சி.ஓ.பி.26 இல் பிரதமரின் அறிவிப்பிற்கு இணங்க, புதிய மற்றும் புதுப்பிக்கத்தக்க எரிசக்தி அமைச்சகம் 2030 க்குள் 500 ஜிகாவாட் புதைபடிவமற்ற மின்சார உற்பத்தி திறனை அடைய செயல்பட்டு வருகிறது.

சுமார் 74,000 கோடி ரூபாய் முதலீட்டில் 2023 ஆம் ஆண்டில் சுமார் 13.5 ஜிகாவாட் திறன் நிறுவப்படும் என்று எதிர்பார்க்கப்படுகிறது. சர்வதேச புதுப்பிக்கத்தக்க எரிசக்தி முகமை - புதுப்பிக்கத்தக்க திறன் புள்ளிவிவரங்கள் 2023 இன் படி, புதுப்பிக்கத்தக்க எரிசக்தி நிறுவப்பட்ட திறனில் இந்தியா உலகளவில் 4 வது இடத்திலும், காற்றாலை மின் திறனில் 4 வது இடத்திலும், சூரிய சக்தி திறனில் 5 வது இடத்திலும் உள்ளது.

புதிய மற்றும் புதுப்பிக்கத்தக்க எரிசக்தி அமைச்சகம் 2023 ஜனவரி 4 ஆம் தேதி மத்திய அமைச்சரவையால் அங்கீகரிக்கப்பட்ட தேசிய பசுமை ஹைட்ரஜன் இயக்கத்தை ரூ .19,744 கோடி செலவில் செயல்படுத்தி வருகிறது. பசுமை ஹைட்ரஜன் மற்றும் அதன் மூலமான உற்பத்தி, பயன்பாடு மற்றும் ஏற்றுமதிக்கான உலகளாவிய மையமாக இந்தியாவை மாற்றுவதே இந்த இயக்கத்தின் முக்கிய நோக்கமாகும்.

பசுமை ஹைட்ரஜனுக்கான ஒழுங்குமுறைகள், குறியீடுகள் மற்றும் தரநிலைகளின் கட்டமைப்பை நிறுவுவதற்காக புதிய மற்றும் புதுப்பிக்கத்தக்க எரிசக்தி அமைச்சகத்தின் செயலாளர் தலைமையிலான ஒரு பணிக்குழு, அதன் முதல் தொகுதி பரிந்துரைகளை சாலைப் போக்குவரத்து மற்றும் நெடுஞ்சாலை அமைச்சகம், நுகர்வோர் விவகார அமைச்சகம், தொழில் மற்றும் உள்நாட்டு வர்த்தக மேம்பாட்டுத் துறை மற்றும் பெட்ரோலியம் மற்றும் இயற்கை எரிவாயு அமைச்சகம் ஆகியவற்றுடன் மே 8, 2023 அன்று பகிர்ந்து கொண்டது.

பசுமை ஹைட்ரஜன் மாற்றத்திற்கான உத்தி சார்ந்த தலையீடுகள் (எஸ்.ஐ.டி) திட்டம், இந்த இயக்கத்தின் கீழ் ஒரு முக்கிய நிதி நடவடிக்கையாகும், இது ரூ .17,490 கோடி மதிப்பீட்டில் உள்ளது.

1.5 ஜிகாவாட் வருடாந்திர எலக்ட்ரோலைசர் உற்பத்தி திறன்களை அமைப்பதற்கான எலக்ட்ரோலைசர் உற்பத்தியாளர்களை (ஈ.எம்) தேர்வு செய்வதற்கான கோரிக்கை (ஆர்.எஃப்.எஸ்) எஸ்.ஐ.டி திட்டத்தின் கீழ் (தவணை-1) வெளியிடப்பட்டுள்ளது.

புதிய மற்றும் புதுப்பிக்கத்தக்க எரிசக்தி அமைச்சகம் பெட்ரோலியம் மற்றும் இயற்கை எரிவாயு அமைச்சகம், அறிவியல் மற்றும் தொழில்துறை ஆராய்ச்சி கவுன்சில் மற்றும் முதன்மை அறிவியல் ஆலோசகர் அலுவலகம் ஆகியவற்றுடன் இணைந்து பசுமை ஹைட்ரஜன் (ஐ.சி.ஜி.எச் - 2023) குறித்த சர்வதேச மாநாட்டை 2023 ஜூலை 5 முதல் 7 வரை புதுதில்லியில் உள்ள விஞ்ஞான் பவனில் ஏற்பாடு செய்தது.  இதில் தொழில்துறை, கல்வி மற்றும் அரசு ஆகிய துறைகளைச் சேர்ந்த 10-க்கும் மேற்பட்ட நாடுகளைச் சேர்ந்த 2700-க்கும் மேற்பட்ட பிரதிநிதிகள் கலந்து கொண்டனர். ஹைட்ரஜனைப் பயன்படுத்துவதில் உள்ள கண்டுபிடிப்புகளை விளக்கும் வகையில் கண்காட்சியும் அந்த இடத்தில் ஏற்பாடு செய்யப்பட்டிருந்தது. ஐரோப்பா, ஜப்பான், சிங்கப்பூர், கொரியா ஆகிய நாடுகளுடன் வட்டமேஜை மாநாடுகள் நடத்தப்பட்டன, இதில் இந்த நாடுகளின் பிரதிநிதிகள் மற்றும் இந்திய பசுமை ஹைட்ரஜன் தொழில்துறை இடையே விவாதங்கள் நடைபெற்றன.

தேசிய பசுமை ஹைட்ரஜன் இயக்கத்திற்கான ஆராய்ச்சி மற்றும் மேம்பாட்டு செயல்திட்டம்  அக்டோபர் 7, 2023 அன்று வெளியிடப்பட்டது.

தேசிய பசுமை ஹைட்ரஜன் இயக்கத்தின் கீழ் திட்டங்கள் தொடர்பான அனைத்து ஒப்புதல்களையும் பெறுவதற்கு தொழில்துறைக்கு ஒற்றை சாளரத்தை வழங்குவதற்காக அக்டோபர் 7-ஆம் தேதி 'இந்திய அரசின் தேசிய ஒற்றை சாளர அமைப்பு என்ற பசுமை ஹைட்ரஜன் பக்கம் வெளியிடப்பட்டது.

பசுமை எரிசக்தி வழித்தடம் - லடாக்கில் 13 ஜிகாவாட்  திட்டங்களுக்கான மாநிலங்களுக்கு இடையேயான பரிமாற்ற அமைப்பு

லடாக்கில் 13,000 மெகாவாட்  புதுப்பிக்கத்தக்க எரிசக்தி மற்றும் 12000 மெகாவாட் பேட்டரி எனர்ஜி ஸ்டோரேஜ் சிஸ்டம்  அமைக்க அமைச்சகம் திட்டமிட்டுள்ளது.

18.10.2023 அன்று, பொருளாதார விவகாரங்களுக்கான அமைச்சரவைக் குழு, லடாக்கில் உள்ள 13 ஜிகாவாட் புதுப்பிக்கத்தக்க எரிசக்தி திட்டங்களின் மின் வெளியேற்றம் மற்றும்  ஒருங்கிணைப்பு மற்றும் லடாக் யூனியன் பிரதேசத்திலிருந்து நாட்டின் பிற பகுதிகளுக்கு மின்சாரத்தை அனுப்புவதற்காக மாநிலங்களுக்கு இடையேயான பரிமாற்ற அமைப்பை உருவாக்க ஒப்புதல் அளித்தது.

இந்தத் திட்டம் லடாக் பிராந்தியம் மற்றும் ஜம்மு -காஷ்மீருக்கு நம்பகமான மின்சார விநியோகத்தை உறுதி செய்யும்.

தற்போது, பவர்கிரிட்  ஃப்ரண்ட் எண்ட் இன்ஜினியரிங் டிசைன் (ஃபீட்) ஆய்வை மேற்கொண்டு வருகிறது. இந்த ஆய்வின் அறிக்கை 2024 டிசம்பருக்குள் வெளியாகும் என்று எதிர்பார்க்கப்படுகிறது. ஆய்வின் அறிக்கையின் அடிப்படையில், கட்டுமானத்திற்கான ஒப்பந்தப்புள்ளிகள் பவர்கிரிட் நிறுவனத்தால் கோரப்படும்.

உயர் செயல்திறன் கொண்ட சூரிய  சக்தி பி.வி தொகுதிகளுக்கான பி.எல்.ஐ திட்டம்

உயர் செயல்திறன் கொண்ட சூரிய பி.வி தொகுதிகளில் ஜிகாவாட்  அளவிலான உற்பத்தித் திறனை அடைவதற்காக, உயர் செயல்திறன் கொண்ட சூரிய பி.வி தொகுதிகளுக்கான தேசிய திட்டத்திற்கான உற்பத்தி இணைக்கப்பட்ட ஊக்கத்தொகை (பி.எல்.ஐ) திட்டத்தை மத்திய அரசு செயல்படுத்தி வருகிறது.

ரூ.19,500 கோடி மதிப்பீட்டில் இரண்டாம் கட்டத்தின் கீழ், 39,600 மெகாவாட் முழு / பகுதி ஒருங்கிணைந்த சூரிய சக்தி பி.வி தொகுதி உற்பத்தி அலகுகளை அமைப்பதற்கான கடிதங்கள் 2023 ஏப்ரலில் வெளியிடப்பட்டுள்ளன.

தமிழ்நாட்டின் காஞ்சிபுரம் மாவட்டம், ஸ்ரீபெரும்புதூரில் உள்ள எஃப்.எஸ் இந்தியா சோலார் வென்ச்சர்ஸ் பிரைவேட் லிமிடெட் நிறுவனத்தால் நிறுவப்பட்ட மெல்லிய பிலிம் சோலார் பிவி தொகுதி உற்பத்தி திறனில் உற்பத்தி தொடங்கப்பட்டுள்ளது.

ராஜஸ்தானின் ஜெய்ப்பூரில் உள்ள மஹிந்திரா வேர்ல்ட் சிட்டியில் உள்ள ரெநியூ ஃபோட்டோவோல்டாயிக்ஸ் பிரைவேட் லிமிடெட் நிறுவிய உற்பத்தி திறன்களில் சூரிய சக்தி பி.வி தொகுதிகளின் உற்பத்தி தொடங்கப்பட்டுள்ளது அதேபோல ராஜஸ்தான் மாநிலம் ஜெய்ப்பூரில் உள்ள துடுவில் உள்ள க்ரூவ் எனர்ஜி பிரைவேட் லிமிடெட் மற்றும் திருநெல்வேலி, கங்கைகொண்டானில் உள்ள டி.பி சோலார் லிமிடெட் நிறுவனத்திலும் உற்பத்தி தொடங்கியுள்ளது.

இந்தியா சுமார் 7600 கி.மீ (மெயின்லேண்ட்) கடற்கரையைக் கொண்டுள்ளது, இது மூன்று பக்கங்களிலும் நீரினால் சூழப்பட்டுள்ளது. கடல் காற்றாலை ஆற்றல் உற்பத்திக்கு நல்ல திறனைக் கொண்டுள்ளது. அடையாளம் காணப்பட்ட மண்டலங்களுக்குள் கடல் காற்றாலை ஆற்றல் திறனின் ஆரம்ப மதிப்பீடு குஜராத் மற்றும் தமிழ்நாட்டின் கடற்கரையில் இருந்து சுமார் 70 ஜிகாவாட் என்று மதிப்பிடப்பட்டுள்ளது.

2023 செப்டம்பரில் கடல்சார் காற்றாலை மின் திட்டங்களை உருவாக்குவதற்கான திருத்தப்பட்ட உத்தி வெளியிடப்பட்டுள்ளது, இது 37 ஜிகாவாட் திறன் கொண்ட காற்றாலை ஆற்றலை நிறுவுவதற்கான ஏலப் பாதையைக் குறிக்கிறது. மேலும், ஆரம்ப 10 ஜிகாவாட் கடல் திறன் கொண்ட (குஜராத் மற்றும் தமிழ்நாடு கடலோரங்களில் தலா 5 ஜிகாவாட்) கடல் காற்றாலை திட்டங்களுக்கு தேவையான பரிமாற்ற உள்கட்டமைப்பைத் திட்டமிடுவதை மத்திய மின் தொடரமைப்பு நிறுவனம் நிறைவு செய்துள்ளது.

மேம்பாட்டாளர்களுக்கு கடல் காற்றாலை தொகுதிகளின் ஒதுக்கீட்டை ஒழுங்குபடுத்துவதற்கான "ஆஃப்ஷோர் காற்றாலை ஆற்றல் குத்தகை விதிகள், 2023" 19.12.2023 அன்று அறிவிக்கை செய்யப்பட்டுள்ளது.

குஜராத் அரசும், தமிழ்நாட்டு அரசும் அந்தந்த கடலோர காற்றாலை மின் நிலையங்களில் இருந்து யூனிட் ஒன்றுக்கு ரூ.4.00 என்ற விலையில் மின்சாரம் வாங்க ஒப்புக் கொண்டுள்ளன.

20,000 மெகாவாட் திறன் கொண்ட "சூரிய சக்தி பூங்காக்கள் மற்றும் அல்ட்ரா மெகா சூரிய மின்சக்தி திட்டங்களை அபிவிருத்தி செய்யும் திட்டம்" டிசம்பர் 2014 இல் தொடங்கப்பட்டது. 30-11-2023 நிலவரப்படி, நாடு முழுவதும் 12 மாநிலங்களில் சுமார் 37,490 மெகாவாட் திறன் கொண்ட 50 சூரிய சக்தி பூங்காக்களுக்கு அமைச்சகம் ஒப்புதல் அளித்துள்ளது.

இந்த அங்கீகரிக்கப்பட்ட பூங்காக்களில், மொத்தம் 10,401 மெகாவாட் திறன் கொண்ட  திட்டங்கள் தொடங்கப்பட்டுள்ளன, அவற்றில் 2023  காலண்டர் ஆண்டில் 284 மெகாவாட் தொடங்கப்பட்டுள்ளது.

2023 ஜனவரி முதல் நவம்பர் வரை மின்கட்டமைப்புடன் இணைக்கப்பட்ட மேற்கூரை சூரியசக்தி திட்டத்தின் கீழ் சுமார் 741 மெகாவாட் திறன் நிறுவப்பட்டுள்ளது. இக்காலகட்டத்தில் மத்திய அரசின் நிதி உதவியுடன் அல்லது இல்லாமல் அனைத்து துறைகளிலும் கூடுதலாக சுமார் 2.77 ஜிகாவாட் திறன் நிறுவப்பட்டுள்ளது.

----

ANU/PKV/RB/DL