బయోటెక్నాలజీలో భారతదేశం ప్రపంచ అగ్రగామిగా ఎదుగుతుండగా, ఉత్తర భారతదేశంలోని మొదటి బయోటెక్ ఇండస్ట్రియల్ పార్క్ తో కథువా ఉత్తర భారతదేశ స్టార్టప్ నాడీ కేంద్రంగా ఎదుగుతోందని కేంద్ర సైన్స్ అండ్ టెక్నాలజీ శాఖ సహాయ మంత్రి (స్వతంత్ర హోదా),  పి ఎం ఒ,  పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ అండ్ స్పేస్ సహాయ మంత్రి డాక్టర్ జితేంద్ర సింగ్ అన్నారు.

కథువాలోని బయోటెక్ పార్క్ లో 'ఎమర్జింగ్ స్టార్టప్ ట్రెండ్స్ ఇన్ నార్త్ ఇండియా” అనే అంశంపై ఏర్పాటు అయిన బయోటెక్ స్టార్టప్స్ ఎక్స్ పో ప్రారంభోత్సవంలో ఆయన ప్రసంగిస్తూ, డిపార్ట్ మెంట్ ఆఫ్ బయోటెక్నాలజీ (డి బి టి) బయోటెక్నాలజీ ఇండస్ట్రీ రీసెర్చ్ అసిస్టెన్స్ కౌన్సిల్ (బీఐఆర్ ఏసీ) ఏర్పాటు చేసిన 6500 స్టార్టప్ లు, 75 బయో ఇంక్యుబేటర్లతో దేశంలో బయోటెక్ ఎకోసిస్టమ్ శరవేగంగా అభివృద్ధి చెందుతోందన్నారు.

భారతదేశ బయో ఎకానమీ 29 శాతం గణనీయమైన పెరుగుదలను చవిచూసిందని, ఇది 100 బిలియన్ డాలర్ల ముఖ్యమైన మైలురాయిని అధిగమించిందని డాక్టర్ సింగ్ తెలియజేశారు. 2022లో బయో ఎకానమీ 137.2 బిలియన్ డాలర్లకు చేరుకుంది. ప్రతి నెలా భారత బయో ఎకానమీ జాతీయ జీడీపీకి 11.4 బిలియన్ డాలర్లను సమకూరుస్తోందని జితేంద్ర సింగ్ తెలిపారు. బయోటెక్నాలజీ రంగంలో భారతదేశం సమిష్టి కృషి, పురోగతి ఈ రంగంలో ప్రపంచ ఆటగాడిగా దేశ సామర్థ్యాన్ని ప్రముఖంగా చెబుతోందని ఆయన అన్నారు.

ఇన్నోవేషన్ ఎకోసిస్టమ్ అభివృద్ధి చెందుతూనే ఉందని, భారతదేశం టాప్ ఫైవ్ గ్లోబల్ బయో మాన్యుఫ్యాక్చరింగ్ హబ్ లలో ఒకటిగా, ప్రపంచవ్యాప్తంగా టాప్ 10 బయోటెక్నాలజీ గమ్యస్థానాలలో ఒకటిగా మారాలని ఆకాంక్షిస్తోందని కేంద్ర మంత్రి అన్నారు. బయోటెక్ స్టార్టప్స్ ఎదుగుదల దేశ భవిష్యత్ ఆర్థిక వ్యవస్థకు కీలకం. 2014లో కేవలం 50గా ఉన్న ఈ స్టార్టప్ లు 2022 నాటికి 6,756కు పెరిగాయి.

భారతదేశం ముందుకు పురోగమిస్తున్న సమయంలో  మనం ఇప్పుడు ఆవిష్కర్తలు , సంస్థల సుస్థిరత ,  స్థాయిపై దృష్టి సారించడం,  జాతీయ,  అంతర్జాతీయ ప్రభావాన్ని సృష్టించగలమని నిర్ధారించడానికి అనువైన పర్యావరణ వ్యవస్థను అందించడం, కొనసాగించడం అత్యవసరమని డాక్టర్ జితేంద్ర సింగ్ అన్నారు. అంకుర సంస్థలు, కంపెనీలు సమాజ శ్రేయస్సు కోసం చేస్తున్న కృషి వల్లే ఇప్పుడు గుర్తింపు పొందుతున్నాయన్నారు. టాలెంట్ పూల్ ను పెంపొందించడంలో, స్టార్టప్ లకు సీడ్, సక్సెస్, స్కేల్ అవకాశాలను కల్పించడంలో మనం చాలా ముందుకు వచ్చాం" అని మంత్రి అన్నారు.

డాక్టర్ జితేంద్ర సింగ్ మాట్లాడుతూ, "జమ్మూలోని అభివృద్ధి చెందుతున్న బయోటెక్ ఎకోసిస్టమ్ జమ్మూ కాశ్మీర్ కేంద్రపాలిత ప్రాంతంలో ఇన్నోవేషన్ ఎకోసిస్టమ్ ను పెంపొందించడానికి మద్దతు ఇచ్చింది. కథువాలోని ఈ బయోటెక్ పార్క్ బయోటెక్ స్టార్టప్ ఎకోసిస్టమ్ ఆవిర్భావానికి నాంది పలుకుతోంది. ఇది పరిశ్రమ-విద్యా భాగస్వామ్యాలకు మంచి వేదికను సృష్టించింది” అన్నారు.

రాబోయే 25 ఏళ్లలో "అమృత్ కాల్" లక్ష్యాలను సాధించడానికి అన్ని వృత్తుల మధ్య విస్తృత సమన్వయాన్ని ఏర్పరచడానికి ఇది సరైన సమయం అని కేంద్ర మంత్రి అన్నారు. రాబోయే 25 సంవత్సరాలు దేశానికి చాలా కీలకమని, 2047 లో భారతదేశం తన 100 సంవత్సరాల స్వాతంత్ర్య వేడుకలను జరుపుకోనున్నప్పుడు, భారతదేశాన్ని 'విశ్వగురు'గా మార్చడంలో కథువా యువత గొప్ప భాగస్వాములలో ఒకరని ఆయన పేర్కొన్నారు.

ఈ ఎక్స్ పోలో 200 మందికి పైగా ప్రతినిధులు పాల్గొనగా, బయోటెక్నాలజీలోని వివిధ రంగాల్లో తమ ఆవిష్కరణలను ప్రదర్శించిన 25 బయోటెక్ స్టార్టప్ లు పాల్గొన్నాయి. పాల్గొన్న స్టార్టప్ లు ఔషధ మొక్కలు, సుగంధ , ముఖ్యమైన నూనె కలిగిన మొక్కలు వంటి స్థానిక వనరులను ఉపయోగించి స్థానిక సమస్యలను పరిష్కరించడంలో నిమగ్నమయ్యాయి.

స్టార్టప్ ఎక్స్ పోలో మహిళా పారిశ్రామికవేత్తలు తమ ఉత్పత్తులు, సాంకేతిక పరిజ్ఞానాన్ని ప్రదర్శించారు. ఈ ఎక్స్ పోలో కనీసం ఐదుగురు మహిళలు నేతృత్వంలోని స్టార్టప్ లు పాల్గొన్నాయి.

ఈ ఒకరోజు సదస్సులో పరిశ్రమలు, విద్యావేత్తలు, శాస్త్రవేత్తలు, ఔత్సాహిక పారిశ్రామికవేత్తలు, స్థానిక ప్రజాప్రతినిధులతో ముఖాముఖి కూడా నిర్వహించారు.

ఈ కార్యక్రమంలో డి బి టి, బిఐఆర్ఎసి, స్వతంత్ర ప్రతిపత్తి సంస్థల ప్రతినిధులు, శాస్త్ర రంగ ప్రతినిధులు పాల్గొన్నారు.

***

(Release ID: 1993283)