دیہی ترقی کی مرکزی  وزارت  ( ایم او آر ڈی )  نے  اپنی کوششوں کی جانب ریلائنس ریٹیل کے جیو مارٹ کے ساتھ ایک مفاہمت نامے پر دستخط کیے ہیں تاکہ دین دیال انتیودیا یوجنا-قومی دیہی روزی روٹی مشن  ( ڈی اے وائی )  کے سیلف ہیلپ گروپس ( ایس ایچ جیز )  کی مصنوعات کی رسائی کو بڑھانے میں مدد  کی جا سکے ، جس سے دیہی ایس ایچ جی دست کاروں کو بااختیار بنایا جا سکے۔

 اس موقع پر  اظہارِ خیال کرتے ہوئے دیہی ترقی کی وزارت  میں دیہی روزی روٹی کے ایڈیشنل سکریٹری جناب چرنجیت سنگھ نے کہا کہ یہ تعاون ایس ایچ جیز  کو  جیو مارٹ  پر ای کامرس فولڈ میں فروخت کنندگان کے طور پر  شاملک کرنے کے قابل بنائے گا اور اس اقدام سے ایم او آر ڈی کی فراہمی کو مزید فروغ ملے گا۔ سارس  کا  کلکشن مجموعہ ایک بڑے صارفین کے لیے دستیاب ہوگا۔ اس اتحاد کے ساتھ، ایس ایچ جیز  اپنی مارکیٹ اور مرئیت کو وسیع کریں گے اور پورے بھارت میں  جیو مارٹ  کے صارفین کو اپنی تیار کردہ مصنوعات پیش کریں گے۔ ایم او آر ڈی  اور جیو مارٹ  کے درمیان شراکت داری کے حصے کے طور پر، ایک بار  شامل ہونے کے بعد، ڈی اے وائی – این آر ایل ایم  سے وابستہ تمام ایس ایچ جی  فروخت کنندگان اپنے کاروبار کو آن لائن بڑھانے کے لیے فوائد اور رہنمائی حاصل کر سکیں گے۔

جناب سنگھ نے مزید کہا کہ  ڈی اے وائی – این آر ایل ایم  اور  جیو مارٹ  کے درمیان یہ شراکت داری  ایس ایچ جی دیدیز  کی آمدنی میں اضافہ کے لیے وزارت کی کوششوں میں اضافہ کرے گی۔ یہ مشن پائیدار بنیادوں پر ایس ایچ جیز  کی آمدنی بڑھانے کے لیے کام کر رہا ہے اور اس  اقدام  سے ، اس کے لیے ہماری پہل قدمیوں میں اضافہ  ہو گا۔

شراکت داروں کی تکمیل کرتے ہوئے، دیہی ترقی کی وزارت کی جوائنٹ سکریٹری محترمہ سواتی شرما نے کہا کہ وزارت  ایس ایچ جیز  کی روزی روٹی کے مواقع میں اضافے میں مدد کے لیے پرعزم ہے اور  جیو مارٹ کے ساتھ شراکت  ، اس سمت میں مدد کرے گی۔

دیہی ترقی کی وزارت  میں دیہی ذریعہ معاش کے ڈائریکٹر جناب راگھویندر پرتاپ سنگھ نے مفاہمت نامے کے کلیدی مقاصد کا ایک جائزہ پیش کیا اور کہا کہ  ایس ایچ جیز  کی طاقت کو آج  پوری قوم تسلیم کرتی ہے اور اس طرح کی شراکت داری سارس جیسے مختلف مارکیٹنگ پہل کو مزید مضبوط کرے گی۔

ایسوسی ایشن کے بارے میں تبصرہ کرتے ہوئے، ریلائنس ریٹیل لمیٹیڈ کے صدر اور پبلک پالیسی اینڈ ریگولیٹری کے چیف، ڈاکٹر روی پرکاش گاندھی نے کہا کہ مستقبل میں ایسی بہت سی مزید کارآمد ایسوسی ایشنوں کے لیے  ایم او آر ڈی  کے ساتھ  ، شراکت داری ہمارا پہلا قدم ہے۔ ہم حکومت کی  ’ میک ان انڈیا ‘ پہل پر پختہ یقین رکھتے ہیں اور اس کو قبول کرتے ہیں اور یہ شراکت داری ہماری وابستگی کو ہم آہنگ کرنے اور مزید مستحکم کرنے میں مدد کرتی ہے۔ ہمارا مقصد ملک میں ڈیجیٹل ریٹیل ایکو سسٹم کو تبدیل کرنا ہے اور اس تعاون کے ذریعے  ، ہم ترقی کو بااختیار بنانا چاہتے ہیں اور لاکھوں  ایس ایچ جیز  کے ڈجیٹلائزیشن کو بھی آسان بنانا چاہتے ہیں۔ مجھے یقین ہے کہ یہ پہل زندگیوں کو بدلنے اور بھارت میں مقامی کاریگروں اور چھوٹے کاروباروں کی روزی روٹی کو  مستحکم کرنے میں اہم کردار ادا کرے گی۔

جیو مارٹ  مارکیٹ پلیس پر اپنے اکاؤنٹ کو نیویگیٹ کرنے اور چلانے کے لیے سیٹ اپ اور ان کی مدد بھی کرے گا۔   مزید برآں،  جیو مارٹ مشترکہ طور پر  ایم او آر ڈی  کی طرف سے فراہم کردہ تربیت اور ورک شاپس میں شرکت کرے گا تاکہ فروخت کنندگان کو پورٹل پر فروخت کے تجربے سے واقف کرایا جا سکے۔ مزید برآں  ، پائیدار ترقی اور کاروباری استحکام کو یقینی بنانے کے لیے، جیو مارٹ لانچ کے بعد کی تربیت اور مدد فراہم کرے گا تاکہ فروخت کنندگان کو بازار میں اپنے کاروبار کو بڑھانے میں مدد ملے اور پلیٹ فارم پر مختلف مارکیٹنگ پروموشنز میں حصہ لینے کی پیشکش بھی کی جائے گی۔

یہ اتحاد  ایس ایچ جیز  کو ایم او آر ڈی  کے سارس  کلیکشن برانڈ کے تحت جیو مارٹ  پر لائے گا  ، جو روایتی ٹیکسٹائل سے لے کر پینٹری، گھر کی سجاوٹ اور خوبصورتی کی مصنوعات تک ہینڈ لومز اور دستکاری کی مصنوعات کی ایک رینج پیش کرے گا۔

پس منظر:

دین دیال انتودیا یوجنا کے بارے میں - قومی دیہی روزی روٹی مشن  ( ڈی اے وائی – این آر ایل ایم )

ڈی اے وائی – این آر ایل ایم  حکومت ہند کا غربت کے خاتمے کا ایک اہم پروگرام ہے اور یہ دیہی غریبوں کی معاش کو بہتر بنانے کے لیے دنیا کا سب سے بڑا اقدام ہے۔ مشن چار بنیادی اجزاء میں سرمایہ کاری کے ذریعے اپنے مقصد کو حاصل کرنے کی کوشش کرتا ہے، ( اے ) سماجی طور پر بروئے کار لانا اور دیہی غریبوں کے خود منظم اور مالی طور پر پائیدار کمیونٹی اداروں کو فروغ دینا اور مضبوط کرنا؛ ( بی ) دیہی غریبوں کی مالی شمولیت؛ ( سی ) پائیدار معاش؛ اور ( ڈی ) سماجی شمولیت، سماجی ترقی اور ہم آہنگی۔

ریلائنس رٹیل وینچر لمیٹیڈ ( آر آر وی ایل ) کے بارے میں:

آر آر وی ایل ، اپنے ذیلی اداروں اور ملحقہ اداروں کے ذریعے، گروسری، کنزیومر الیکٹرانکس، فیشن اور لائف اسٹائل اور فارما کی کھپت میں 18040 اسٹورز اور ڈیجیٹل کامرس پلیٹ فارمز کا ایک مربوط اومنی چینل نیٹ ورک چلاتا ہے اور اس نے اپنے نئے  تجارتی اقدام کے ذریعے 30 لاکھ سے زیادہ تاجروں کے ساتھ شراکت داری کی ہے۔ اس کی  ایف ایم سی جی  ذیلی کمپنی،  ریلائنس کنزیومر پروڈکٹس لمیٹیڈ  کا مقصد ایک ورسٹائل برانڈ پورٹ فولیو کے تحت مصنوعات کی وسیع رینج فراہم کرنا ہے  ، جو لاکھوں بھارتیوں کی روز مرہ کی ضروریات کو پورا کرتے ہیں۔ آر آر وی ایل  نے 31 مارچ  ، 2023 ء کو ختم ہونے والے سال کے لیے   260364 کروڑ روپے  (31.7 ارب امریکی ڈالر ) کا مجموعی کاروبار اور 9181 کروڑ روپے  ( 1.1 ارب امریکی ڈالر ) کا خالص منافع  درج  کیا۔

جیو مارٹ  کے بارے میں

جیو مارٹ  ریلائنس ریٹیل کا ای-ٹیل بازو ہے  ، جس کا آغاز  2020  ء میں ہوا تھا۔ جیو مارٹ  صنعت کاروں کو بااختیار بنانے اور بھارت میں ایس ایم بی کمیونٹی کو بھارت کے سب سے بڑے گھریلو ای-مارکیٹ پلیس کے مقامات فراہم کرکے  ، انہیں مضبوط بنانے کی کوشش کرتا ہے۔ یہ فروخت کنندگان اور خریداروں کے درمیان اپنی آسان خدمات، مصنوعات کے متنوع انتخاب، استعمال میں آسان انٹرفیس، فوری ترسیل اور بے مثال سودوں کے ساتھ ایک بہترین تجربہ پیدا کرنے کی کوشش کرتا ہے۔ دیسی ای-مارکیٹ پلیس  ، جس میں  20 سے زیادہ  زمروں میں 20 لاکھ سے زیادہ  پروڈکٹس ہیں اور ایک مضبوط سپلائر بیس، بھارت میں ڈیجیٹل کامرس سیگمنٹ کو تبدیل کرنے کے لیے تیار ہے۔

-----------------------

(ش ح۔  ح ا      ۔ ع ا)

U NO: 2867