بھارت بھر میں ایک تبدیلی کی تحریک مضبوط تر ہوتی جا رہی ہے۔ وکست  بھارت سنکلپ یاترا، امید کا ایک متحرک کارواں، تمام ہندوستانیوں کی دہلیز پر انہیں بااختیار بنانے اور ایک روشن مستقبل کا وعدہ لے کر آرہی ہے۔

وزیر اعظم نریندر مودی کے ذریعہ 15 نومبر کو کھنٹی، جھارکھنڈ سے جھنڈی دکھا کر روانہ کی گئی، وکست بھارت سنکلپ یاترا کا مقصد مختلف فلاحی اسکیموں کے بارے میں شہریوں میں بیداری پیدا کرنا اور اسکیموں کی 100 فیصد تکمیل کو یقینی بنانے کے لیے "جن بھاگداری" کے جذبے میں ان کی شرکت حاصل کرنا ہے۔ یہ حکومت ہند کا اب تک کی سب سے بڑا رابطہ کاری کی پہل قدمی ہے اور 25 جنوری 2024 تک ملک بھر میں 2.60 لاکھ گرام پنچایتوں اور 4000 سے زائد  شہری مقامی اداروں کا احاطہ کرے گی۔

آج ، وزیر اعظم وکست بھارت سنکلپ یاترا کے ان مستفیدین سے بات چیت کریں گے جنہوں نے سرکاری اسکیموں سے فائدہ اٹھایا ہے۔ اس یاترا کے دوران یہ اس طرح کی تیسری بات چیت ہوگی۔ وزیر اعظم راجستھان، مدھیہ پردیش، چھتیس گڑھ، تلنگانہ اور میزورم میں وکست بھارت سنکلپ یاترا کو بھی جھنڈی دکھائیں گے۔

صرف ایک ماہ کے مختصر عرصے میں، یاترا ملک کی 68,000 گرام پنچایتوں (جی پیز) میں 2.50 کروڑ سے زیادہ شہریوں تک پہنچ چکی ہے۔ مزید برآں، تقریباً 2 کروڑ افراد نے وکست بھارت سنکلپ لیا ہے اور مرکزی حکومت کی اسکیموں کے 2 کروڑ سے زیادہ استفادہ کنندگان نے ’میری کہانی میری زبانی‘ پہل قدمی کے تحت اپنے تجربات ساجھا کیے ہیں۔

وکست بھارت سنکلپ یاترا محض ایک وعدہ نہیں ، بلکہ ایک ایسا سفر ہے جس  میں واضح بہتری نظر آرہی ہے۔ یہاں چند ایسی حصولیابیوں کا ذکر کیا گیا ہے  جو اس ترقی کو اجاگر کر رہی ہیں:

مجموعی رپورٹ (16 دسمبر 2023 ؛  دوپہر 1:00 بجے تک)

موقع پر فراہم کی جانے والی خدمات (16 دسمبر 2023 ؛ دوپہر 1:00 بجے تک)

ہیلتھ چیک اپ سے لے کر آیوشمان کارڈس جاری کرنے تک، یاترا کی موقع پر فراہم کی گئیں خدمات  اور ان کے اثرات کی ایک جھلک :

100 فیصد تکمیل (16 دسمبر 2023  ؛ دوپہر 1:00 بجے تک)

گرام پنچایتوں کی تعداد

وکست بھارت سنکلپ یاترا ترقی کے راستے پر سنگ میل حاصل کر رہی ہے، یہاں ان گرام پنچایتوں کی تفصیل دی گئی ہے جنہوں نے 100 فیصد آیوشمان  احاطے ، ہر گھر جل کنکشن، آراضی کے ریکارڈ کو ڈجیٹل شکل دینے اور او ڈی ایف پلس درجے کی حصولیابی کے ساتھ نمایاں کارنامہ انجام دیا ہے،

وکست بھارت سنکلپ یاترا حقیقی معنوں میں اعدادو شمار اور نمبروں سے بالاتر ہے؛ یہ لاتعداد زندگیوں تبدیل کرنے کا ایک مجموعہ ہے۔

کٹرا، جموں و کشمیر کے گنیش شرما کی کہانی، مرکزی حکومت کی فلیگ شپ اسکیموں کے مثبت اثرات کی ایک زبردست مثال ہے۔ بدقسمت حادثے کی وجہ سے گنیش کی ٹانگ میں فریکچر ہو گیا۔ اس نے علاج کی تلاش کی اور دوسری متبادل ادویات کی تلاش کی لیکن یہ کوششیں ناکام ثابت ہوئیں، جس سے گنیش مایوسی کا شکار ہوگیا۔ تاہم آیوشمان بھارت اسکیم کی صورت میں امید کی کرن ابھری۔ آیوشمان کارڈ کے ذریعے، حکومت نے اس کے علاج کے اخراجات کو پورا کیا، جس سے گنیش کو وہ نگہداشت حاصل ہوئی جس کی اسے ضرورت تھی۔

ملک کے ایک اور کونے میں، دیما پور، ناگالینڈ کی خوانچہ فروش ریتا گھوش، اس بات کی ایک روشن مثال ہے کہ مرکزی حکومت کی جانب سے شامل ترقی پر زور دینا زندگیوں کو بدل رہا ہے۔ روایتی بینکوں اور مالیاتی اداروں سے قرض تک رسائی میں متعدد چیلنجوں کا سامنا کرنا پڑا، جس سے اس کے کاروبار کو بڑھانے کی صلاحیت میں رکاوٹ پیدا ہوئی۔ تاہم، پی ایم سواندھی کی مدد سے، ریتا ایک قرض حاصل کرنے میں کامیاب رہی جس کی وجہ سے وہ اپنے کاروبار میں سرمایہ کاری کر سکے اور اپنی آمدنی میں اضافہ کر سکی۔

امید  اور ترقی کی ایسی مزید ترغیباتی داستانیں آپ  https://viksitbharatsankalp.gov.in/ پر سن سکتے ہیں۔

اگرچہ گنیش اور ریتا کی کہانیاں منفرد ہیں، وہ ہندوستان بھر میں لاکھوں لوگوں کے تجربات کی بازگشت کرتی ہیں۔ وکست بھارت سنکلپ یاترا، مبنی بر شمولیت ترقی کے لیے اپنے غیر متزلزل عزم کے ساتھ، اس بات کو یقینی بنا رہی ہے کہ کوئی بھی شہری پیچھے نہ رہے۔ یہ صرف نمبروں کے بارے میں نہیں ہے؛ یہ تبدیلی کے اثرات کے بارے میں ہے جو صاف پانی پینے والے بچوں کے قہقہوں میں نظر آتا ہے، ایک کسان کا اپنی زمین کے کاغذات پر فخر، اور ایک ماں کی آنکھوں میں امید جو اب اپنے خاندان کے لیے حفظان صحت کا خرچ برداشت کر سکتی ہے۔ وکست بھارت مصروف عمل ہے، یہ محض ایک وعدہ نہیں ہے۔

**********

 (ش ح –ا ب ن۔ م ف)

U.No:2519