হ্যুমেন রিসোর্স চাউখৎ-থৌরাংগী মন্ত্রালয়
পি.এম.না স্মার্ত ইন্দিয়া হেকাথোন 2023গী গ্রান্দ ফিনালেদা শরুক য়ারিবশিংদা ৱা ঙাংখ্রে
“হেকাথোন অসি ঐহাক্কীদমক্তা তমশিন্নবা খুদোংচাবা অমনি অমসুং ঐহাক্না মসিবু খৌরাংনা ঙাইরি”
“21শুবা চহিচাগী ভারতনা ‘জয় জৱান, জয় কিসান, জয় বিজ্ঞান অমসুং জয় অনুসন্ধন’গী মন্ত্রগা লোয়ননা মাংদা চংশিল্লি”
“ঙসি ঐখোয়না মীপুম খুদিংমক্কী খোঙথাং খুদিংমক্না মথংগী চহি লিশিং কয়াগীদমক ভারতকী য়ুম্ফম চেৎশিনহল্লিবা তানফম অমদা লৈরি”
“মালেম্না থাজৈ মদুদি ভারতনা মালেমগী শীংনবশিংগীদমক শেল-চংদবা, ক্বালিতী লৈবা, তুং কোইগদবা অমসুং চাউথোকপা য়াবা সোল্যুসনশিং পুথোরক্কনি”
“তানফম অসিগী তোপ-তোপ্পা অদু খংজিল্লু মরমদি ফেক্তর কয়ানা অমত্তা ওইনা পুনশিল্লি”
“ঐখোয়গী চন্দ্রয়ান মিসন অসিনা মালেমগী থাজবা শরুক কয়া হেনগৎহনখি”
“স্মার্ত ইন্দিয়া হেকাথোনগী খুত্থাংদা লৈবাক্কী য়ুবা শক্তিনা চাউখৎপা ভারতকীদমক সোল্যুসনশিংগী অমৃত পুথোক্লি”
Posted On:
20 DEC 2023 8:30AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা স্মার্ত ইন্দিয়া হেকাথোন 2023গী গ্রান্দ ফিনালেদা শরুক য়ারিবশিংগা ৱারী শাখ্রে অমসুং মখোয়দা ৱা ঙাংখ্রে।
প্রধান মন্ত্রীনা কোল মন্ত্রালয়গী ত্রান্সপোর্তেসন এন্দ লোজিস্তিক্স হায়বা থিমদা থবক তৌরিবা কর্নাতকাগী মৈশুরুদা লৈবা নেস্নেল ইন্সতিত্যুত ওফ ইঞ্জিনীয়রিংদগী শ্রী সোইকত দাস অমসুং শ্রী প্রোতিক সাহাগা ৱারী শাখি। মখোয়না রেলৱে কার্গোগীদমক IoT-বেজ সিস্তেম অমা শারি। প্রধান মন্ত্রীনা মখোয়দা হায়খি মদুদি হেকাথোন অসি মহাক্কী ওইনসু তমশিন্নবা খুদোংচাবা অমনি অমসুং মহাক্না মতম চুপ্পদা শরুক য়ারিবশিংগা লোয়ননা ৱারী শানবা খৌরাংনা ঙাইরি। শরুক য়ারিবশিংগী মঙালনা থল্লবা শক্তমশিংদা য়েংলদুনা প্রধান মন্ত্রীনা হায়খি মদুদি মখোয়গী থৱায় য়াওবা, ৱিলপাৱর অমসুং লৈবাক শেমগৎপগী অপাম্বা অসিনা ভারতকী য়ুবা শক্তিগী মশক তাক্লি। বাংলাদেশতগী মহৈরোয়শিং য়াওরিবা তীমশিংনা প্রধান মন্ত্রীদা মখোয়না অমাংবশিং থোকহল্লিবা নত্ত্রগা ফাইনশিং থীহল্লিবা রেলৱে কোল ৱেগোনশিংগী অন্দর অমসুং ওভরলোদিংগী সমস্যা কোকহন্নবা হোৎনরি হায়না পাউদমখি। মখোয়না মসিগীদমক IoT অমসুং AI-তেক্নোলোজীশিং শীজিন্নরি। তীম অসি বাংলাদেশ অমসুং ভারত্তগী 3-3 য়াওনা মীওই 6না শারি। প্রধান মন্ত্রীনা মখোয়গী খোঙথাংনা হৌজিক অওনবা তাঙ্কক অমদা লৈরিবা ইন্দিয়ন রেলৱেজতা কান্নবা পীরগনি হায়না থাজবা ফোঙদোকখি। মহাক্না হায়খি লোজিস্তিক্স অসিনা ফোকস এরিয়া ওইরি অমসুং বাংলাদেশতগী মহৈরোয় কয়ানা তুংদা ভারত্তা লাক্নবা আশা ফোঙদোকখি অমসুং ‘স্তদী ইন ইন্দিয়া’ প্রোগ্রামনা মহৈরোয়শিংদা মতেং পাংলগনি হায়খি।
অহমদাবাদকী গুজরাত তেক্নোলোজিকেল য়ুনিভর্সিতীদগী কুমারি তিৱারী হরশিতা অমসুং শ্রী জেথৱা জে পিনা থাগী হজার্দ মেপ শেম্নবা ইমেজ প্রোসেসিং অমসুং AI শীজিন্নদুনা ISROগী মুনলেন্দরদগী ফংবা মেদিয়ম-রিজোল্যুসন ইমেজশিংবু সুপর-রিজোল্যুসন ইমেজশিংদা ওন্থোকপগী প্রোজেক্ততা থবক তৌখি। প্রোজেক্তকী আউৎপুৎনা শাফবা লেন্দিং স্পোৎ অমসুং তুংগী মিসনশিংগী নেভিগেসন পথ লেপথোকপদা মতেং পাংগনি। প্রধান মন্ত্রীনা লৈবাক অসিদা লৈরিবা স্পেস স্তার্তঅপ কয়াগা লোয়ননা ISROদা লৈরিবা তীমদগী সুপর্ভিজন অমসুং গাইদেন্স লৌনবা ৱাখল্লোন ফোঙদোকখি। প্রধান মন্ত্রীনা হায়খি ভারতকী স্পেস প্রোগ্রাম অসি চন্দ্রয়ান 3গী মাইপাকখ্রবা মতুংদা মালেমগী আশাগী মঙাল ওইখি অমসুং ভারত্তা মীরৈবাকশিংনা য়েংবা মীৎয়েংদা অহোংবা লাকহনখি। মহাক্না হায়খি হৌজিক্কী চহিচা অসি ভারতকী স্পেস সেক্তরগী মাইকৈদা শরুক তম্বা পাম্বা নহারোলগীদমক চপ চারবা তানফম অমনি মরমদি স্পেস সেক্তর অসি খুমাং চাউশিন্নবা নহারোলগীদমক প্রাইবেৎ সেক্তরদা হাংদোক্লে। মহাক্না ISROনা ন্যু-এজ স্তার্তঅপশিংগীদমক মখোয়গী ফেসিলিতীশিং হাংদোক্লি হায়নসু ফোঙদোকখি অমসুং মখোয়না অহমদাবাদতা লৈবা IN-SPACe হেদক্বাতর্সতা চৎনবসু হায়খি।
ওরিশাগী সম্বলপুরগী ভীর সুরেন্দ্র সাই য়ুনিভর্সিতী ওফ তেক্নোলোজীদগী অঙ্কিত কুমার অমসুং স্যেদ সিদ্দিকি হ্যুসেন্না অঙাংশিংগী মেন্তেল হেল্থকী মতাংদা ওপন ইন্নোভেসন্দা থবক তৌখি অমসুং মমা-মপা অমসুং মেদিকেল প্রোফেস্নেলশিংদা মাংজৌননা চেকশিনৱা থমদুনা মতেং পাংনবা রেতিং অমা শেমখি। প্রধান মন্ত্রীনা হায়বদগী তীম অসিগী নুপী মেম্বর অমনা প্রধান মন্ত্রীদা প্রোজেক্তকী মরমদা তেল্লপনা পাউদমখি। তীম অসিনা মরু ওইবা হীরম অমা খনবগীদমক থাগৎপা ফোঙদোক্লদুনা প্রধান মন্ত্রীনা নহা ওইরিবা মীওইশিংগী মরক্তা থেংনরিবা মেন্তেল হেল্থকী সমস্যাগী মতাংদা ফোঙদোকখি অমসুং অসিগুম্বা সমস্যাশিংদা এজুকেসন দিপার্তমেন্তনা থবক পাইখৎপগী মরু ওইবা অমসুং এজুকেস্নেল ইন্সতিত্যুসনশিংদা সোল্যুসন পুথোকপা হেনগৎহন্নবা অমসুং মদু দিপ্লোই তৌনবা লম্বীশিং পুথোকপগী মরু ওইবা অদু থমখি। “নহারোলগী মেন্তেল হেল্থ অসি ভারতপু ভিক্ষিৎ ওইহনবদা মরু ওই” হায়না মহাক্না ফোঙদোকখি। মহাক্না MY-ইন্দিয়া পোর্তেলগী মতাংদসু ফোঙদোকখি।
অসামগী গুৱাহাতিগী অসাম রোয়েল গোব্লেল য়ুনিভর্সিতীগী কুমারী রেস্মা মস্থুথা আরগা লোয়ননা প্রধান মন্ত্রীনা AI তুল ভাশিনি শীজিন্নবগী মতাংদা ৱারী শাখি। অসিগুম্বা থৌরম অমমদা অহানবা ওইনা রিএল-তাইম ত্রান্সলেসনগীদমক ভাশিনি তুল অসি শীজিন্নখি। প্রধান মন্ত্রীনা ভারতকী খা থংবদগী লাকখিবা কুমারি রেস্মা অমসুং মহাক্কী তীমবু এক ভারত শ্রেস্থা ভারতকী অশেংবা এম্বেসেদরশিংনি হায়না থাগৎখি। মহাক্কী তীমনা ৱেব এপ্লিকেসন শীজিন্নদুনা হাইদ্রোপাৱর প্লান্তশিংগী কম্পোনেন্তশিংগী ইনপুৎ-বেজ AI জেনরেতিন দিজিনশিং শেম্বগী থবক তৌরি, মসিনা ভারতপু ইনর্জীদা মীপাল তাংদবা লৈবাক অমা ওইহনবদা মতেং পাংলি অমসুং ফোসিল ফ্যুলগী মীপাল তাংবসু হন্থহল্লি। প্রধান মন্ত্রীনা আর্তিফিসিএল ইন্তেলিজেন্সকা লোয়ননা পাৱর সেক্তর কন্নেক্ত তৌনবা লম্বীশিং থীদোক্নবা হায়খি মরমদি অনিমক ভিক্ষিৎ ভারতকীদমক য়াম্না মরু ওই অমসুং ভারতকী তুংলমচৎ শেম্বদা মরু ওই। মহাক্না কঞ্জুম্পসন মোনিতর তৌবগা লোয়ননা পাৱর প্রদক্সন, অমসুং পাৱর ত্রান্সমিসনদা AI-বেজ সোল্যুসনশিং শীজিন্নদুনা ইফিসিএন্সী ফংবা মথৌ তাই হায়খি। হৌখিবা চহিশিংদা সরকারনা খুঙ্গং অমসুং ইমুং খুদিংদা ইলেক্ত্রিসিতী ফংহনবা ঙম্বগী মাইপাকপা অদু থমলদুনা পি.এম. মোদীনা সরকারনা লৌবুকশিংদা স্মোল-স্কেল সোলর প্লান্তশিং অমসুং সহরশিংদা রুফতোপ সোলর প্লান্তশিংদা মীৎয়েং থমখি হায়খি অমসুং মসিদা AI সোল্যুসনশিং পুথোক্নবা হায়খি। মহাক্না অৱাং নোংপোক্তা চৎনবা মখোয়দা হায়খি।
উত্তর প্রদেশকী গ্রেতর নোইদাগী নোইদা ইন্সতিত্যুত ওফ ইঞ্জিনীয়রিং এন্দ তেক্নোলোজীদগী শ্রী রিসাভ এস বিশ্বামিত্রানা আর্তিফিএসল ইন্তেলিজেন্স শীজিন্নদুনা ফিশিং দোমেনশিং খঙদোক্নবগীদমক সোল্যুসনশিং পীনবা NTROগী ব্লোকচেন অমসুং সাইবর সেক্যুরিতীগী মতাংদা থবক তৌরি। প্রধান মন্ত্রীনা সাইবর ফ্রোদকী লেপ্পা লৈতনা হেনগৎলক্লিবা শীংনবশিংগী মরমদা ঙাংদুনা অনৌবা তেক্নোলোজীশিংগী হীরমদা য়াম্না চেকশিনবা মথৌ তাই হায়খি। মহাক্না জেনরেতিব AIগী দীপ ফেক ভিদিওগী মতাংদসু পনখি অমসুং ফোতো নত্ত্রগা ভিদিও অমা থাজদ্রিঙৈ মমাংদা চেকশিনবা মথৌ তাই হায়খি। মহাক্না গ্লোবেল ফ্রেমৱার্ক ফোর AI অমা শেম্নবা ভারতকী কেম্পেনগী মতাংদা ফোঙদোকখি।
থৌরম অসিদা ৱা ঙাংলদুনা প্রধান মন্ত্রীনা লৈবাক্কী সম্যাশিংগিদমক সোল্যুসনশিং পীনবা অনৌবা মীরোলনা কত্থোক্লিবা অসিগী মতাংদা নুংঙাইবা ফোঙদোকখি। মহাক্না মমাংগী হেকাথোনশিং মাইপাকখিবগী মতাংদা নৌনা ফোঙদোকখি। মমাংগী হেকাথোনশিংদগী ফংলকখিবা স্তার্তঅপশিং অমসুং সোল্যুসনশিংনা সরকার অমসুং খুন্নাই অনিমক্তা কান্নবা পীরি।
21শুবা চহিচাগী ভারতকী মন্ত্র হায়বদি জয় জৱান, জয় কিসান, জয় বিজ্ঞান অমসুং জয় অনুসন্ধানবু নীংশিংলদুনা পি.এম. মোদীনা হায়খি মদুদি ভারত মচা খুদিংমক্না স্তেতস কোগী ইনর্সিয়া থাদোক্লি। ভারতনা মালেমগী অহুমশুবা খ্বাইদগী চাউবা ইকনিমী ওইরকপগী মতাংদা পল্লদুনা প্রধান মন্ত্রীনা লাইচৎ মনুংদা ভারতকী UPIগী মাইপাকপা, ভেক্সিনগী মাইপাকপগী মতাংদা ফোঙদোকখি।
নহা ওইরিবা ইন্নোভেতরশিং অমসুং দোমেন এক্সপর্তশিংদা ৱা ঙাংলদুনা পি.এম. মোদীনা মথংগী চহি লিশিং অমগী মাইকৈ লেপকদৌরিবা হৌজিক্কী তানফম অসিগী মরু ওইবা অদু নৌহৌননা থমখি। প্রধান মন্ত্রীনা মখোয়দা মালেমগী অঙাং খ্বাইদগী ওইরিবা লৈবাকশিংগী মনুংদা ভারতনা অমা ওইবা, মাগী তেলেন্ত পুল, স্তেবল ওইবা অমসুং শক্তি লৈবা সরকার, খুমাং চাউশিল্লিবা ইকনোমী অমসুং মমাংদা অমুক্তা ওইখিদ্রিবা মওংদা সাইন্স অমসুং তেক্নোলোজী অসিগুম্বা ফেক্তর কয়ানা পুনশিল্লিবা হৌজিক্কী তানফম অসিগী তোপ-তোপ্পা অদু খঙনবা হায়খি।
“তেক্নোলোজীনা ঙসি ঐখোয়গী পুন্সিগী অচৌবা শরুক অমা ওইরি” হায়না প্রধান মন্ত্রীনা ফোঙদোকখি। নহা ওইরিবা ইন্নোভেতরশিংগী থৌদাংগী মতাংদা ফোঙদোক্লদুনা মহাক্না তেক্নোলোজীগী অপগ্রেদ তৌরবা ভর্জন অসি মীওই অদুনা শীজিন্নবা হৈরবা মতমদা লাকই হায়না মহাক্না ফোঙদোকখি।
প্রধান মন্ত্রীনা হায়খি মদুদি ভারতকী অমৃত কালগী মথংগী চহি 25 অসিনা নহা ওইরিবা ইন্নোভেতরশিংগী মশক তাক্কদবা মতম ওইরগনি। মহাক্না আত্মনির্ভর ভারত অমগী মান্নবা পান্দম অদু থমখি অমসুং অনৌবা অমত্তা ইম্পোর্ত তৌদনবা অমসুং অতোপ্পা লৈবাকশিংদা মীপাল তাংদনবা পান্দম অদু ফোঙদোকখি। দিফেন্স সেক্তরনা আত্মনির্ভর ওইনবা মাইকৈদা চংশিল্লিবা অসিগী খুদম পীদুনা মহাক্না হায়খি ভারতনা দিফেন্স তেক্নোলোজী খরা ইম্পোর্ত তৌরি। মহাক্না সেমিকন্দক্তর অমসুং চিপ তেক্নোলোজীদা আত্মনির্ভর ওইবগী মথৌ তাবা অদুসু ফোঙদোকখি। পি.এম. মোদীনা ক্বান্তম তেক্নোলোজী অমসুং হাইদ্রোজেন ইনর্জী সেক্তরশিংদা ভারতকী অচৌবা এস্পিরেসনশিং অদু ফোঙদোকখি। মহাক্না হায়খি মদুদি সরকারনা 21শুবা চহিচাগী মোদর্ন ইকোসিস্তেম অমা শেমদুনা সেক্তর পুম্নমক্তা অখন্নবা মীৎয়েং থম্মি অদুবু মসিগী মাইপাকপা অসি নহারোলগী মাইপাকপগী মখা পোল্লি।
পি.এম. মোদীনা নহা ওইরিবা ইন্নোভেতরশিংদা হায়খি মদুদি “মালেমনা ভারতনা মালেমগী শীংনবশিংগী শেল চংদবা, ক্বালিলী লৈবা, তুং কোইগদবা অমসুং স্কেলেবল ওইবা সোল্যুসনশিং পীরক্কনি হায়না থাজবা থম্মি। ঐখোয়গী চন্দ্রয়ান মিসন্না মালেমগী থাজবা শরুক কয়া হেনগৎহনখি” অমসুং মখোয়না মসিগী মতুং ইন্না ইন্নোভেৎ তৌনবা হায়খি। হেকাথোনগী পান্দমগী মরমদা ফোঙদোক্লদুনা প্রধান মন্ত্রীনা হায়খি, “স্মার্ত ইন্দিয়া হেকাথোনগী পান্দম অসি লৈবাক্কী সমস্যাশিং কোহনবা অমসুং সোল্যুসনশিংগী খুত্থাংদা থবক পীবনি। স্মার্ত ইন্দিয়া হেকাথোনগী খুত্থাংদা লৈবাক্কী য়ুবা শক্তিনা চাউখৎপা ভারতকীদমক সোল্যুসনশিংগী অমৃত পুথোক্কনি”। লৈবাক্কী য়ুবা শক্তিদা থাজবা থমলদুনা প্রধান মন্ত্রীনা সমস্যা অমা হেক্তগী সোল্যুসন অমা থীবা মতমদা মখোয়গী ৱাখলদা ভিক্ষিৎ ভারতকী ৱাশক নীংশিংগদবনি। “নখোয়না তৌবা খুদিংমক, খ্বাইদগী ফবা ওইরসনু। মালেমনা নখোয়গী তুং ইনগদবা মওংদা থবক তৌগদবদনি”, হায়না ফোঙদোক্তুনা পি.এম.না ৱারোল পীবা লোইশিনখি।
এজুকেসনগী কেন্দ্র মন্ত্রী, শ্রী ধর্মেন্দ্র প্রধান্না ভর্চুএল ওইনা শরুক য়াখি। থৌরম অসিদা ৱা ঙাংলদুনা মহাক্না প্রধান মন্ত্রী শ্রী নরেন্দ্র মোদীদা লৈবাক্কী নহারোলদা দাইনামিক ওইনা লমজিং লমতাকপীবগীদমক্তা তৌবীমল খঙবা উৎখি।
মহাক্না হায়খি 2017দা তীমশিংগী মশিং অসি 7581 ওইখি অমসুং মশিং অসি শরুক তরুক হেনগৎলকপা উবা ফংদুনা চহি অসিদা তীম 44617না শরুক য়াখি। মহাক্না চহি অসিদা শরুক য়ারিবা 267,000না অনৌবা আইদিয়া 51,000 দিবেলপ তৌনবা মাইকৈদা মখোয়গী ক্রিএতিব ইনর্জীশিং চেনেল তৌগনি। মখা তানা মহাক্না হায়খি SHIগুম্বা ইনিসিএতিবশিংনা অনৌবা মীরোলবু লৈবাক্কী চাউখৎ থৌরাংগা শম্নহল্লো অমসুং অসিগুম্বা খোঙথাংশিং অসিনা 2047 ফাওবদা ভিক্ষিৎ ভারত শেমগৎপগী পান্দম থুংহনগনি।
বেকগ্রাউন্দ
প্রধান মন্ত্রীগী নহারোলনা লমজিংবা চাউখৎ খোঙচৎকী বিজনগী পরিং মখাদা স্মার্ত ইন্দিয়া হেকাথোন (SIH) অসি সরকারগী মন্ত্রালয়শিং অমসুং বিভাগশিং, ইন্দস্ত্রীশিং অমসুং অতৈ ওর্গনাইজেসনশিংগী মরু ওইবা সমস্যাশিং কোকহন্নবা মহৈরোয়শিংদা ফম্পাক অমা পীনবা লৈবাক শিনবা থুংবগী থৌশিল অমনি। 2017দা হৌদোকখিবা স্মার্ত ইন্দিয়া হেকাথোন অসি নহা ওইরিবা ইন্নোভেতরশিংগী মরক্তা চাউনা পাম্নবা হেনগৎলকখি। হৌখিবা ইদিসন মঙাদা দোমেন কয়াদা ইন্নোভেতিব সোল্যুসন কয়া পুথোকখি অমসুং ইস্তাব্লিশ তৌরবা স্তার্তঅপশিং ওইনা লেপচবা ঙমখি।
চহি অসিগী SIHকী গ্রান্দ ফিনালে অসি দিসেম্বর 19-23 পাঙথোক্কনি। SIH 2023দা তীম 44,000দগী আইদিয়া 50,000 হেন্না ফংখি – SIHকী অহানবা ইদিসনগা চাংদম্নবদা শরুক তরেৎরোম হেনখি। লৈবাক শিনবা থুংবদা নোদেল সেন্তর 48দা পাঙথোক্কদৌরিবা স্মার্ত ইন্দিয়া হেকাথোনগী গ্রান্দ ফিনালেদা পার্তিসিপেন্ত 12,000 হেনবনা শরুক য়াগনি। স্পেস তেক্নোলোজী, স্মার্ত এজুকেসন, দিজাস্তর মেনেজমেন্ত, রোবোতিক্স অমসুং দ্রোনশিং, হেরিতেজ অমসুং কলচর য়াওনা তোঙান-তোঙানবা থিমশিংদা সোল্যুসনশিং পীনবা গ্রান্দ ফিনালে অসিগীদমক পুন্না তীম 1282 চহি অসিগী ওইনা শোর্তলিস্ত তৌখি।
শরুক য়ারিবা তীমশিংনা কেন্দ্রগী মন্ত্রী অমসুং রাজ্য সরকার 25গী বিভাগ 51না থমখিবা প্রোব্লেম স্তেৎমেন্ত 231 (সোফৱেয়র 176 অমসুং হর্দৱেয়র 55) অসি থেংনগনি অমসুং সোল্যুসনশিং পীগনি। স্মার্ত ইন্দিয়া হেকাথোন 2023গী অপুনবা মনা অসি লুপা করোর 2 হেল্লি, থোইরিবা তীম অমমমদা প্রোব্লেম স্তেৎমেন্ত অমদা লুপা লাখ 1গী শেলগী মনা পীগনি।
*****
(Release ID: 1989347)
Visitor Counter : 57