نیشنل کول انڈیکس (این سی آئی) یعنی کوئلے سے متعلق قومی اشاریہ، قیمت کا ایک اشاریہ ہے جو تمام سیلز چینلز سے کوئلے کی قیمتوں کو یکجا کرتا ہے، جن میں مشتہر کردہ قیمتیں، نیلامی کی قیمتیں، اور درآمدی قیمتیں شامل ہیں۔ مالی سال 18-2017 کے طور پر بنیادی سال کے ساتھ  یہ اشاریہ قائم کیا گیا ہے جو  مارکیٹ کی حرکیات کے ایک قابل اعتماد اشارے کے طور پر کام کرتا ہے، جو قیمتوں کے اتار چڑھاؤ کے بارے میں قابل قدر معلومات فراہم کرتا ہے۔ نیشنل کول انڈیکس نے نومبر 2022 کے مقابلے میں جہاں یہ 188.08 پوائنٹس پر تھا، نومبر 2023 میں 155.09 پوائنٹس  کے ساتھ   17.54 فیصد کی نمایاں کمی ظاہر کی ہے۔ اس سے  بڑھتی ہوئی مانگ کو پورا کرنے کے لیے  خاطر خواہ مقدار میں  دستیابی کے ساتھ مارکیٹ میں کوئلے کی مضبوط فراہمی کی نشاندہی ہوتی  ہے۔

اسی طرح، نان کوکنگ کوئلے کے لیے این سی آئی  نومبر 2023 میں 143.52 پوائنٹس پر درج کیا گیا ہے، جو نومبر 2022 کے مقابلے میں 25.07 فیصد کی کمی کو ظاہر کرتا ہے، جبکہ کوکنگ کول نومبر 2023 میں پچھلے سال کی ا ِسی مدت کے مقابلے جو کہ 5.79 فیصد اضافے کے ساتھ188.39 پوائنٹس پر قائم  ہے۔ جون 2022 میں این سی آئی  اُس وقت  اپنی بلند ترین سطح پر پہنچ گیاہے جب اُس نے 238.83 پوائنٹس درج کیے۔ لیکن اس کے بعد کے مہینوں میں اِس میں کمی کا سامنا کرنا پڑا، جو ہندوستانی مارکیٹ میں کوئلے کی وافر مقدار کا اشارہ ہے۔

اس کے علاوہ،  کوئلے کی نیلامی پر پریمیم، صنعت کی صحیح صورتحال  کو ظاہر کرتا ہے، اور کوئلے کی نیلامی کے پریمیم میں زبردست کمی  کے سبب مارکیٹ میں کوئلے کی کافی دستیابی کی تصدیق ہوتی ہے۔ ہندوستان کی کوئلے کی صنعت، خاطر خواہ مقدار میں کوئلے کے  ذخیرے کی تصدیق کرتی ہے، کوئلہ کمپنیاں متاثر کن کوئلے کا ذخیرہ  رکھتی ہیں۔ یہ دستیابی کوئلے پر منحصر مختلف شعبوں کے لیے مستحکم سپلائی کو یقینی بناتی ہے، جو ملک کی مجموعی توانائی کی یقینی فراہمی  میں نمایاں طور پر تعاون کرتی ہے۔

این سی آئی  میں گراوٹ  کا رجحان، ایک زیادہ متوازن مارکیٹ کی نشاندہی کرتا ہے، جو مانگ اور سپلائی  کو ہم آہنگ کرتا ہے۔ کوئلے کی وافر مقدار میں دستیابی کے ساتھ، ملک  نہ صرف بڑھتی ہوئی ضروریات کو پورا کر سکتا ہے بلکہ اپنی طویل مدتی توانائی کی ضروریات کو بھی پورا کر سکتا ہے، اس طرح کوئلے کی ایک زیادہ لچکدار اور پائیدار صنعت کی تعمیر اور قوم کے لیے ایک خوشحال مستقبل کو محفوظ بنایا جاسکتا ہے۔

*****

U.No.3455

(ش ح ۔ ع م  - ر ا)