লৈবাক অসিদা লৈনুংদা লৈরিবা ঈশিংগী ফিবম সেন্ত্রেল গ্রাউন্ত ৱাতর বোর্দ(সি জি দব্লিউ বি) অমসুং রাজ্য সরকারনা পুন্না চাংনাইনা য়েংশিল্লি। ২০২৩দা থিজিনবগী মতুংইন্না, স্তেচ ওফ গ্রাউন্দ ৱাতর এক্সত্রেক্সন(এস ও ই) অসি চহিগী ওইনা লৌউ-শিংউ, উদোগ অমসুং ইমু-মনুংগী শীজিন্ননবা লৈনুংদগী ঈশিং চিংখৎপা অদু ওনবা অমনি অমসুং লৈবাক অসি অপুনবা অমা ওইনা চহিগী লৈনুংদগী ঈশিং চিংখৎপা অসি 59% ওইরি।

তরুকশুবা মাইনর ইরিগেসন(এম আই) সেন্সসকী খ্বাইদগী নৌবা পাউগী মতুংইন্না, ভারত্তা লৈরিবা অপুনবা লৈনুংদগী ঈশিং চিংখৎনবা স্কিমশিং/স্ত্রকচর অসি ২,১৯,৩২,৭৯৯ (দগৱেল-৮২,৭৮,৪২৫; সেল্লো তুবৱেল-৫৫,৮৫,৮৩৯; মেদিয়ম তুবৱেল-৪৩,১৮,২৭৫ অমসুং দিপ তুবৱেল-৩৭,৫০,২৬০) নি। রাজ্যশিংগী অকুপ্পা মরোলশিং এন্নেক্সরদা পীরি।

ঈশিং অসি রাজ্যগী হিরম অমা ওইবনা  ঈশিংগা মরী লৈনবা থবকশিং রাজ্য সরকারশিংনা পাংথোক্লি। লৈনুংগী ঈশিংগী ফিবম হান্নগুম লৈহনবা নত্ত্রগা বোরৱেলশিংগী খুৎথাংদা ঈশিং চিংখৎপগী থৌদাং অসি রাজ্য সরকারগীনি। কেন্দ্রনা শেন্থং পুথোকপা তোঙান-তোঙানবা স্কিমশিংগী খুৎথাংদা কেন্দ্র সরকারনা তেক্নিকেলগী মতেং অমসুং শেনগী মতেং পাংলি। লৈনুংগী ঈশিংগী মখা পোনবা হন্থহন্নবা, লৈনুংদা ঈশিং ফংবা হেনগৎহন্নবা অমসুং লৈবাক শীনবা থুংনা ঈশিং লৈবা মফমশিং ঙাক-শেন্নবা ভারত সরকারনা থবক কয়া পায়খৎলি।

‘য়ুনাইতেদ নেসন্স ৱার্ল্দ ৱাতর দিবলপমেন্ত রিপোর্ত ২০২২-গ্রাউন্দৱাতর মেকিং দি ইনভিসিবল’গী মতুংইন্না ২০১৭দা মালেমগী ওইনা লৈনুংদগী ঈশিং খ্বাইদগী য়াম্না চিংথোকপা মকোক থোংবা লৈবাক ১০গী মনুংদা ভারত য়াওরি। রিপোর্ত অসি https://unesdoc.unesco.org/ark:/48223/pf0000380721/PDF/380721eng.pdf.multi

য়েংবা য়াগনি।

 

লৈবাক অসিদা লৈনুংগী ঈশিং হান্নগুম লৈহন্নবা কেন্দ্র সরকারনা পায়খৎলিবা মরুওইবা থবক খর মফম অসিদা য়েংবা য়াগনি https://cdnbbsr.s3waas.gov.in/s3a70dc40477bc2adceef4d2c90f47eb82/uploads/2023/02/2023021742.pdf

 

মখোয় খর মখাদা পীরি :-

1. নোংগী ঈশিং/লৈনুংগী ঈশিং হেনগৎহনবদা মীৎয়েং থমদুনা লৈবাক অসিদা ভারত সরকারনা জল শক্তি অভিয়ান পায়খৎলি। ঈশিং ৱাবা জিলা 256 গী ব্লোকশিংদা 2019 দা অহানবা জল শক্তি অভিয়ান হৌদোকখি অমসুং মসিগী মরুওইবা পান্দমদি খুৎশেমগী ওইবা ঈশিং লৌশিন্নবা স্ত্রকচরশিং শেমদুনা, ৱাতরসেদ মেনেজমেন্ত অমসুং রিচার্জ অমসুং অমুক হন্না ঈশিং শীজিন্নবা য়াবা স্ত্রকচরশিং শেমগৎতুনা নোংজু থা মনুংদা ঈশিং মপুংফানা লৌশিনহৌবনি। “থক্নবা ঈশিং ফংফম” হায়বা থিমগা লোয়ননা মার্চ 4, 2023দা ভারতকী রাস্ত্রপতিনা 2023 গী জল শক্তি মিসন হৌদোকখি।
2. প্রধান মন্ত্রীনা এপ্রিল 24 ,2022 দা অমৃত সরোভর মিসন হৌদোকখি। মিসন অসিগী পান্দমদি লৈবাক অসিগী জিলা খুদিংমক্তা ঈশিং লৈবা মফম 75 শেমগৎপা অমসুং হিঙ্গৎহনবনি।
3. লৈবাক অসিদা 2015-16 দগী এগ্রিকলচর অমসুং ফার্মরস ৱেলিফিয়ার দিপার্তমেন্তনা প্রধান মন্ত্রী কৃষি সিঞ্চায়ী য়োজনাগী পর দ্রোপ মোর ক্রোপ কম্পোনেন্ত পায়খৎলি। মাইক্রো ইরিগেসনগী খুৎথাংদা ঈশিং লীক্নবা শীজিন্ননবা য়োজনা অসিনা পান্দম থম্লি।
4. লৈনুংগী ঈশিং শীজিন্নবগী থবকশিংগী মীয়াম্না লুচিংবা স্কিম অমা অতল ভুজাল য়োজনা, জল শক্তি মিনিস্ত্রিনা হৌদোক্লে। রাজ্য 7  হায়বদি হরিয়ানা, রাজস্থান, গুজরাত, মহারাস্ত্রা, কর্নাতকা, মধ্য প্রদেস অমসুং উত্তর প্রদেসগী ঈশিং ৱাবা গ্রাম পঞ্চায়তশিংদা স্কিম অসি হৌদোক্লে।
5. লৈনুংগী ঈশিংগী মখা পোনবা হন্থহন্নবা রাজ্যশিংনা মখোয়গী লৌমীশিংদা লেম্না/সবসিদি ওইনা মৈ পীবগী থৌশিল হন্না য়েংশিন্নবা, চুনবা ঈশিংগী থৌশিল শেম্নবা অমসুং মহৈ-মরোং ওন-ওন্দুনা থানবা মিনিস্ত্রিনা পাউতাকশিং পীখ্রে।
6. লৈনুংগী ঈশিং শীজিন্নবা হন্থহন্নবা রাজ্যশিং/য়ু.তিশিংগা খুৎশম্নদুনা জল শক্তি মিনিস্ত্রিনা পি.এম.কে.এস.ৱাই-এ.আই.বি.পিগী মখাদা লৈমাইগী ঈশিংদা য়ুম্ফম ওইবা অচৌবা অমসুং য়াইমরপ ওইবা ইরিগেসন প্রোজেক কয়া পায়খৎলে।
7. লৈবাক অসিদা লৈনুংগী ঈশিং শীজিন্নবগী থবক্কী চৎন-কাংলোন শেম্নবা জল শক্তি মিনিস্ত্রিগী ইনভাইরোনমেন্ত (প্রোতেক্সন) এক্ত, 1986 গী সেক্সন3(3)গী মখাদা সেন্ত্রেল গ্রাউন্ত ৱাতর ওথোরিতি শেম্লে।
8. লৈবাক অসিদা লৌউ-শিংউ, ইমুং-মনুং, থক্নবা ঈশিং পীবা, মিউনিসিপাল অমসুং উদোগকী লমদা ঈশিং ফজনা শীজিন্নবা পুক্নিং থৌগৎনবা জল শক্তি মিনিস্ত্রিনা বিউরো ওফ ৱার য়ুজ ইফিসিয়েন্সি(বি দব্লিউ য়ু ই) লিংখৎলে।
9. রাজ্যশিং/য়ু.তিশিংগা খন্নরগা সেন্ত্রেল গ্রাউন্ত ৱাতর বোর্দ(সি জি দব্লিউ বি)মা খুৎশম্না লৈনুংগী ঈশিং অমুক হাপচিন্নবা মাস্তর প্লান শেম্লে।

07.12.2023 ফাওবদা লৈবাক অসিগী খুঙ্গংগী য়ুমথোং করোর 19.24  গী মনুংদা চাউরাক্না য়ুমথোং করোর 13.76 (71.51%) মখোয়গী য়ুমশিংদা তোতি ঈশিং ফংলে। মিসনগী মতম মনুংদা লেমহৌরিবা খুঙ্গংগী য়ুম করোর 5.48 ঈশিং পীনবা পান্দম থম্লি।

‘কনা অমতা চিৎথহৌদবা’ হায়বা পান্দমদা 07.12.2023 ফাওবদা খুঙ্গং লাখ 2 হেন্না ‘হর ঘর জল’ ওইরে হায়বদি য়ুমথোং 100% তোতি ঈশিং ফংলে, 07.12.2023 ফাওবা মখোয়গী গ্রাম সভাশিংনা খুঙ্গং 90,272 হর ঘর জল সর্তিফাই পীরে।

 

ৱাফম অসি ঙসি লোক সভাদা অইবা ওইনা পীবা পাউখুম অমদা জল শক্তিগী রাজ্য মন্ত্রী শ্রী বিশ্বেশ্বর তুদুনা ফোঙদোকখিবনি।

এন্নেক্সর

লৈনুংগী ঈশিংগী স্কিমশিং/স্ত্রকচরশিংগী রাজ্যশিংগী অপুনবা মশিং (তরুকশুবা এম.আই সেন্সসকী মতুংইন্না)

 

*****

(Release ID: 1987034) Visitor Counter : 64