সাহিত্য একাদেমীনা লোন 24দা মসিগী চহিগী সাহিত্য একাদেমী এৱার্দশিং লাউথোকখ্রে। শৈরেংগী লাইরিক 9, উপন্যাস 6, অতেনবা ৱারীশিং 5, ৱারেং 3 অমসুং লিতরেরী স্তদী 1না 2023গী সাহিত্য একাদেমী এৱার্দশিং লৌখ্রে।

এৱার্দশিং অসি ভারতকী লোন 24দা শক্নাইরবা জুরী মেম্বরশিংনা রিকমেন্দ তৌখি অমদি সাহিত্য একাদেমীগী প্রসিদেন্ত শ্রী মাধব কৌশিককী চিয়রমেনশিপ মখাদা 2023গী দিসেম্বর 20দা ফমখিবা সাহিত্য একাদেমীগী একজিক্যুতিব বোর্দনা এপ্রুব তৌখি।

এৱার্দ ফংলবশিংগী কেতেগোরী কেতেগোরীগী ওইবা লিস্ত মখাদা লৈরে:

লাইরিকশিং অসি পান্দম অসিগীদমক লেপথোক্লবা থৌওংগী মতুং ইন্না মরী লৈনবা লোনশিংদা মেম্বর অহুমগী জুরী অমনা লানখৎলকপা রিকমেন্দেসনশিংগী বেসিসতা খনগৎখিবনি। থৌওংগী মতুং ইন্না, একজিক্যুতিব বোর্দনা জুরী মেম্বরশিংনা য়েৎনবা লৈতনা খনগৎপগী মতুং ইন্না নত্রগা ভোত মশিং য়াম্না ফংবগী মতুং ইন্না এৱার্দশিং লাউথোকখি। এৱর্দকী চহিদগী চপ চাবা চহি মঙাগী মমাংগী মনুংদা অহানবা ওইনা পব্লিশ তৌখিবা লাইরিকশিংগা এৱার্দ অসি মরী লৈনৈ (মদুদি 2017কী জনুৱারী 1 অমসুং 2021গী দিসেম্বর 31গী মরক্তা)।

কমানী ওদিতোরিয়ম, কোপর্নিকস মার্গ, নই দিল্লী-110 001 দা 2024গী মার্চ 12দা পাংথোক্কদবা এৱার্দ লান্থোকপগী থৌরমদা এৱার্দ ফংলবশিংবু অহকপা কোপ্পর-প্লেক অমা, সাল অমা অমসুং লুপা 1,00,000/-গী শেনফম য়াওবা কাস্কেৎ অমগী মওংদা এৱার্দ লান্থোক্কনি।

এৱার্দ ফংলবশিংগী লিস্ত এনেক্সচর ‘A’ দা পীরি অমসুং জুরী মেম্বরশিংগী এনেক্সচর ‘B’

*******