آج جاری شدہ ای پی ایف او کے عارضی پے رول کے اعداد و شمار اس بات پر روشنی ڈالتے ہیں کہ ای پی ایف او نے اکتوبر 2023 کے مہینے میں 15.29 لاکھ نیٹ ممبرز کا اضافہ کیا ہے۔ پے رول ڈیٹا کا سال بہ سال موازنہ اکتوبر 2022 کے دوران پچھلے سال کے مقابلے میں خالص ممبرشپ میں 18.22 فیصد اضافے کو ظاہر کرتا ہے۔

اعداد و شمار بتاتے ہیں کہ اکتوبر، 2023 کے دوران تقریباً 7.72 لاکھ نئے اراکین ای پی ایف او کے سوشل سیکورٹی کوریج کے تحت آئے ہیں۔ نئے اراکین کے اضافے کی سال بہ سال ترقی کا اکتوبر، 2022 کے ساتھ موازنہ کرتے ہوئے، رواں ماہ کے دوران 6.07 فیصد کا اضافہ ریکارڈ کیا گیا ہے۔ ان نئے شامل ہونے والے اراکین میں، 18-25 سال کی عمر کا گروپ اس مہینے کے دوران شامل کیے گئے کل نئے اراکین کا 58.60 فیصد بنتا ہے۔ اس سے ظاہر ہوتا ہے کہ منظم شعبے کی افرادی قوت میں شامل ہونے والے ارکان کی اکثریت اس عمر کے گروپ میں زیادہ تر پہلی بار ملازمت کے متلاشی ہیں۔

پے رول کے اعداد و شمار سے یہ بھی پتہ چلتا ہے کہ تقریباً 11.10 لاکھ ممبران ای پی ایف او سے نکل گئے لیکن دوبارہ شامل ہو گئے۔ ان اراکین نے اپنی ملازمتیں تبدیل کر دی ہیں اور ای پی ایف او کے تحت آنے والے اداروں میں دوبارہ شامل ہو گئے ہیں اور حتمی تصفیہ کے لیے درخواست دینے کے بجائے اپنی جمع شدہ رقم کو منتقل کرنے کا انتخاب کیا ہے، اس طرح ای پی ایف او کے ساتھ اپنے سماجی سلامتی کے تحفظ کو بڑھایا ہے۔ مزید یہ کہ گزشتہ 4 مہینوں سے باہر نکلنے والوں کی تعداد میں کمی کا رجحان دیکھا گیا ہے۔ قطعی طور پر، اکتوبر 2023 کے لیے ای پی ایف او سے نکلنے والے اراکین کی تعداد گزشتہ 12 مہینوں میں سب سے کم ہے۔

پے رول کے اعداد و شمار کا صنفی لحاظ سے تجزیہ ظاہر کرتا ہے کہ مہینے کے دوران شامل کیے گئے کل 7.72 لاکھ نئے اراکین میں سے تقریباً 2.04 لاکھ نئی خواتین ممبر ہیں، جو پہلی بار ای پی ایف او میں شامل ہو رہی ہیں۔ اس کے علاوہ، اس ماہ کے دوران خالص خواتین اراکین کا اضافہ تقریباً 3.03 لاکھ رہا جو پچھلے سال کے اسی مہینے کے مقابلے میں تقریباً 15 فیصد زیادہ ہے۔

پے رول ڈیٹا کا ریاستی تجزیہ بتاتا ہے کہ 5 ریاستوں مہاراشٹر، تمل ناڈو، دہلی، کرناٹک اور ہریانہ میں خالص ممبروں کا اضافہ سب سے زیادہ ہے۔ یہ ریاستیں تقریباً 58.92فیصد  خالص ممبروں کے اضافے پر مشتمل ہیں، جس سے اس  ماہ کے دوران کل 9.01 لاکھ ممبران کا اضافہ ہوا ہے۔ تمام ریاستوں میں سے، مہاراشٹر مہینے کے دوران 22.04فیصد خالص اراکین کا اضافہ کر کے سب سے آگے ہے۔

صنعت کے لحاظ سے اعداد و شمار کا ماہ بہ ماہ موازنہ ہوٹل کی صنعت، چائے کے اداروں، تجارتی اور کاروباری  اداروں، بھاری فائن کیمیکلز، لائف انشورنس کی پیشکش کرنے والی  اور سالانہ  رقم  مہیا کرانے والی کمپنیاں وغیرہ میں کام کرنے والے ممبران میں نمایاں اضافہ ظاہر کرتا ہے۔ خالص رکنیت میں، تقریباً 40.27 فیصد اضافہ ماہرین کی خدمات (افرادی قوت فراہم کرنے والے، عام ٹھیکیداروں، سیکورٹی سروسز، متفرق سرگرمیوں وغیرہ پر مشتمل ہے) سے ہے۔

مندرجہ بالا پے رول ڈیٹا عارضی ہے کیونکہ ڈیٹا تیار کرنا ایک مسلسل عمل  ہے، کیونکہ ملازمین کے ریکارڈ کو اپ ڈیٹ کرنا ایک مسلسل عمل ہے۔ اس لیے پچھلا ڈیٹا ہر ماہ اپ ڈیٹ ہوتا ہے۔ اپریل-2018 کے مہینے سے، ای پی ایف او ستمبر، 2017 کے بعد کی مدت کا احاطہ کرتے ہوئے پے رول ڈیٹا جاری کر رہا ہے۔ ماہانہ پے رول کے اعداد و شمار میں، آدھار کی توثیق شدہ یونیورسل اکاؤنٹ نمبر (یو اے این) کے ذریعے پہلی بار ای پی ایف او میں شامل ہونے والے اراکین کی تعداد، ای پی ایف او کی کوریج سے باہر نکلنے والے موجودہ اراکین اور جو لوگ باہر نکلے ہیں لیکن دوبارہ ممبر کے طور پر شامل ہو رہے ہیں، انہیں ماہانہ نیٹ پے رول  پر پہنچنے کے لیے لیا جاتا ہے۔

*************

ش ح۔ا ک۔ ر ب

U-2722