سائنس اور ٹیکنالوجی کے مرکزی وزیر مملکت (آزادانہ چارج) نیز وزیر اعظم کے دفتر، عملہ، عوامی شکایات، پنشن، ایٹمی توانائی اور خلاء کے وزیر مملکت  ڈاکٹر جتیندر سنگھ نے آج لوک سبھا میں ایک تحریری جواب دیا کہ  بھارت کی ترقی کی امنگوں اور قومی ترجیحات کی تکمیل میں سول سروسز کے اہم کردار کو تسلیم کرتے ہوئے، حکومت نے قومی پروگرام برائے سول سروسز کیپسٹی بلڈنگ (این پی سی ایس سی بی) - مشن کرمایوگی شروع کیا تھا۔  اس پہل کے تحت، مرکز، ریاستیں اور مرکز کے زیر انتظام علاقے سرکاری ملازمین کے لیے صلاحیت سازی کے منصوبے بنا رہے ہیں اور نافذ کر رہے ہیں۔ حکومت نے ایک مربوط آن لائن ٹریننگ پلیٹ فارم، آئی گوٹ کرم یوگی بھی شروع کیا ہے، جو لاکھوں سرکاری ملازمین کو اپنی صلاحیتوں کو اپ گریڈ کرنے اور لوگوں پر مرکوز نقطہ نظر کو آسان بنانے کے لیے مسلسل سیکھنے کے مواقع فراہم کرتا ہے۔ سول سروسز ٹریننگ انسٹی ٹیوٹ کو دوسرے اداروں، یونیورسٹیوں، تحقیقی اداروں، خاص طور پر معروف ملکی اور بین الاقوامی اداروں کے ساتھ تعاون کرنے کی ترغیب دی جا رہی ہے تاکہ تربیت میں عمیق تجرباتی سیکھنے کے مواد، فیکلٹی، تحقیق کو ترجیحی طور پر باہمی بنیادوں پر لایا جا سکے۔

اس کے علاوہ، تعلیمی ادارے خاص طور پر انڈین انسٹی ٹیوٹ آف مینجمنٹ (آئی آئی ایمز) سرکاری ملازمین کے لیے عوامی پالیسی اور نظم و نسق پر طویل اور مختصر مدت کے کورسز پیش کر رہے ہیں۔ آئی آئی ایمز اپنے عوامی پالیسی پروگراموں میں بہترین عالمی نظریہ اور طریقوں کو لانے کے لیے عالمی اداروں کے ساتھ اشتراکی پروگرام بشمول فیکلٹی ڈویلپمنٹ بھی چلا رہے ہیں ۔

پچھلے دو سالوں کے دوران کسی بھی سرکاری ملازم کو اس محکمہ نے بیرون ملک پبلک پالیسی اور پبلک مینجمنٹ کی تعلیم حاصل کرنے یا تربیت حاصل کرنے کے لیے اسپانسر نہیں کیا ہے۔

*****

(ش ح    ۔    م ع    ۔    ت ح)

U No. 2766

(Release ID: 1988916) Visitor Counter : 86