జమ్ముకశ్మీర్, హిమాచల్ ప్రదేశ్, పంజాబ్ రాష్ట్రాలతో సరిహద్దులను పంచుకునే సరిహద్దు పట్టణమైన కథువాలో 'ఎమర్జింగ్ స్టార్టప్ ట్రెండ్స్ ఇన్ నార్త్ ఇండియా' అనే థీమ్ తో నిర్వహించే మెగా స్టార్టప్ ఎక్స్ పోను కేంద్ర శాస్త్ర, సాంకేతిక శాఖ సహాయ మంత్రి (స్వతంత్ర హోదా), పి ఎం ఒ, పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ అండ్ స్పేస్ శాఖల సహాయమంత్రి, సిఎస్ఐఆర్ వైస్ ప్రెసిడెంట్ డాక్టర్ జితేంద్ర సింగ్, సమక్షంలో భారత ఉపరాష్ట్రపతి శ్రీ జగదీప్ ధన్ కర్ గురువారం ప్రారంభించనున్నారు.

ఢిల్లీలోని నేషనల్ మీడియా సెంటర్ లో ఏర్పాటు చేసిన విలేకరుల సమావేశంలో డాక్టర్ జితేంద్ర సింగ్ ఈ విషయం వెల్లడిస్తూ, ప్రధాని నరేంద్ర మోదీ నాయకత్వంలో దేశంలో స్టార్టప్ ఎకోసిస్టమ్ సుస్థిరంగా ఉండేలా ప్రభుత్వం అన్ని చర్యలు తీసుకుంటోందన్నారు.

2014లో 350కి పైగా ఉన్న స్టార్టప్ ల సంఖ్య నేడు 1.30 లక్షలకు పైగా ఉందని, యూని కార్న్ ల సంఖ్య 100కు పైగా ఉందని, స్టార్టప్ ఎకోసిస్టమ్ లో భారత్ ప్రపంచంలోనే మూడో స్థానంలో ఉందని మంత్రి తెలిపారు. సుస్థిరమైన స్టార్టప్ లను నిర్ధారించడానికి వాటాదారులందరి సమాన భాగస్వామ్యం,  ప్రారంభ పరిశ్రమ అనుసంధానం అవసరమని ఆయన అన్నారు. దేశంలో అభివృద్ధి చేస్తున్న చేస్తున్న స్టార్టప్ ఎకోసిస్టమ్ గురించి అవగాహన కల్పించడానికి మీడియా రంగం  సహకరించాలని ఆయన కోరారు.

రేపు జరగనున్న కథువా మెగా ఎక్స్ పో ఉత్తర భారతదేశంలో స్టార్టప్ లను ప్రోత్సహించడమే కాకుండా స్టార్టప్ సంస్కృతికి సంబంధించి బి టౌన్స్ ఔట్ రీచ్ ను ప్రోత్సహిస్తుందని డాక్టర్ జితేంద్రసింగ్ తెలిపారు.

చంద్రయాన్ 3, ఆదిత్య మిషన్, ఇటీవల ప్రయోగించిన ఎక్స్ పోశాట్ సహా ఇస్రో వరుస విజయాలను ప్రస్తావిస్తూ, దేశంలో ప్రతిభకు ఎప్పుడూ కొదవ లేకపోయినా, ప్రధాని మోదీ నాయకత్వంలో గత పదేళ్లలో అందుకు అనువైన వాతావరణం ఏర్పడిందన్నారు.

డిజిటలైజేషన్, మానిటరింగ్ వ్యవస్థలు విధానపరమైన జాప్యాన్ని తగ్గించాయని, స్టార్టప్ లకు అనువైన వాతావరణాన్ని సృష్టించాయని మీడియా అడిగిన ప్రశ్నలకు సమాధానంగా మంత్రి చెప్పారు. స్టార్టప్ ఎకోసిస్టమ్ ను ప్రోత్సహించడానికి ప్రభుత్వం బహుళ స్థాయిలలో పనిచేస్తోందని మంత్రి చెప్పారు. ఇలాంటి పథకాలను సద్వినియోగం చేసుకోవడం ద్వారా స్టార్టప్ లు పెద్ద ఎత్తున ఎంటర్ ప్రెన్యూర్ షిప్ గా ఎదగవచ్చని ఆయన అన్నారు.

'ఎమర్జింగ్ స్టార్టప్ ట్రెండ్ ఇన్ నార్త్ ఇండియా' అనే థీమ్ తో బయోటెక్నాలజీ ఇండస్ట్రీ రీసెర్చ్ అసిస్టెన్స్ కౌన్సిల్ (బిఐఆర్ఎసి), డి బి టి , భారత ప్రభుత్వం, సిఎస్ఐఆర్-ఇండియన్ ఇన్స్టిట్యూట్ ఆఫ్ ఇంటిగ్రేటివ్ మెడిసిన్ (సిఎస్ఐఆర్-ఐఐఐఎం), జమ్మూ సంయుక్తంగా నిర్వహిస్తున్న ఈ స్టార్టప్ ఎక్స్ పో లో ఉత్తర భారతదేశానికి చెందిన జమ్ముకశ్మీర్, హిమాచల్ ప్రదేశ్, పంజాబ్, ఢిల్లీ నుంచి తమ మొత్తం 25 స్టార్టప్ లు ఆవిష్కరణలు, ఉత్పత్తులను ప్రదర్శించనున్నారు.

వర్ధమాన ఔత్సాహిక పారిశ్రామికవేత్తలు,  అనుభవజ్ఞులైన మార్గదర్శకులకు ఒక కన్వర్జెన్స్ పాయింట్ సృష్టించడం, సృజనాత్మకత, సహకారం , వృద్ధిని ప్రోత్సహించడం అనే నిర్దిష్ట లక్ష్యంతో ఈ కార్యక్రమాన్ని నిర్వహిస్తున్నారు. ఈ కార్యక్రమం సరిహద్దులను దాటే స్ఫూర్తిని చాటడం తో పాటు, మార్పును స్వీకరించడం, పరిష్కారాలను సృష్టించడం , వాస్తవ ప్రపంచ సవాళ్లను పరిష్కరించే కొత్త అవకాశాలను సృష్టించడం,  వ్యవసాయం, పారిశ్రామిక బయోటెక్నాలజీ, మెడికల్ అండ్ డయాగ్నస్టిక్ పరికరాలు, ఫుడ్ టెక్నాలజీ, న్యూట్రాస్యూటికల్స్, అరోమా ,  స్పేస్ వంటి వివిధ రంగాలలో ఎంపిక చేసిన 25 స్టార్టప్ ల వివిధ ఆవిష్కరణలను ప్రదర్శిస్తుంది. ఈ ఎక్స్ పోలో స్టార్టప్ లు తమ ఉత్పత్తులు, ప్రోటోటైప్ లు, సేవలను ప్రదర్శిస్తాయి. హాజరైన వారికి అత్యాధునిక సాంకేతిక పరిజ్ఞానం ప్రత్యక్ష అనుభవాలను అందిస్తాయి. ఈ కార్యక్రమం తగినంత నెట్ వర్కింగ్ సమయాన్ని కూడా అందిస్తుంది, పాల్గొనేవారు సంభావ్య సహ వ్యవస్థాపకులు, పెట్టుబడిదారులు, మార్గదర్శకులు, భాగస్వాములు , పరిశ్రమ వ్యక్తులతో కనెక్ట్ కావడానికి అనుమతిస్తుంది.

స్థానిక యువతకు, కళాశాల, పాఠశాల విద్యార్థులకు, వర్ధమాన పారిశ్రామికవేత్తలు, యువ రైతులు , జమ్మూ ప్రాంతంలోని మహిళలకు ప్రభుత్వ స్టార్టప్ పథకాలు, నిధుల అవకాశాలు , యువతను బలోపేతం చేయడానికి ఉద్దేశించిన అనేక ఇతర కార్యక్రమాల గురించి తెలుసుకోవడానికి ఈ కార్యక్రమం ఎంతో విలువైనది. యువత స్టార్టప్ గా కెరీర్ ను ప్రారంభించడానికి, దేశం స్వావలంబన సాధించడానికి ఇది దోహదపడుతుంది.

ప్రారంభోత్సవం అనంతరం ఈ ప్రాంతంలోని పంచాయతీరాజ్ సంస్థల (పిఆర్ఐ) ప్రతినిధులతో సహా వ్యాపారులు, విద్యావేత్తలు, సాంకేతిక నిపుణులు, పౌర సమాజ సభ్యులతో ఉపరాష్ట్రపతి సంభాషిస్తారు. విలేకరుల సమావేశంలో డిఎస్ఐఆర్ కార్యదర్శి, సి ఎస్ఐఆర్ డి జి డాక్టర్ ఎన్ కలైసెల్వి, బయోటెక్నాలజీ విభాగం సంయుక్త కార్యదర్శి చైతన్యమూర్తి, బిఐఆర్ఎసి ఎండీ డాక్టర్ జితేంద్రకుమార్ పాల్గొన్నారు.

 

***

 

(Release ID: 1992930) Visitor Counter : 258