ہندوستانی فضائیہ (آئی اے ایف) کی فلائنگ اور گراؤنڈ ڈیوٹی شاخوں کے 213 فلائٹ کیڈٹ کی  ٹریننگ کے کامیاب اختتام کے لیے، 17 دسمبر 2023 کو تلنگانہ میں ایئر فورس اکیڈمی، ڈنڈیگال میں ایک مشترکہ گریجویشن پریڈ (سی جی پی) کا انعقاد کیا گیا۔ وزیر دفاع جناب راج ناتھ سنگھ نے پریڈ کا معائنہ کیا ، انہوں نے گریجویٹ ہونے والے فلائٹ کیڈٹس کو پریسیڈنٹ کمیشن سے بھی نوازا۔ فارغ التحصیل ہونے والے افسران میں 25 خواتین شامل تھیں جنہوں نے آئی اے ایف کی مختلف شاخوں میں کمیشن حاصل کیا تھا۔ ہندوستانی بحریہ کے آٹھ افسران،انڈین کوسٹ گارڈ کے نو اور دوست ممالک کے دو افسران کو ان کی پرواز کی تربیت کی تکمیل کے بعد 'ونگ' سے بھی نوازا گیا۔

اپنے خطاب میں، جناب راج ناتھ سنگھ نے نئے کمیشن حاصل کرنے والے افسران کو مبارکباد دی اور ان کی شاندار ٹرن آؤٹ، درست مشق کی نقل و حرکت اور پریڈ کے اعلیٰ معیار کے لیے ان کی  ستائش کی۔ انہوں نے ان پر زور دیا کہ وہ کسی بھی حالت میں نئے آئیڈیا، اختراعی سوچ اور آئیڈیل ازم کے تئیں کھلے پن کو فراموش نہ کریں ۔

وزیر دفاع نے افسران کو مسلح افواج میں روایت کو مناسب اہمیت دینے کی تلقین کی، اسے وقت کی آزمائش قرار دیا۔ لیکن نشاندہی کی کہ اگر روایت کو طویل عرصے تک بغیر سوچے سمجھے پیروی کی جائے تو نظام میں "تساہلی یا بے حسی " کی کیفیت پیدا ہو جاتی ہے۔ انہوں نے اس بات پر زور دیا کہ اس صورتحال سے بچنے اور مسلسل بدلتے وقت کے ساتھ ہم آہنگ رہنے کے لیے جدت طرازی کی ضرورت ہے۔

جناب راج ناتھ سنگھ نے روایت اور اختراع کے درمیان توازن قائم کرنے پر زور دیا اور اسے انتہائی اہم قرار دیا۔ انہوں نے کہا، ’’اگر ہم صرف روایت کی پیروی کرتے ہیں تو ہم مردہ جھیل کی طرح ہو جائیں گے۔ ہمیں بہتے دریا کی طرح ہونا چاہیے۔ اس کے لیے ہمیں روایت کے ساتھ جدت لانی ہوگی۔ اڑتے رہیں اور بلندیوں کو چھوتے رہیں، لیکن زمین کے ساتھ اپنا تعلق برقرار رکھیں‘‘ ۔

اس سے پہلے،وزیر دفاع کا استقبال فضائیہ کے سربراہ ایئر چیف مارشل وی آر چودھری نے کیا۔ پریڈ میں انہیں جنرل سلامی پیش کی گئی جس کے بعد شاندار مارچ پاسٹ کیا گیا۔ پریڈ کی خاص بات 'کمیشننگ تقریب' تھی جس میں گریجویٹ فلائٹ کیڈٹس کو جناب راج ناتھ سنگھ نے ان کی 'اسٹرائپس' سے نوازا۔ اس کے بعد فارغ التحصیل افسران کو اکیڈمی کے کمانڈنٹ نے 'حلف' دلایا۔ سی جی پی کو تربیت دینے والے ہوائی جہاز کے فلائی پاسٹ کے ذریعہ آپس میں جوڑا گیا جس میں پائلٹس پی سی-7 ایم کے II، ہاک اور کرن کے ساتھ چیتک ہیلی کاپٹر شامل تھے۔

وزیر دفاع نے ٹریننگ کے مختلف شعبوں میں بہترین کارکردگی کا مظاہرہ کرنے والے ٹریننگ دینے والوں کو بھی مختلف ایوارڈ سے نوازا۔ فلائنگ برانچ کے فلائنگ آفیسر اتل پرکاش کو پائلٹس کورس کے میرٹ کے مجموعی ترتیب میں اول آنے پر صدر  جمہوریہ کی تختی اور چیف آف دی ایئر اسٹاف سورڈ آف آنر سے نوازا گیا۔ فلائنگ آفیسر امریندر جیت سنگھ کو گراؤنڈ ڈیوٹی شاخوں  میں میرٹ کے مجموعی ترتیب میں پہلے نمبر پر آنے پر صدر  جمہوریہ کی تختی سے نوازا گیا۔

پریڈ کا اختتام نئے کمیشنڈ افسران کے دو کالموں میں رابندر ناتھ ٹیگور کے 'آنندآ لوک ' کے نوٹوں کے لیے دھیمے  مارچ کے ساتھ ہوا۔ ایس یو-30 ایم کے آئی کی جانب سے ایک دلکش ایروبیٹک شو، ہیلی کاپٹر کی نمائش کرنے والی ٹیم 'سارنگ'، اور 'سوریہ کرن' ایروبیٹک ٹیم کی طرف سے ہم آہنگ  ایروبیٹکس نے سی جی پی  کے شاندار اختتام کوناقابل فراموش بنا دیا ۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

2541