کے لیے کئی اقدامات کیے ہیں۔ دنیا بھر  کی ڈیجیٹل ادائیگیوں کا چالیس فیصدآج ہندوستان میں ہوتا ہے۔ چھوٹے تاجر اور اسٹریٹ سیلرز بھی ڈیجیٹل ادائیگی کی ٹیکنالوجی کا استعمال کر رہے ہیں۔

حکومت کے فلسفہ بہبود کی وضاحت کرتے ہوئے وزیر موصوف نے کہا کہ حکومت اسکیموں کا فائدہ دیتے وقت امتیازی سلوک نہیں کرتی ہے۔ یہ ‘‘سب کا ساتھ، سب کا وکاس’’ کے منتر پر عمل پیرا ہے۔

وہاں موجود لوگوں سے ہندوستان کی ترقی کی کہانی کا حصہ بننے کی اپیل کرتے ہوئے، جناب ٹھاکر نے کہا۔ ہمیں 2047 تک ہندوستان کو ایک ترقی یافتہ ملک بنانا ہے۔ اس میں مدد کے لیے میں ہر ایک سے میرا بھارت پورٹل کے ذریعے جڑنے کی اپیل کرتا ہوں۔ آپ رضاکارانہ طور پر اس پر مختلف چیزیں سیکھ سکتے ہیں اور تجربہ کر سکتے ہیں۔ آج ڈیڑھ ماہ سے بھی کم عرصے میں ایک کروڑ سے زیادہ لوگ مائی بھارت ایپ سے جڑے ہیں اور وہ ملک کو آگے لے جانے کے لیے تیار ہیں۔ کل وزیر اعظم ناسک سے قومی یوتھ ڈے کا افتتاح کریں گے اور ان نوجوانوں کو پیغام دیں گے جو اپنی زندگی کے اگلے پچیس سال ایک ترقی یافتہ ملک کے لیے وقف کریں گے۔ وزیر اعظم مہاراشٹر میں نئے اور اہم پروجیکٹوں کا افتتاح بھی کریں گے۔ یہ بات اہم ہے کہ حکومت کی طرف سے کئے گئے تمام اچھے کاموں کو آپ جیسے باشعور شہری معاشرے کے تمام طبقات تک لے جاتے ہیں تاکہ اس کے فوائد غریبوں اور ضرورت مندوں تک پہنچ سکیں۔ یہ ایک سنگ میل ہے کہ وکست بھارت سنکلپ یاترا بارہ کروڑ سے زیادہ لوگوں تک پہنچی ہے۔ 26 جنوری تک ہم اٹھارہ کروڑ سے تجاوز کر جائیں گے۔ آزاد ہندوستان میں شاید یہ پہلی بار ہوا ہے کہ حکومت وکست بھارت کے پیغام کے ساتھ عوام کی دہلیز پر ہے۔

مہاراشٹر حکومت کے ہنرمندی، روزگار، انترپرینیورشپ اور اختراع کے وزیر جناب منگل پربھات لودھا، بائکلہ سے رکن اسمبلی  محترمہ یامینی جادھو اور ممبر قانون ساز اسمبلی جناب آشیش شیلار بھی ا س موقع  پرموجود تھے۔

The calendars, posters and pamphlets, which are distributed in #VBSY programmes, gives out information on government schemes. The calendar reflects a new, powerful India. : Union Minister for I&B & YAS, @ianuragthakur at a #VBSY IEC programme in Byculla, #Mumbai today pic.twitter.com/ZAJ3pU3ljk

— PIB in Maharashtra 🇮🇳 (@PIBMumbai) January 11, 2024

 

 

 

********

  ش ح ۔ ف ا ۔رم

U-3523  

(ریلیز آئی ڈی: 1995434) وزیٹر کاؤنٹر : 122