مرکز کے  زیر انتظام علاقے جموں و کشمیر کے لیفٹیننٹ گورنر جناب منوج سنہا اور سماجی انصاف اور تفویض اختیارات کے مرکزی وزیر ڈاکٹر وریندر کمار 28 دسمبر 2023 کو صبح 10.30 بجے  مرکز کے زیراتنظام علاقے جموں وکشمیر کے سامبا ضلع کی وجے پور تحصیل کے گاؤں چک جوالا سنگھ میں کمپوزٹ ریجنل سینٹر(سی آرسی) جموں کا سنگ بنیاد رکھیں گے۔

سی آر سی – جموں ایک نئی عمارت میں ہوگا، جس کی تعمیر این بی بی سی کے ذریعے کی جائے گی۔یہ ایک کثیر منزلہ عمارت ہوگی، جس میں معذور افرادکے لیے پریشانیوں اور دشواریوں سے پاک ماحول فراہم کرایا جائے گا۔مرکز کے زیرانتظام علاقے جموں وکشمیر کے ایمس-جموں کے نزدیک سامبا میں 38کنال 18مرلے کے اراضی کے وسیع کیمپس میں عمارت تعمیر کی جائے گی۔تعمیر کی تخمینہ لاگت 29 کروڑروپے ہے جس کے لیے این بی سی سی کے ساتھ ایک مفاہمت نامے پردستخط کیے گئے ہیں۔این بی سی سی اس کام کوایک سال کی مدت میں مکمل کرے گی۔سنگ بنیاد رکھے جانے کی تقریب کے بعد دوپہر12.15 بجے، ممتاز معززین 11A/D،گاندھی نگر، جموں میں سی آرسی- جموں کے عارضی کیمپس کا افتتاح کریں گے۔

یہ سی آر سی- جموں معذور افراد کے لیے بااختیار بنانے، شمولیت اور ترقی کے روشن مینار کے طور پر کھڑا ہوگا۔بازآباد کاری کے شعبے کے لیے انسانی وسائل کافروغ کرنے کے علاوہ ، یہ معذور افراد کے لیے ہنر مندی  کے فروغ کی تربیت بھی فراہم کرائے گا، جس سے وہ ہمارے معاشرے کے لیے فائدہ مند ثابت ہوں اور  انھیں آگے بڑھنے اور کوئی حیثیت حاصل کرنے کا موقع ملے ۔ اس کے علاوہ، سی آر سی-جموں معذور افراد کے مختلف زمروں کے لیے بازآباد کاری کی خدمات بھی فراہم کرائے گا جس سے وہ معاشرے میں آزادانہ زندگی گزارنے کے قابل ہوسکیں گے۔

سماجی انصاف اور تفویض اختیارات کی وزارت کے معذور افراد کو بااختیار بنانے کے محکمے کے تحت کام کرنے والے پنڈت دین دیال اپادھیائے نیشنل انسٹی ٹیوٹ فار پرسنز ود فزیکل ڈس ایبلٹیز(پی ڈی یو این آئی پی پی ڈی)، نئی دہلی، کے پاس سی آرسی جموں کا انتظامی کنٹرول ہوگا۔

*****

ش ح ۔ ا گ ۔ج ا

U. No.3005

(Release ID: 1990698) Visitor Counter : 85