প্রধান মন্ত্রী, শ্রী নরেন্দ্র মোদীনা ঙসি গুজরাতকী সুরত্তা সুরত দাইমন্দ বোর্স শঙ্গাখ্রে। থৌরম অসিগী মমাংদা প্রধান মন্ত্রীনা পঞ্চতত্ব গার্দেনদসু চৎখি, সুরত দাইমন্দ বোর্স অমসুং SPINE-4গী গ্রীন বিল্দিং য়েংখি অমসুং বিজিতর বুকলেৎতা খুৎয়েক পীখি। ঙসি অঙনবদা প্রধান মন্ত্রীনা সুরত এয়রপোর্তকী অনৌবা তর্মিনেল বিল্দিংসু শঙ্গাখি।

থৌরম অদুদা ৱা ঙাংলদুনা প্রধান মন্ত্রীনা হায়খি সুরত সহরগী মতিক ময়াইদা অচৌবা মনী অমা হাপচিনখ্রে। “মসি অচম্বা দাইমন্দ নত্তে, মসিদি মালেমগী খ্বাইদগী ফবা অদুনি” হায়না শ্রী মোদীনা ফোঙদোক্লদুনা সুরত দাইমন্দ বোর্সকী মতিক-মঙালনা মালেমগী খ্বাইদগী চাউবা ইদিফিসশিংদগী মগুন লৈবা হেল্লি হায়খি। মহাক্না শ্রী বল্লভভাই লখানি অমসুং শ্রী লালজীভাই পতেলগী অচম্বা মতৌ অমসুং অচৌবা মিসন অসি মাইপাক্নবা মীপুম খুদিংমক লমজিংবগী ৱাখল্লোন অদুবু মহাক্না থৌরম অসিদা সুরত দাইমন্দ বোর্সকী তীম পুম্বদা থাগৎপা ফোঙদোকপদা ফোঙদোকখি। “সুরত দাইমন্দ বোর্সনা হৌজিক মালেমদা দাইমন্দ বোর্সকী মরমদা খন্নবা মতমদা ভারতকী মীংচৎকা লোয়ননা মাংদা থোকপা ঙম্লগনি” হায়না মহাক্না ফোঙদোকখি। প্রধান মন্ত্রীনা হায়খি, “সুরত দাইমন্দ বোর্স অসিনা ভারতকী দিজাইনশিং, দিজাইনরশিং, মেতরিএলশিং অমসুং কনসেপ্তশিংগী মতিক ময়াই অদু উৎলি। বিল্দিং অসিনা অনৌবা ভারতকী তৌবা ঙম্বশিং অমসুং ৱাশকশিংগী খুদম অমা  ওইরি”। শ্রী মোদীনা অপুনবা দাইমন্দ ইন্দস্ত্রী, সুরত, গুজরাত অমসুং ভারতকী মীয়ামবু সুরত দাইমন্দ বোর্স শঙ্গাবদা নুংঙাইবা ফোঙদোকখি। ঙসি অঙনবদা সুরত দাইমন্দ বোর্স কোইনা চৎতুনা য়েংখিবগী মতাংদা নীংশিংলদুনা প্রধান মন্ত্রীনা আর্কিতেকচরগী মতাংদা ফোঙদোকখি অমসুং মালেম শিনবা থুংবদা ঙাংনরিবা এনভাইর্নমেন্তগী খুদম ওইবা য়াগদবা গ্রীন বিল্দিংগী মরমদসু পনখি, বিল্দিংগী অপুনবা আর্কিতেকচর অসি আর্কিতেকচর অমসুং স্ত্রকচরেল ইঞ্জিনীয়রিং মহৈরোয়শিংনা তমশিন্নবা তুল অমা ওইনা শিজিন্নবসু য়াগনি অমসুং পঞ্চতত্ব গার্দেন অসিনা লেন্দস্কেপিংদা পরা অম ওইনবগী খুদম ওইনা শিজিন্নবা য়াগনি।

সুরতকী অতোপ্পা খুদোল অনিগী মরমদা ঙাংলদুনা প্রধান মন্ত্রীনা সুরত্তা অনৌবা এয়রপোর্ত তর্মিনেল শঙ্গাখিবা অমসুং সুরত এয়রপোর্তপু ইন্তরনেস্নেল এয়রপোর্তকী স্তেতস ফংহনখিবগী মতাংদা ফোঙদোকখি। তিল্লিবা মীয়াম্না মতম শাংনা পন্দুনা লৈরকখিবা দিমান্দ অসি থুংহনবগীদমক লেপখৎতুনা ইকাই খুম্নবা উৎখি। মহাক্না হায়খি সুরত দুবাই ফ্লাইৎ হৌখিবা অমসুং হোং কোং ফাওবগী অথুবদা হৌগদৌরিবা ফ্লাইৎকী মরমদসু হায়খি। “সুরতকা লোয়ননা গুজরাত্তা হৌজি ইন্তরনেস্নেল এয়রপোর্ত অহুম লৈরে” হায়না মহাক্না মখা তাখি।

সুরতকী সহরগা লৈনরিবা মহাক্কী মরী অমসুং মসিদগী ফংখিবা এক্সপরিয়েন্সশিংগী মতমদা পল্লদুনা প্রধান মন্ত্রীনা সবকা সাথ সবকা প্রয়াসকী মতাংদা ফোঙদোকখি। “সুরতকী লৈহাও অসিনা অতৈদগী তোঙাল্লি” হায়না শ্রী মোদীনা ফোঙদোক্লদুনা হায় মদুদি রিজন অসিদা পুথোকপা লশিং অসি লম্বা লৈতে। সুরতকী নুংঙাইবা অমসুং অৱাবা খোঙচৎকী মতাংদা পল্লদুনা প্রধান মন্ত্রীনা হায়খি মদুদি সুরতকী মতিক ময়াইনা ব্রিতিসনা ভারত্তা অহানবা ওইনা লাকপা মতমদা মখোয়গী পুক্নিং চীংশিনখি। মহাক্না মালেমগী খ্বাইদগী চাউবা জহাজশিংগী সুরত্তা মেন্যুফেকচরিং হব ওইরমখিবা  অমসুং সুরতকী হীথাংফমদা লৈবাক 84দগী জহাজশিংগী ফিরালশিং চীংখৎখিবা মতম অদু নীংশিংখি। “হৌজিক মশিং অসি 125দা হেনগৎলগনি” হায়না মহাক্না মখা তাখি। সহর অসিনা থেংনখিবা অৱাবশিংগী মতাংদা পল্লদুনা প্রধান মন্ত্রীনা শাথিরবা হকশেলগী অনাবা অমসুং ঈচাওগী মরমদা পনখি অমসুং সহর অসিগী থৌনাদা করম্না ৱাহং কয়া হংখিবা অদু নীংশিংখি। প্রধান মন্ত্রীনা ঙসিগী থৌরম অসি পল্লদুনা সুরতনা মালেমগী মকোক থংবা খুমাং চাউশিল্লিবা সহর 10গী মনুংদা অমা ওইরগনি হায়না থাজবা ফোঙদোকখি। মহাক্না সুরতকী অথোইবা স্ত্রীত ফুদ, লুনানবা অমসুং স্কিল দিবেলপমেন্তগী মরমদা পনখি। মহাক্না সুরত অসি সন সিতী হায়না মমাংঙৈদা খঙনরমখিবা অদু দাইমন্দ সিতী, সিল্ক সিতী অমসুং ব্রিদজ সিতী হায়না মাগী মীয়ামগী হোৎনবা কনবা অমসুং কত্থোকপা অসিনা ওন্থোকপা ঙমখি হায়না ফোঙদোকখি। “ঙসি সুরত অসি নহা লাখ কয়াগী দ্রীম সিতী ওইরি” হায়না মহাক্না ফোঙদোকখি। মহাক্না হায়খি সুরতনা IT সেক্তরদা খুমাং চাউশিল্লি অমসুং সুরতগুম্বা মোর্দন সিতী অমনা দাইমন্দ বোর্সকী শক্তমদা অচৌবা বিল্দিং অমা ফংবা অসিমক পুৱারী ওইরি।

প্রধান মন্ত্রীনা হায়খি, “সুরতকী মীয়াম্না য়াম্না শাংলবা মতমদগী মোদীগী গরেন্তীগী মরমদা খঙদুনা লাকখি”। মহাক্না হায়খি মদুদি দাইমন্দ বোর্স অসি সুরতকী মীয়ামগীদমক মোদীগী গরেন্তীগী খুদম অমনি। দাইমন্দ ত্রেদকা খুৎশম্নরিবা মীওইশিংগা মহাক্না ৱারী শাখিবা অমসুং 2014 ৱর্ল্দ দাইমন্দ কনফরেন্স দিল্লীদা পাঙথোকখিবা অদুদা দাইমন্দ ইন্দস্ত্রীগীদমক স্পেসিএল নোতিফাইদ জোনশিং লাউথোকখিবা অদু নীংশিংলদুনা প্রধান মন্ত্রীনা হায়খি মদুদি খোঙচৎ অসিনা সুরত দাইমন্দ বোর্সকী শক্তমদা অচৌবা দাইমন্দ সেন্তর অমা পুরক্তুনা মফম অমদা দাইমন্দ ত্রেদকী লম কয়া ওইথোকপা য়াহল্লি। “আর্তিসান, শিন্মী অমসুং বিজিনেসমেন, পুম্নমক্কীদমক সুরত দাইমন্দ বোর্স অসি ৱান-স্তোপ সোপ অমা ওইরি” হায়না মহাক্না মখা তাখি। বোর্সতা ইন্তরনেস্নেল বেঙ্কিং, সেফ ভোল্তশিং অমসুং জ্বেলরী মোলগুম্বা ফেসিলিতীশিং লঙগনি মসিনা অনৌবা থবক লাখ 1.5 পীরগনি হায়না মহাক্না ফোঙদোকখি।

সুরতকী তৌবা ঙম্বশিংগী মতাংদা পল্লদুনা প্রধান মন্ত্রীনা ভারতনা মালেমগী ইকনোমীদা 10শুব মফমদগী 5 শুবা মফমদা কাখৎখি হায়খি। “হৌজিক মোদীনা গরেন্তী পীরি মদুদি অহুমশুবা ইন্নিংসতা ভারতনা মালেমগী মকোক থংবা ইকনোমী 3গী মনুংদ অমা ওইরগনি” হায়না মহাক্না ফোঙদোকখি। সরকারনা মথংগী চহি 25গী রোদমেপ শেমখ্রে অমসুং ত্রিলিয়ন দোলর 5 ইকনোমী অমসুং ত্রিলিয়ন দোলর 10 ইকনোমীগী পান্দমশিং ফংনবা চংশিল্লি, হায়না মহাক্না মখা তাখি।

এক্সপোর্তশিং হেনগৎহন্নবা খোঙথাংশিংগী মতাংদা পল্লদুনা প্রধান মন্ত্রীনা হায়খি লৈবাক্কী দাইমন্দ ইন্দস্ত্রীআ মসিদা অচৌবা থৌদাং লৌগনি। মহাক্না ইন্দস্ত্রীগী তাইতানশিংনা লৈবাক্কী এক্সপোর্তশিং হেনগৎহনবদা সুরতকী থৌদাং হেনগৎহন্নবা লম্বীশিং পুথোক্নবা হায়খি। ভারতনা দাইমন্দ জ্বেলরী এক্সপোর্তশিং, সিলভর কত দাইমন্দশিং অমসুং লেব-গ্রোন দাইমন্দশিংদা কল্লিবা মকোক থংবা মফম অসিগী মতাংদা পল্লদুনা হায়খি মদুদি অপুনবা গ্লোবেল জেম্স-জ্বেলরী এক্সপোর্তশিংদা ভারতকী শিয়র অসি শুপ্নগী চাদা 3.5 ওইরি। “করিগুম্বা সুরতনা লেপখ্রবদি জেম্স-জ্বেলরী এক্সপোর্তদা ঐখোয়গী শিয়রনা দবল-দিজিৎ য়ৌবা ঙমগনি” হায়না প্রধান মন্ত্রীনা ফোঙদোক্লদুনা সরকারনা সেক্তর অসি শৌগৎলি হায়না নৌহৌনা ফোঙদোকখি। মহাক্না সেক্তর অসি এক্সপোর্ত প্রমোসন, পেতেন্তেদ দিজাইন প্রমোসন তৌবা, এক্সপোর্ত প্রদক্তশিং দাইভর্সিফিকেসন তৌবা, হেন্না ফবা তেক্নোলোজীগীদমক কোল্লাবোরেসন তৌবা, লেব-গ্রোন নত্ত্রগা গ্রীন দাইমন্দশিংগী প্রমোসন তৌবা অমসুং ফোকস এরিয়া ওইনা লাউথোকখিবা অমসুং বজেৎতা গ্রীন দাইমন্দশিংগীদমক অখন্নবা প্রোবিজনশিংগুম্বা খোঙথাংশিং পনখি। মহাক্না সেক্তর অসিনা ভারতকী পোজিতিব গ্লোবেল আউৎলুক্তগী অমসুং ‘মেক ইন ইন্দিয়া’ ব্রান্দগী হেনগৎলক্লিবা থাক্তগী কান্নবা ফংলগনি হায়না থাজবা ফোঙদোকখি।

প্রধান মন্ত্রীনা হায়খি মদুদি সরকারনা সহরদা মোদর্ন ইনফ্রাস্ত্রকচর শেমগৎপদা অখন্নবা মীৎয়েং চংদুনা মীয়ামগী মতিক ময়াই হেন্না হেনগৎহন্নবা সুরতকী কেপাসিতী হেনগৎহল্লি। সুরতকী কন্নেক্তিবিতীগী মতাংদা পল্লদুনা শ্রী মোদীনা সুরত ইন্তরনেস্নেল এয়রপোর্ত, মেত্রো রেল সর্ভিস, অমসুং হাজিরা পোর্ত য়াওনা সুরতকী পোর্ত, দীপ ৱাতর LNG তর্মিনেল অমসুং মলতি-কার্গপ পোর্তকী মতাংদা পনখি। “সুরতনা ইন্তরনেস্নেল ত্রেদ সেন্তরশিংগা লোয়ননা লেপ্পা লৈতনা কন্নেক্ত তৌরি। মালেমদা সহর খরা খক্তনা অসিগুম্বা ইন্তরনেস্নেল কন্নেক্তিবিতী লৈ” হায়না মহাক্না মখা তাখি। মহাক্না বুল্লেৎ ত্রেন প্রোজেক্তকা লোয়ননা সুরতকী কন্নেক্তিবিতী অমসুং অৱাং অমসুং নোংপোক থংবা ভারতকা সুরতকা রেল কন্নেক্তিবিতী মপাঙ্গল কনখৎহনগদৌরিবা ৱেস্তর্ন দেদিকেতেদ ফ্রৈত কোরিদোরগী হৌজিক থবক পাইখৎলিবা অসিগী মতাংদসু পনখি। দিল্লী-মুম্বাই এক্সপ্রেসৱেনা সুরতকী বিজিনেস্তা অনৌবা খুদোংচাবশিং পীরগনি। প্রধান মন্ত্রীনা মীপুম খুদিংমক্তা সহরগী মোদর্ন কন্নেক্তিবিতীগী খ্বাইদগী চাউনা কান্নবা লৌনবা হায়খি অমসুং “করিগুম্বা সুরতনা মাংদা চংশিল্লবদি, গুজরাতনা মাংদা চংশিনগনি। করিগুম্বা গুজরাতনা মাংদা চংশিল্লবদি লৈবাক অসিনা মাংদা চংশিনগনি” হায়খি। ৱারোল পীবা লোইশিনবদা প্রধান মন্ত্রীনা মথংগী থাদা পাঙথোক্কদবা বাইব্রেন্ত গুজরাত সম্মিৎকীদমক য়াইফ পাউজেল পীখি।

থৌরম অদুদা গুজরাতকী রাজ্যপাল, শ্রী অচার্য়া দেবরত, গুজরাতকী মুখ্য মন্ত্রী, শ্রী ভুপেন্দ্র পতেল, কেন্দ্রগী মন্ত্রীশিং, শ্রী মনসুখ মন্দাবিয়া, অমসুং শ্রী পুরশোপত্তম রুপালা, কেন্দ্রগী রাজ্য মন্ত্রীশিং, শ্রীমতি দরশানা জরদোশ, মেম্বর ওফ পার্লিয়ামেন্ত, শ্রী সি আর পতিল, সুরত দাইমন্দ বোর্সকী চিয়রমেন, শ্রী বল্লভভাই লাখানি অমসুং ধারমান্দন দাইমন্দ লিমিতেদকী শ্রী লালজিভাই পতেলনা শরুক য়াখি।

বেকগ্রাউন্দ

প্রধান মন্ত্রীনা সুরত দাইমন্দ বোর্সসু শঙ্গাগনি‍। মসিনা মালেমগী দাইমন্দ অমদি সনা লিক্কোনগী করবারগী খ্বায়দগী চাউবা অমদি মতমগা চুনবা মফম অমা ওইরগনি‍। মসি নান্থোকত্রিবা অমদি নীংথিনা নান্থোক্লবা দাইমন্দ লোয়ননা সনা লিক্কোন লল্লোন ইতিক তৌবগী মালেমগী ওইবা মফম অমা ওইগনি‍। বর্স অসিদা ইম্পোর্ত-এক্সপোর্তকী স্তেত ওফ দি আর্ত ‘কস্তম্স ক্লিয়রেন্স হাউস’; সনা লিক্কোনগী রিতেল বিজিনেসশিংগী জিৱেল্লরী মোল অমদি সেফ ভোল্ত য়াওবা ইন্তরনেস্নেল বেঙ্কিংগী খুদোংচাবশিং য়াওরি‍।

A symbol of steadfast commitment to excellence in the realm of precious gems, the Surat Diamond Bourse is a game-changer for the country’s economy. https://t.co/bsldYuYRjk

— Narendra Modi (@narendramodi) December 17, 2023

आज सूरत शहर की भव्यता में एक और डायमंड जुड़ गया है।

और डायमंड भी छोटा-मोटा नहीं है बल्कि ये तो दुनिया में सर्वश्रेष्ठ है। pic.twitter.com/To84moPzeX

— PMO India (@PMOIndia) December 17, 2023

The new Terminal Building of Surat Airport has been inaugurated today. With this, Surat Airport has also got the status of international airport. pic.twitter.com/yupor7oe5K

— PMO India (@PMOIndia) December 17, 2023

कामगार हो, कारीगर हो, व्यापारी हो, सबके लिए सूरत Diamond Bourse वन स्टॉप सेंटर है। pic.twitter.com/fDXVmKGwRR

— PMO India (@PMOIndia) December 17, 2023

Today, the global discourse is centered around India.

'Made in India' has become an influential brand. pic.twitter.com/lp6zslx5Xu

— PMO India (@PMOIndia) December 17, 2023

***