భారత ప్రభుత్వ అత్యున్నత స్థాయి స్వయంప్రతిపత్తి సంస్థ అయిన నేషనల్ సెంటర్ ఫర్ గుడ్ గవర్నెన్స్ (ఎన్ సి జి జి ) కంబోడియాలోని 39 మంది సివిల్ సర్వెంట్లకు పబ్లిక్ పాలసీ అండ్ గవర్నెన్స్ పై రెండవ శిక్షణ కార్యక్రమాన్ని ప్రారంభించింది. 2023 డిసెంబర్ 27 నుంచి 2024 జనవరి 6 వరకు రెండు వారాల పాటు ఈ కార్యక్రమం జరగనుంది.

ద్వైపాక్షిక సంబంధాల బలోపేతానికి, పొరుగు దేశాలతో ప్రాంతీయ సహకారాన్ని పెంపొందించడానికి ప్రాధాన్యమిస్తున్న ప్రధాని నరేంద్ర మోదీ 'పొరుగుదేశాలకు మొదటి ప్రాధాన్యం‘ విధానానికి   అనుగుణంగా ఎన్ సి జి జి  ప్రయత్నాలు సాగుతున్నాయి. నేషనల్ సెంటర్ ఫర్ గుడ్ గవర్నెన్స్ (ఎన్ సి జి జి ) డైరెక్టర్ జనరల్(డిజి), భారత ప్రభుత్వ పరిపాలనా సంస్కరణలు, ప్రజా ఫిర్యాదుల విభాగం (డి ఎ ఆర్ పి జి) కార్యదర్శి శ్రీ వి.శ్రీనివాస్ అధ్యక్షతన జరిగిన ప్రారంభ  సమావేశంలో సమర్థవంతమైన పాలనలో సాంకేతిక పరిజ్ఞానం పాత్రను వివరించారు. గౌరవ ప్రధాన మంత్రి శ్రీ నరేంద్ర మోదీ ప్రతిపాదించిన  "కనీస ప్రభుత్వం -  గరిష్ట పాలన" మంత్రాన్ని ఉటంకిస్తూ, దానిని సాధించడానికి దేశం  ఏవిధంగా కృషి చేస్తోందో చెప్పారు. అనంతరం ప్రభుత్వోద్యోగులను ఉద్దేశించి మాట్లాడుతూ, "ఈ కార్యక్రమాల ద్వారా, మన దేశాల మధ్య బలమైన సంబంధాలను పెంపొందించడమే  లక్ష్యంగా పెట్టుకున్నాము. దాదాపు 40 మంది అధికారులకు ఆతిథ్యమిచ్చే కంబోడియా కోసం మేము ఇటీవల మొదటి శిక్షణా కార్యక్రమాన్ని పూర్తి చేశాము, మార్చి చివరి నాటికి కంబోడియా నుండి మరింత మంది అధికారులను నియమించుకోవాలని మేము ఆశిస్తున్నాము, తద్వారా రెండు దేశాల మధ్య బలమైన బంధం ఏర్పడుతుంది‘‘ అన్నారు.

ఇండియన్ అడ్మినిస్ట్రేటివ్ సర్వీస్ సామర్థ్యాన్ని పెంపొందించే శిక్షణా కార్యక్రమాల తరహాలో రెండు వారాల శిక్షణ కార్యక్రమాన్ని రూపొందించామని, పౌరులకు సాధికారత కల్పించే, జవాబుదారీతనాన్ని నిర్ధారించే, రోజువారీ కార్యకలాపాలకు పారదర్శకతను తీసుకువచ్చే సాంకేతిక పురోగతిపై దృష్టి సారించి, అభివృద్ధి చెందుతున్న పాలనా పరిస్థితులకు అనుగుణంగా శిక్షణ కార్యక్రమాన్ని రూపొందించినట్లు తెలిపారు. పెన్షనర్ల సాధికారత, ఇ-ఆఫీస్ దత్తత ద్వారా క్రమబద్ధీకరించిన బ్యూరోక్రాటిక్ ప్రక్రియలు, ప్రభుత్వం-పౌరుల పరస్పర చర్యలను బలోపేతం చేసే ప్రయత్నాలతో సహా వివిధ రంగాల డిజిటల్ మార్పు ప్రయాణం కలిగి ఉంటుంది. ప్రపంచ డిజిటల్ పరివర్తన కోసం భాగస్వామ్య నిబద్ధతను నొక్కిచెప్పే జి 20  సమయంలో ప్రపంచవ్యాప్తంగా భారతదేశ ప్రయత్నాలు కూడా గుర్తించబడ్డాయని ఆయన అన్నారు.

2047 లో భారతదేశం గురించి ఆయన దార్శనికతను పంచుకున్నారు, సుపరిపాలన పద్ధతుల ప్రాముఖ్యతను నొక్కిచెప్పారు.   ప్రధానమంత్రి అవార్డులు, జాతీయ పౌర సేవక దినోత్సవం ,  సుపరిపాలన వారోత్సవాలు వంటి అవగాహన కార్యక్రమాలు ఉత్సవాలు గా మారాయి. సుపరిపాలనలో నిరంతర మెరుగుదలలకు అచంచలమైన నిబద్ధతను ఆయన వివరించారు.  భారతదేశంలో అమలు చేసిన విజయవంతమైన పాలనా నమూనాలను అధ్యయనం చేయాలని, వారి స్థానిక అవసరాలు , ఆవశ్యకతలను బట్టి వాటిని ప్రతిబింబించడానికి ప్రయత్నించాలని ఆయన అధికారులను కోరారు.

ఈ సందర్భంగా డిప్యూటీ డైరెక్టర్ జనరల్ శ్రీ చెంగ్ వన్నారిత్ మాట్లాడుతూ,  కంబోడియన్ సివిల్ సర్వీస్ అధికారులకు ఇటువంటి శిక్షణా కార్యక్రమాన్ని నిర్వహించిన శ్రీ వి.శ్రీనివాస్, ఎన్.సి.జి.జి బృందానికి కృతజ్ఞతలు తెలిపారు. ఇలాంటి అనుభవం దేశ ప్రజలకు మెరుగైన సేవలు అందించడానికి, అంతిమంగా సుపరిపాలనను సాధించడానికి దోహదపడుతుందని ఆయన అభిప్రాయపడ్డారు.

అసోసియేట్ ప్రొఫెసర్, ప్రోగ్రామ్ కోఆర్డినేటర్ డాక్టర్ బి ఎస్ బిష్త్ అధికారులకు కోర్సు గురించి క్లుప్తంగా వివరించారు.

ఈ కోర్సులో ఛేంజింగ్ పారాడిగ్మ్ ఆఫ్ గవర్నెన్స్, పబ్లిక్ పాలసీ అండ్ ఇంప్లిమెంటేషన్, ఎథిక్స్ ఇన్ అడ్మినిస్ట్రేషన్, డిజాస్టర్ మేనేజ్మెంట్, డిజిటల్ గవర్నెన్స్ లో టెక్నాలజీని ఉపయోగించడం,  పాస్ పోర్ట్ సేవ , మడాడ్ కేస్ స్టడీస్, హెల్త్ సెక్టార్ లో పనితీరు ఆప్టిమైజేషన్, స్మార్ట్ , సుస్థిర నగరాలు, లీడర్ షిప్ అండ్ కమ్యూనికేషన్, ఇ-గవర్నెన్స్ డిజిటల్ ఇండియా, జెండర్ అండ్ డెవలప్ మెంట్, జిఈఎమ్: ప్రభుత్వ సేకరణలో పారదర్శకత తీసుకురావడం, పరిపాలనలకు భావోద్వేగ ఇంటెలిజెన్స్ తో పాటు బుద్ధ ఆలయ సందర్శనతో పాటు స్మార్ట్ సిటీ ప్రాజెక్ట్ , ఇన్ఫర్మేషన్ టెక్నాలజీ డెవలప్ మెంట్ ఏజెన్సీ (ఐటిడిఎ) డెహ్రాడూన్ సందర్శనల ప్రణాళిక వంటివి ఉన్నాయి. ఘజియాబాద్ జిల్లా సందర్శన, ఎయిమ్స్, ఇందిరా పర్యావరన్ భవన్, ప్రధాన మంత్రి సంగ్రహాలయ న్యూఢిల్లీ సందర్శన, తాజ్ మహల్ సందర్శన తదితర పర్యటనలు కూడా కోర్సులో భాగంగా ఉన్నాయి.

2014లో ఏర్పాటైన నేషనల్ సెంటర్ ఫర్ గుడ్ గవర్నెన్స్ లో భారత్ తోపాటు ఇతర దేశాలకు చెందిన సివిల్ సర్వెంట్లకు శిక్షణ ఇవ్వాల్సి ఉంటుంది. బంగ్లాదేశ్, కెన్యా, టాంజానియా, ట్యునీషియా, గాంబియా, మాల్దీవులు, శ్రీలంక, ఆఫ్ఘనిస్థాన్, లావోస్, వియత్నాం, భూటాన్, మయన్మార్ సహా వివిధ దేశాలకు చెందిన అధికారులకు ఈ కేంద్రం విజయవంతంగా శిక్షణ ఇచ్చింది.

పబ్లిక్ పాలసీ అండ్ గవర్నెన్స్ పై రెండవ ట్రైనింగ్ ప్రోగ్రామ్ మొత్తం పర్యవేక్షణ , సమన్వయాన్ని కంబోడియా కోర్సు కోఆర్డినేటర్ డాక్టర్ బి.ఎస్.బిష్త్, కో-కోర్స్ కోఆర్డినేటర్ డాక్టర్ సంజీవ్ శర్మ, కో-కోర్స్ కోఆర్డినేటర్ శ్రీ బ్రిజేష్ బిష్త్ ఎన్ సిజిజి  కెపాసిటీ బిల్డింగ్ టీమ్ నిర్వహిస్తారు.

***