ای-گورننس پر دو روزہ علاقائی کانفرنس آج گوہاٹی میں کامیابی کے ساتھ اختتام پذیر ہوئی۔

حکومت آسام کے تعاون سے انتظامی اصلاحات اور عوامی شکایات کے محکمے (ڈی اے آر پی جی) کے زیر اہتمام، دو روزہ علاقائی کانفرنس نے دو دنوں کے دوران منعقد ہونے والے پانچ اجلاسوں کے دوران گہرے غور و خوض کے لیے ایک پلیٹ فارم فراہم کیا۔

کانفرنس کے دوسرے دن اختتامی سیشن میں، ڈی اے آر پی جی کے جوائنٹ سکریٹری، جناب پونیت یادو نے کہا، "اپنے آغاز کے بعد سے، نیشنل ای-گورننس سروس ڈیلیوری اسیسمنٹ (این ای ایس ڈی اے) مختلف شعبوں جیسے  مالیات، تعلیم، سماجی بہبود، ماحولیات، محنت اور روزگار میں  قابل رسائی، استعمال میں آسانی اور شہریوں کی  رازداری پر مؤثر طریقے سے کام کر رہا ہے۔

علاقائی کانفرنس کے دوسرے دن "شمال مشرق میں ای آفس" اور "ای گورننس سے نوازے گئے اقدامات 2022 - ای گورننس میں ضلعی سطح کے اقدامات" پر دو سیشن منعقد ہوئے۔

کمشنر اور سکریٹری، انتظامی اصلاحات اور تربیت، حکومت آسام، جناب شانتنو پی گوٹمرے نے شمال مشرق میں ای-آفس پر اجلاس کی صدارت کی۔ جناب گوٹمرے نے سیشن کے دوران مشن سدبھاونا کے بارے میں بات کرتے ہوئے کہا "ہم الیکٹرانک ہیومن ریسورس مینجمنٹ سسٹم (ای-ایچ آر ایم ایس) کے طریقہ کار اور بہتری کے ساتھ اگلے قدم کی طرف بڑھ رہے ہیں تاکہ آسام میں ای-دفاتر کو لاگو کرنے کے لیے تربیتی سیشن منعقد کرنے کے لیے ای-فارمز میں واحد دستخطی طریقہ کار کے لیے پروجیکٹ موڈ ہو"۔

منی پور میں ای-آفس پر بات کرتے ہوئے، جوائنٹ ڈائریکٹر، ڈائریکٹوریٹ آف آئی ٹی اینڈ کمیونیکیشن، حکومت منی پور، جناب جی رابرٹ شرما نے کہا، "منی پور کی فائلوں کی نقل و حرکت ان کی تخلیق سے خاصی زیادہ ہے، جو دفتر کے پلیٹ فارم کے موثر اور بہترین استعمال کی نشاندہی کرتی ہے۔ "

ڈپٹی سکریٹری، ڈی اے آر پی جی، جناب سنجیو سریواستو نے ای-آفس کے تجزیات پر بصیرت کا اشتراک کیا۔ انہوں نے کہا "بار بار کی تربیت نے ای-آفس سسٹم کے مؤثر نفاذ کو ادارہ جاتی اور مضبوط بنانے میں مدد کی ہے۔ ہم نے ڈی اے آر پی جی میں ڈیجیٹل دستخطوں کے طریقوں پر کارروائی کرنے اور ایک ڈیجیٹل ڈیٹا بیس بنانے پر کام کیا ہے تاکہ فائل کی نقل و حرکت کے درجہ بندی کی ترتیب پر حقیقی وقت کے میٹرکس کے ساتھ عمل کو بہتر بنایا جا سکے۔

ای گورننس سے نوازے گئے اقدامات 2022 - ای گورننس میں ضلعی سطح کے اقدامات پر سیشن کی صدارت ایڈیشنل چیف سیکرٹری، صحت اور خاندانی بہبود، جی اے ڈی، حکومت آسام، جناب اویناش جوشی نے کی۔

ڈسٹرکٹ منیجر، آئی ٹی، نوڈل آفیسر اور پی ایم ایوارڈ 2021 ایوارڈ یافتہ، کھیلو انڈیا اسکیم، بشنو پور، جناب پرشانت اوئینام نے شمال مشرقی خطے میں کھیلوں کی ترقی پر اپنے خیالات کا اشتراک  کیا۔ "ہم نے مختلف شعبوں میں کھیلوں کو فروغ دینے کی سمت کام کیا ہے تاکہ ٹیکنالوجی کی شمولیت اور کھیلو انڈیا اسکیم میں لوگوں کی دلچسپی کو بڑھایا جا سکے۔"

بھوپال اسمارٹ سٹی ڈیولپمنٹ کارپوریشن لمیٹڈ، مدھیہ پردیش کے سی ای او، جناب گورو بینال نے کہا، "مدھیہ پردیش کی حکومت واٹر ایس سی اے ڈی اے کے ذریعے ریاست میں پانی کے بہاؤ کی کارکردگی پر ٹیکنالوجی کی مدد سے کام کر رہی ہے تاکہ پہلے کے عمل میں رساو کو تلاش کرتے ہوئے پانی کے بہاؤ کو پیدا کرنے کے لیے  استعمال ہونے والی توانائی کو بچایا جا سکے۔ "

سی ای او اور کمشنر، رائے پور اسمارٹ سٹی لمیٹڈ، چھتیس گڑھ جناب مینک چترویدی نے مور رائے پور اسمارٹ ایپ کے بارے میں بات کی، جو رائے پور میں سڑک کی سرگرمیوں کی نگرانی کرنے میں مدد کرتی ہے اور شہریوں اور سرکاری افسران کے درمیان خلا کو پر کرتی ہے اور شہریوں کی رازداری کو مدنظر رکھتی ہے۔

سکریٹری، ڈی اے آر پی جی، جناب وی سری نواس نے تمام افسران، اسٹیک ہولڈرز اور شرکاء کا ان کی بصیرت انگیز پریزینٹیشن کے لیے شکریہ ادا کیا اور اس بات پر زور دیا کہ علاقائی کانفرنس ملک میں ڈیجیٹل تبدیلی کی کوششوں کو آگے بڑھانے میں باہمی تعاون کی کوششوں میں مزید تعاون کرے گی۔

آسام کے گورنر جناب گلاب چند کٹاریہ، مرکزی وزیر مملکت (آزادانہ چارج) سائنس اور ٹیکنالوجی، وزیر اعظم کے دفتر، عملہ، عوامی شکایات، پنشن، ایٹمی توانائی اور خلاء کے  وزیر مملکت  ڈاکٹر جتیندر سنگھ، چیف سکریٹری، حکومت آسام، جناب پبن کمار بورٹھاکر ، اور جناب وی سری نواس، سکریٹری، ڈی اے آر پی جی نے 9 جنوری کو افتتاحی تقریب میں شرکت کی۔

پہلے دن یونیفائیڈ سروس ڈیلیوری پورٹل، ای گورننس سے نوازے گئے اقدامات 2022 اور حکومت آسام کے بہترین طریقوں پر بات چیت ہوئی۔

علاقائی کانفرنس کا مقصد قومی اور ریاستی سطح کی پبلک ایڈمنسٹریشن تنظیموں کو ایک ہی پلیٹ فارم پر لانا ہے ،تاکہ پبلک ایڈمنسٹریشن میں اختراعات میں تجربات کا اشتراک کیا جا سکےاور زندگی، اچھی حکمرانی ، ای گورننس، ڈیجیٹل گورننس وغیرہ کے معیار کو بہتر بنانے کے لیے مستقبل کے عوامی حل کو پیدا کیا جا سکے۔

 

************

ش ح۔ ا ک ۔  ر ب

 (U: 3458)

(Release ID: 1994895)