ہندوستان دنیا کی سب سے تیزی سے ترقی کرنے والی بڑی معیشت ہے اور آنے والے سالوں میں دنیا کی تیسری سب سے بڑی معیشت بننے کی امید ہے۔ تیزی سے صنعتی ترقی کے ساتھ، گزشتہ دہائی کے دوران توانائی کی مانگ میں اضافہ ہوا ہے اور مستقبل قریب میں اس میں اضافہ ہوتا رہے گا۔

ہمارے ملک  کی توانائی کی ضروریات کو پورا کرنے کے لیے، حکومت نے کوئلے کی گھریلو پیداوار کو بڑھانے کے لیے کئی اقدامات کیے ہیں۔ اس لیے کوئلے کی بڑھتی ہوئی مانگ کے مقابلے میں گھریلو کوئلے کی پیداوار میں بھی اضافہ ہوا ہے۔ 2022-23 میں، گھریلو کوئلے کی پیداوار 14.77 فیصد بڑھ کر 2021-22 میں 778.21 ایم ٹی سے 893.19 ایم ٹی تک پہنچ گئی۔ مزید برآں، موجودہ مالی سال میں، نومبر 2023 تک، ملک نے تقریباً 591.40 میٹرک ٹن کوئلہ پیدا کیا ہے جو کہ گزشتہ سال کی اسی مدت کے دوران 524.72 ایم ٹی کے مقابلے میں تقریباً 13 فیصد اضافہ کے ساتھ پیدا ہوا تھا۔

ملکی پیداوار میں اضافے کے نتیجے میں کوئلے کی درآمد میں اپریل سے ستمبر 2023 کے دوران گزشتہ مالی سال کی اسی مدت کے مقابلے میں 5 فیصد کی کمی واقع ہوئی ہے۔ یہ ملک میں کوئلے کی درآمد پر انحصار میں کمی کو ظاہر کرتا ہے۔

ملک کے کوئلے پر مبنی پاور پلانٹس میں کوئلے کی کل کھپت 2017-18 کے دوران تقریباً 608 ایم ٹی سے بڑھ کر 2022-23 کے دوران تقریباً 777 ایم ٹی تک پہنچ گئی ہے جس کی کمپاؤنڈ سالانہ شرح نمو  تقریباً 5فیصد ہے۔ نیشنل الیکٹرسٹی پلان-جلد-I کے مطابق: جنریشن (غیر معمولی گزٹ نمبر 3189، SI. نمبر 329 کے تحت مطلع شدہ حصہ-III، سیکشن IV مورخہ 18.05.2023) کے مطابق، سال 2031-32 کے لیے گھریلو کوئلے کی ضرورت کا تخمینہ 1025.8 ملین ٹن لگایا گیا ہے اور درآمدی کوئلے پر چلنے کے لیے بنائے گئے پلانٹس کے لیے درآمدی کوئلے کی تخمینہ ضرورت 28.9 ایم ٹی ہے۔ مزیدیہ کہ 20ویں الیکٹرک پاور سروے رپورٹ کے مطابق، سال 2031-32 کے لیے کل ہندوستانی بنیادوں پر متوقع برقی توانائی کی ضرورت اور چوٹی کی بجلی کی مانگ  بالترتیب 2473.7 بی یو اور 366.4 گیگاواٹ ہے۔

کوئلے کی گھریلو پیداوار میں اگلے چند سالوں میں 6-7 فیصد سالانہ اضافے کی توقع ہے جو 2029-30 میں تقریباً 1.5 بلین ٹن تک پہنچ جائے گی۔ آخری صارفین تک کوئلے کی آسانی سے منتقلی کے لیے، نئے ریل منصوبوں کے ذریعے انخلاء کے بنیادی ڈھانچے کو بہتر بنانے اور فرسٹ مائیل کنیکٹیویٹی (ایف ایم سی) منصوبوں کے ذریعے کوئلے کی لوڈنگ کو میکانائز کرنے کے لیے بھی اقدامات کیے جا رہے ہیں۔

کوئلے کی پیداوار میں ترقی کو ترجیح دیتے ہوئے، حکومت پائیداری کے حوالے سے ہماری ذمہ داری سے بھی آگاہ ہے اور توانائی کے پائیدار استعمال اور تحفظ کی جانب تیزی سے قدم اٹھا رہی ہے۔

ریل موڈ کے ذریعے پین انڈیا میں کوئلے کی نقل و حرکت وزارت ریلوے کا ڈومین ہے۔ تاہم، کوئلہ نکالنے کے بنیادی ڈھانچے کو بہتر بنانے کے لیے، کول انڈیا لمیٹڈ نے بھی تقریباً 20000 کروڑ روپے کی سرمایہ کاری کی ہے۔ براؤن فیلڈ کے علاقوں میں اپنے توسیعی کان کنی کے منصوبوں کے لیے سات نئی ریلوے لائنوں کی تعمیر اور ریاست چھتیس گڑھ، اڈیشہ اور جھارکھنڈ کے گرین فیلڈ علاقوں میں کان کنی کے نئے منصوبے بنائے ہیں۔ یہ نئی ریلوے سائڈنگز کی تعمیر اور اس کے کمانڈ ایریا کے تحت پرانی سائڈنگز کی تزئین و آرائش اور صلاحیت میں اضافہ کے علاوہ ہے۔ یہ

یہ  معلومات کوئلہ، کانوں اور پارلیمانی امور کے مرکزی وزیر جناب پرہلاد جوشی نے آج راجیہ سبھا میں ایک  سوال کے تحریری جواب میں دی۔

ش ح۔   ش ت۔ج

Uno-2592

 

(रिलीज़ आईडी: 1987906) आगंतुक पटल : 65