تجارت اور صنعت، امور صارفین، خوراک اور عوامی تقسیم اور ٹیکسٹائل کے مرکزی وزیر جناب پیوش گوئل نے آج نئی دہلی میں، 12 اکتوبر 2023 کو نئی دہلی کے بھارت منڈپم میں منعقدہ چنتن شیور برائے مینوفیکچرنگ کے دوران کیے گئے اہم نتائج اور سفارشات کی رونمائی کرنے کے لیے بلائی گئی میٹنگ کی صدارت کی۔ اس میٹنگ میں مرکزی وزیر صحت اور خاندانی بہبود اور کیمیکل اور کھاد، جناب منسکھ مانڈویا اور بھاری صنعتوں کے مرکزی وزیر ڈاکٹر مہندر ناتھ پانڈے نے شرکت کی۔

جناب گوئل نے اس بات پر زور دیا کہ صنعت کے لیے یہ ضروری ہے کہ وہ حکومت کی جانب سے جامع سہولت فراہم کرنے کے عزم کے ساتھ قومی مینوفیکچرنگ میں قائدانہ کردار ادا کرے۔ جناب مانڈویا نے کیمیکلز، میڈیکل ڈیوائسز اور صحت کے شعبوں میں مواقع کا جائزہ لیا، جب کہ ڈاکٹر پانڈے نے آٹوموٹیو اور کیپٹل گڈس کے شعبوں میں حاصل ہونے والی پیش رفت پر روشنی ڈالی۔ ایس سی اے ایل ای کمیٹی کے چیئرمین ڈاکٹر پون گوینکا نے توجہ مرکوز کرنے والے شعبوں سے متعلق نتائج پیش کیے، جس میں لائن وزارتوں/محکموں سے فیڈبیک اور آگے بڑھنے کا راستہ بتایا گیا۔

اس میٹنگ کا اہتمام صنعت اور اندرونی تجارت کے فروغ کے محکمے (ڈی پی آئی آئی ٹی) نے انوسٹ انڈیا اور اسٹیئرنگ کمیٹی آن ایڈوانسنگ لوکل ویلیو ایڈ اینڈ ایکسپورٹ (ایس سی اے ایل ای کمیٹی) کے اشتراک سے کیا تھا۔  فوکس سیکٹرز میں11 شعبے  شامل ہیں: (i) آٹو کمپوننٹس، (ii) آٹوموبائل (بشمول ای وی)، (iii) کیپٹل گڈز، (iv) کیمیکل، (v) ڈرونز، (vi) ای ایس ڈی ایم، (vii) طبی آلات، (viii) ) ایرو اسپیس اور دفاع، (ix) لیدر اور جوتے، (x) ٹیکسٹائل اور (xi) خلاء۔

چنتن شیور نے صنعت کے رہنماؤں، نالج پارٹنرز، اور فوکس سیکٹر سے تعلق رکھنے والے حکومتی اہلکاروں کی ایک فعال شرکت کا مشاہدہ کیا۔ بات چیت کا مرکز موجودہ منظر نامے، چیلنجز اور ملک کے مینوفیکچرنگ لینڈ اسکیپ کو متحرک کرنے کے لیے تیار کردہ سفارشات پر تھا۔ یہ وژن صنعت کے رہنماؤں کے ساتھ اپنے متعلقہ شعبوں سے متعلق چیلنجوں کو واضح کرنے کے ساتھ وسیع بات چیت سے نکلا ہے۔

******

ش ح۔ش ت ۔ م ر

U-NO.3070

(ریلیز آئی ڈی: 1991415) وزیٹر کاؤنٹر : 94