உணவு பதப்படுத்துதல் தொழிலுக்கான, உற்பத்தியுடன் இணைக்கப்பட்ட ஊக்குவிப்புத் திட்டம் (பி.எல்.ஐ), அதுதொடர்பான வழிகாட்டுதல்களின்படி செயல்படுத்தப்படுகிறது. இதில், குறிப்பிட்ட நிதியாண்டில் பயன்பெற விரும்பும் நிறுவனங்கள் அந்த நிதியாண்டுக்கு முன்பு வரும் டிசம்பர் 31 ஆம் தேதிக்குள்  விண்ணப்பிக்க வேண்டும். 2021-22-ம்  நிதியாண்டில் ரூ. 584.30 கோடி ஊக்கத்தொகை வழங்கப்பட்டுள்ளது.

சம்பந்தப்பட்ட தரப்பினருடன் கலந்தாலோசித்த பின்னர்,  திட்ட வழிகாட்டுதல்களில் உள்ள தகுதி அளவுகோல்களின் அடிப்படையில் பயனாளி நிறுவனங்கள் தேர்வு செய்யப்படுகின்றன.தமிழ்நாட்டைப் பொறுத்தவரை 8 நிறுவனங்கள் இத்திட்டத்திற்குத் தேர்வு செய்யப்பட்டுள்ளன.

சுமார் 2.5 லட்சம் பேருக்கு வேலைவாய்ப்பை உருவாக்குவதே இத்திட்டத்தின் நோக்கமாகும். 2023 செப்டம்பர் 30-ம் தேதி நிலவரப்படி, உற்பத்தியுடன் இணைந்த ஊக்கத்தொகை திட்டத்தின் கீழ் பயன்பெறும் நிறுவனங்களில்  2,37,335 நபர்களுக்கு வேலைவாய்ப்பு உருவாக்கப்பட்டுள்ளது.

இத்தகவலை மத்திய உணவு பதப்படுத்துதல் தொழில்துறை இணையமைச்சர் ஷோபா கரந்தலாஜே மாநிலங்களவையில் இன்று எழுத்துப்பூர்வமாக அளித்த பதிலில் தெரிவித்துள்ளார்

***

ANU/PKV/PLM/AG/KV

(Release ID: 1986694) Visitor Counter : 47