بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال نے نئے سال کا پہلا دن آسام کے ڈبرو گڑھ میں کمیونٹی کے بزرگوں کے ساتھ گزارا۔

  ڈبرو گڑھ میں، جناب سونووال نے ’’پرتیہ برتن‘‘ اولڈ ایج ہوم کا دورہ کیا جہاں انہوں نے وہاں کے مکینوں سے بات چیت کی اور آنے والے سال کے لیے آشیرواد لیا۔ ڈبروگڑھ کے ایم ایل اے، پرشانت پھوکن آج اپنے اولڈ ایج ہوم کے دورے کے دوران جناب سونووال کے ساتھ تھے۔

اپنے دورے کے بعد، جناب سونووال نے کہا، ’’میری زندگی میں دعاؤں، پیار اور مشوروں نے ہمیشہ میری رہنمائی کی ہے۔ ان کی صحبت کی برکات اور گرمجوشی نے مجھے ہمیشہ متاثر کیا ہے۔ ان کا آشیرواد لینے کے بعد، میں نے انہیں نئے سال کی مبارکباد دی، انہیں عزت بخشی اور ان کی صحت مند اور لمبی عمر کے لیے دعا کی۔‘‘

جناب سونووال نے بوڑھے یا بے گھر یا بے سہارا لوگوں کی مسلسل مدد کرنے کے لیے ’پرتیہ برتن‘ شیلٹر ہوم سے منسلک ہر فرد کی کوششوں کی بھی تعریف کی۔

مرکزی وزیر نے اپنے آبائی گاؤں  – ملک گاؤں کا بھی دورہ کیا اور اپنے والدین کی سمادھی پر جاکر انہیں خراج عقیدت پیش کیا۔

اس موقع پر خطاب کرتے ہوئے، جناب سونووال نے کہا، ’’اگرچہ میرے والدین جسمانی طور پر یہاں نہیں ہیں، لیکن میں نے اپنی زندگی میں ان کی مسلسل تعلیم سے پیدا ہونے والے بہترین قدری نظام، مقصد اور زندگی کے احساس کو محفوظ رکھا ہے۔ میں آج اپنے والدین سے آشیرواد لینے کے لیے ان کے سامنے جھکا کیونکہ میں قوم کی تعمیر کے لیے کام کرنے اور اپنی کمیونٹی کی ترقی اور افزودگی کے لیے مقصد کے ساتھ کام کرنے کے لیے پرعزم ہوں۔‘‘

*****

ش ح – ق ت

U: 3160

 

 

(Release ID: 1992217)