وزیر اعظم جناب نریندر مودی نے آج ویڈیو کانفرنسنگ کے ذریعے وکست بھارت سنکلپ یاترا کے مستفیدین کے ساتھ بات چیت کی اور اس موقع پر اجتماع سے بھی خطاب کیا، جہاں وکست بھارت سنکلپ یاترا کے لاکھوں مستفیدین عوام کے ساتھ وزیراعظم کی اس یادگار بات چیت کا مشاہدہ کرنے کے لیے بڑے جوش اور جذبے کے ساتھ شامل ہوئے۔ یہ تعامل ایک اہم سنگ میل ہے، جو ہندوستان بھر کے شہریوں کی زندگیوں پر حکومتی اقدامات کے ٹھوس اثرات کو ظاہر کرتا ہے۔

عزت مآب وزیر اعظم ملک بھر میں پانچ مقامات پر مستفیدین کے ساتھ براہ راست جڑے۔ ان مقامات میں ممبئی (مہاراشٹر)، آسام (گوہاٹی) کوزی کوڈ (کیرالہ) شملہ (ہماچل پردیش) اور لکھنؤ، اتر پردیش شامل ہیں۔ وزیر اعظم مودی مختلف اسکیموں کے ان مستفیدین کے ساتھ بات چیت میں مصروف رہے جنہوں نے مثالی عطائے اختیار، روزگار کے مواقع پیدا کرنے اور باوقار توسیع کی تصویر کشی کرتے ہوئے حقیقی زندگیوں پر سرکاری اسکیموں کے تبدیلی کے اثرات کو ظاہر کیا۔

روپڑ ضلع کے گھنولا گاؤں میں منعقدہ پروگرام جل شکتی کے وزیر جناب گجیندر سنگھ شیخاوت کی موجودگی میں منعقد ہوا جہاں انہوں نے اس موقع پر اجتماع سے خطاب کیا۔ انہوں نے کہا کہ آج حکومت ہند نے ان لوگوں کی دہلیز تک پہنچنے کی کوشش کی ہے جنہیں حکومت کی اسکیموں جیسے آیوشمان بھارت، کسان سمان ندھی، پی ایم اجولا، آدھار انرولمنٹ وغیرہ کے فوائد سے محروم رکھا گیا ہے، اس عزم کے ساتھ کہ ملک کی تعمیر میں اپنا تعاون کرنے کے لیے اقتصادی ترقی کے مرکزی دھارے میں شامل ہونے میں کسی کو پیچھے نہیں چھوڑا جائے گا۔

وزیر اعظم نے راجستھان، مدھیہ پردیش، چھتیس گڑھ، تلنگانہ اور میزورم کی ریاستوں میں وکست بھارت سنکلپ یاترا کو بھی ورچوئل طور پر جھنڈی دکھا کر روانہ کیا۔ وکست بھارت سنکلپ یاترا، جس کا آغاز 15 نومبر کو کھونٹی، جھارکھنڈ سے ہوا، جنجاتیہ گورو دیوس کے موقع پر، تمام گرام پنچایتوں اور شہری مقامی اداروں کو کور کرنے کے اپنے مشن میں اہم پیش رفت کر رہی ہے۔

مستفیدین کے ساتھ وزیر اعظم کی براہ راست بات چیت شہریوں کے ساتھ براہ راست رابطے کو فروغ دینے کے لیے حکومت کی لگن کو تقویت دیتی ہے، اس بات کو یقینی بناتی ہے کہ مختلف اسکیموں کے فوائد ان لوگوں تک پہنچیں جنہیں ان کی سب سے زیادہ ضرورت ہے۔ یہ اقدام شفافیت، جوابدہی، اور شہری مرکوز گورننس کے اصولوں سے ہم آہنگ ہے۔

وکست بھارت سنکلپ یاترا ملک بھر میں شروع کی جا رہی ہے جس کا مقصد حکومت کی فلیگ شپ اسکیموں کا فائدہ حاصل کرنا ہے تاکہ اس بات کو یقینی بنایا جا سکے کہ ان اسکیموں کے فائدے مقررہ وقت میں تمام ہدف مستفیدین تک پہنچ سکیں۔

**************

ش ح۔ ف ش ع- م ف

U: 2537